چەوا تە ها ژ شڤانەکی هەبیت
پێنج رێك بۆ هاندانا شڤانێن هەوە
وەکو مارەکێ ژ ناڤ ستریان دا، عەمالێقان هێرش کرە ئیسرائیلێ. هێشتا کەنارێن دەریایێ ژ لەشکەرێ فیرعەونی پاقژ نەببوون، نە ژی خەلك گەهشتبوو چیایێ سینایێ، بەری دەرکەفتنا دوژمنێن نوی: “عەمالێقی هاتن و ل رەفیدیم شەڕێ ئیسرائیلیان كر” (دەرکەفتن ١٧: ٨).
رەوشا نەچار کر کو بەنی ببنە لاشکەر. مووسای، فەرماندار و سەروکێ وان، فەرمان ل یەشوعی کر کو زەلامان کوم بکەت و بەرەڤ شەریڤە بچیت. مووسا ژی دا د رێکەکا جیاواز را چیت، ل بەرۆکەکێ دی شەری کەت: “سوبەهی ئەز دێ ل سەرێ گری راوەستم و گۆپالێ خودێ دێ د دەستێ من دا بیت” (دەرکەفتن ١٧: ٩).
ئەڤجا ئەو چەندە رویدا. “ئەو بوو دەمێ مووسای دەستێ خۆ بلند دكر، ئیسرائیلی ب سەر دكەفتن، لێ دەمێ بێھنا دەستێ خۆ ڤەددا و دئینا خوارێ، عامالێقی ب سەر دكەفتن.” (دەرکەفتن ١٧: ١١). رێکەکا سەیر بۆ سەرکەفتن یان خسارەت د شەرەکی دا. ژیانا ئەوان مروڤان د ناڤ هەوای دا ب رێکا گۆپالێ مووسای یا هەلاویستی بوو. دەمێ بلند کر، ئیسرائیل بسەر دکەفت. وەکو دەستێ خۆ ددانا، عەمالێقی وێران دکرن (بەهێز دبون و ئەو وێران دکرن). پێغەمبەر فێر ببوو کو هێزا راکێشانێ دوژمنەکێ بێ راوەستیانە: “دەستێن مووسای وەستیان” (دەرکەفتن ١٧: ١٢).
شڤانان ژی هەست ب ئەوێ وەستیانێ کر، ئەڤێ سۆتنا دەستبلندکرنێ د نڤێشکرنێ دا بۆ گەلێ خودێ. هەروەکو بێ ماندیبوون، ئەوان ل سەرێ گری ب رۆژ ب رۆژ، هەیڤ ب هەیڤ، ساڵ ب ساڵ. وەرز دهێنە گوهوڕین، بەلێ ئەو یێن ل سەر گۆپیتکێ. هندەك جاران هەمی تشت بێمفا دیار دکرن. هندەك جاران ژی بێقەدر. تیشکێن گازندان ب ناڤچاڤان دکەتن؛ خەمێن گەلێ وان ژی گیان بێهێز دکەن. هێزا راکێشانێ، د خزمەتێ دا، دوژمنەکێ بێ راوەستانا.
ساڵ دەرباز دبن. دەست شوڕ دبن. بتنێ هندەك ساڵان، هندەك شڤانان ب تەمامی دەست ژێ بەرداینە. یێ بەرەکەتدارە، شڤانێ کو هارون و حوور ل گەل دا بن:
دەمێ دەستێن مووسای وەستیاین، وان بەرەك ئینا و دانا بن وی و ئەو ل سەر روینشتە خوارێ. ئەڤجا هارون و حوور، هەر ئێكی ل لایەكێ وی دەستێن وی بلند كرن. ئینا دەستێن وی تا ئاڤابوونا رۆژێ د بلند كری بوون.
یەشوعی ب دەڤێ شیری عەمالێق و لەشكەرێ وی شكاند. (دەرکەفتن ١٧: ١٢-١٣)
ئەڤ پەندە ل ڤێرێ بەرجستە دبیت: “ئەگەر ئێكێ بشێتە ئێكێ ب تنێ، دوو دشێن بەرگریا وی بکەن، چنکو بەندەکێ سێ تایی بساناهی ناهێتە شکاندن” (ئاقلمەند ٤: ١٢). بەرەکەتدارە ئەوێ برایێن شڤان ب رەخڤە دراوەستیاینە، بەلێ ئەو گەلەکێ بەرەکەتدارە یێ کو کەنیسە هەمی پشتاڤانیا وی دکێ.
چەوا حەز ژ شڤانێ خۆ بکەی
بەری ببیە ئێك ژ وان، من کێم پرسیار کر، ئەرێ چەوا ئەز ب باشترین شێواز خزمەتا شڤانێن خۆ بکەم؟ ئەرێ چەوا ئەز دشێم ببمە بەرەکەتەك بۆ ئەوان، ئەوان رەحت بکەم، پشتاڤانیا وان بکەم؟ شڤانێن من هوسا بۆ من دیار بوون کو ئەو بێ ئاریشە بوون. ئەز پێدڤی ب هاریکاریا وان بووم، وەسا دیار بوو، ل سەر جاددەیەکا ئێك ئاراستە. بەلێ نڤێسارێن پیرۆز نیشان نادەن کو هوسایە. ژ پەرتووکەکا کورت لێ گەلەکا باش یا جۆن ئوێنی ب ناڤێ ئەرکێن برایەتییا مەسیحی، هزر بکە ل سەر چەند رێکان کا چاوا کەرەکێ پەزی باش هاژ شڤانێ خۆ دکەت.
١. رێزێ لێ بگرن
هندەك خێزان ب ساناهی دبینین کو ب رێکا مالڤە د ترۆمبێلێ دا ژ کەنیسەیێ ب تنێ رەخنێ ل شڤانی و گۆتارا وی بگرن. ئەز تێمە گونەهبارکرن ب گوهـلێبوونا چارلێس سپێرجن،
پڕ ژ هەمان گیانێ دژایەتیێ، مروڤێن ئەڤێ جیهانێ هێشتا خزمەتکارێن خودێ بۆ وان دهنێریت بێرێز دکەن و دبێژن کو ئەو ب خۆشحالیڤە گوهداریێ دکەن ئەگەر گۆتاربێژێن جودا بهێنە دیتن. هیچ تشتەك وان رازی ناکەت، گازندێن وان بێ هەژمار و بێ جیاوازی دهێنە کرن. کێفا گەلەك یێ هشکە، ئەپولوس گەلەك ب جوانی د ئاخڤیت، پاولوس گەلەك گەنگەشێ دکەت، تیمۆتاوس گەلەك یێ گەنجە، یەعقوب گەلەك یێ توندە، یوحەننا گەلەك یێ نەرمە. (گۆتاربێژێن سەیر و سەمەر).
چەند گرنگە کو وەسفا سەرەکیا پەیوەندیا کەرێ پەزی ل گەل شڤانێن وێ ب رێزگرتن بیت.
گوهـ لێ بگرە کا چەوا گەلەك شڤانەکێ دەروونبچویك شەرم بکەت بێژیت: “ئەڤجا ئەم هیڤی ژ هەوە دكەین، گەلی خویشك و برایان، كو هوین رێزێ ل وان بگرن، یێن د ناڤ هەوە دا خۆ دوەستینن و د باوەریا خودانی دا رێبەریا هەوە دكەن و شیرەتان ل هەوە دكەن. ژ بەر كارێ وان، حەز ژ وان بكەن و بلا ل نك هەوە گەلەك د بهاگران بن” (١ سالونیکی ٥: ١٢-١٣). ژ بەر كارێ وان، حەز ژ وان بكەن و بلا ل نك هەوە گەلەك د بهاگران بن. ئەرێ ئەڤێ چەندێ تۆ وەسف کری؟ یان داکو ئەو روی بدەت، ئەرێ پێدڤیە شڤان خودان دیاریان بیت کو کەسەک وەکو وی نەبیت ل ناڤ ئەڤی نفشی دا و ل دویڤ حەزێن تە بیت؟
٢. چاڤ ل وان بکەن
هزر د ئێك رێك دا بکە یا کو نڤێسەرێ عیبرانی داخوازێ ژ مە دکەت رێزێ ل وان بگرین: “رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن” (عیبرانی ١٣: ٧). چاڤلێکرن راسترین شێوازێ رێزلێگرتنێیە.
ئەرێ شڤانێن هەوە ب تایبەتی د دەروونبچویكن و هوشیارن د ئاخفتنێن خۆ دا و د دەمێ تەنگاڤیێ دا بێترسن و ل گەل ڤاڕێبوویان د نەرمن و کویر د نڤێسارێن پیرۆز دا ب زانینن و د مەسیحی دا دکەیفخۆشن و د نڤێژێ دا دبەردەوامن و باب و هەڤژین و رێبەر و مزگینیدەرێن ژ خودێترسن؟ ئەرێ د ژیانا وان یا باوەریێ دا هوین ب چ چاڤ ل وان دکەن؟ هزر ل سەر ئانجامێ ژیانا وان بکەن و چاڤ ل وان بکەن. و بێژنە وان هوین وێ چەندێ دکەن.
جۆن ئوێن داخوازێ ژ مەسیحیان دکەت کو لاوازیێن شڤانێن خۆ ب حەزژێکرنێ بنخێڤن، بزانن کو ژیانا ماموستایێن وان “رێکەکا کەرەمێ یە ژ لایێ خودێڤە هاتیە دابینکرن وەکو رزگارکرنەك بۆ وان دەمێ ئەو د تاقیکرنێ دا، و هاندانا بۆ پیرۆزی و دلگەرمی و نەرمینی و خۆ-ینکارکرن” (١٩). ئەرێ هوین ئەڤێ نموونەیێ بۆ باوەریا خۆ پشگوهـ دهاڤێژن، ژیانا شڤانان، یێن کو پێیێن وان، هەرچەندە ژ ئاخێ هاتینە دروستکرن، پشتەڤانیا ژیانەکا بێ گازندە دکەن؟ د جیهانەکا کێم قەهرەمان هەیین، ئەرێ شڤانێن هەوە نموونەیەکە کو هوین بەردەوام ل وان دنێرن؟
٣. دوعا بۆ وان بکەن
ئەرێ هوین چەند دوعایان بۆ شڤانێن خۆ دکەن؟
ئەگەر هندەك وەختی خۆ ب دوعاکرنێ ڤە بۆ شڤانێن خۆ ببورینین وەکو ئەوان بۆ دیارکرنا لاوازیێن خۆ بوراندی، دبیت ئەو لاوازیە نەمینن. پرسیار ئەڤەیە، “ئەرێ هاتیە زانین کو هەر لاوازیەکا د خزمەتا شڤانی دا هەست پێ هاتیەکرن دبییت ژ بێ نڤێژیا کەنیسێ بیت؟” (ئەرك، ٢٢).
بەهەشت دێ ئاشکرا کەت کا چەند پشتەڤانیا شڤانی ب دوعایێن گەلێ وی هاتیە کرن (یان نە). دبیت هوین ل گەل یەشوعی ل گۆرەپانا شەری بن، بەلێ ئەگەر هوین براستی خەمخورێن بلندکرنا دەستێن وی بن ل سەر گری، دوعا بۆ بکەن. بلا دوعایێن هەوە ببنە بەر بۆ وی کو ل سەر بروینیت.
دەربارەی سپێرجۆنی هاتیە گۆتن کو دەمێ پرسیار ژێ هاتیە کرن دەربارەی سەرکەفتنا وی یا مەزن د خزمەتێ دا، ئەوی ب سادەیڤە گۆت، “خەلکێ من دوعا بۆ من دکەن.” هەروەسا ل دەمەکێ دی، ئەوی مێهڤان برنە خوار بۆ “ژوورا گەرمکرنێ” ل کەنیسەیێ، ئەو جهێ کو کارەب و گەرماتی دایێ. ئەوی دەرگەهـ ڤەکر، و مێهڤانان ب سەدەهان کەس دیتن کو نڤێژێ دکەن بەری خزمەت دەست پێ بکەت.
ئەرێ هوین دوعا بۆ شڤانێن خۆ دکەن کو ژ لایێ عیسایڤە بهێنە پاراستن، و ب رێکا عیسای پشتەڤانیا وان بهێتەکرن و تێر و رازی بن؟ ئەرێ هوین ل گەل شڤانێن خۆ دوعا دکەن، کو گیان ب عیسای بهێنە قورتالکرن و کەنیسە بۆ عیسای گەهشت ببیت؟
٤. ل گەل وان براوەستە
بلا چجاران شڤانێن هەوە ژ ئەڤێ هزرا ”ئەو ل کیڤەنە؟” دلگران نەبن:
پاولوس مابوو داکو ئەڤێ پرسیارێ بکەت، راپورتا خەمگین بۆ تیمۆتاوسی هنارت: “د بەرگریكرنا خۆ یا ئێكێ دا ل بەرامبەر دادگەهێ، كەس نەهات پشتەڤانیا من بكەت، لێ هەمیان ئەز هێلام. خودێ ل سەر وان نەهژمێریت!” (٢ تیمۆتاوس ٤: ١٦).
ئەرێ هوین دهێلن شڤانێن هەوە بتنێ بچنە د ناڤا شەری دا؟… ئوێن دبێژیت، “دەمێ ئەفسەرەك، بەرەڤ مەترسیێڤە دچیت، سەحدکەتە پشت خۆ پێشبینیا هندێ دکەت سەربازێن خۆ ل گەل خۆ ببینیت بەلێ دبینیت کو ئەو یێن رەڤین، خیانەتەکا مەزن ل وی هاتە کرن و کەفتە د رەوشەکا نەچار دا ژ لایێ دوژمنێن وی ڤە” (٢٨).
چەند یا جیاوازە کو تە کەنیسەیەکا پڕی ئۆنیسیفورۆس هەبیت یان ژی تو ئک ژێ بی ؟ پاولوس دبێژیت،
بلا خودان دلۆڤانیێ ب مالا ئۆنیسیفورۆسی ببەت، چنكو وی گەلەك جاران بێهنا من فرەە كر و شەرم ب قەیدێن من نەكر، لێ دەمێ هاتیە رۆمایێ، ب گەرمی ل من گەڕیا تاكو ئەز دیتیم. (بلا خودان وێ كەرەمێ ل گەل وی بكەت كو ئەو د وێ رۆژێ دا دلۆڤانیێ ژ خودانی ببینیت!) تۆ باش دزانی ئەو خزمەتا وی ل ئەفەسۆسێ كری چەندە. (٢ تیمۆتاوس ١: ١٦-١٨)
ئەم دشێین ببینین کو سوپاسداری یێن ژ قەلەما پاولوسی دبارن. شڤان ژی ئەو کەسەنە یێن کو وەکو مە هەمیان ماندی دبن، هەتا شڤانێن گەنج ژی ماندی دبن. ئەو پتر ژ ئاندامێن کەنیسەیێ ئاسای روی ب روی دژایەتیێ و رەخنەگرتنێ و بوختانان دبن. ژ ئەڤێ چەندێ وێڤە، شڤان هەمی داخوازیێن تەحلێن کەنیسەیێ قەبویل دکەن، دەهمەنپیسیێ و خیانەتێ و مرنێ و پارچەبوونێ. شڤانیکرن کارەکێ باش و بزەحمەتە. ئەو ل بەرامبەر دراوەستن و شەری ل گەل هرچ و شێرێن خودان گیانێن خراب ل سەر خاترا پەزێ خۆ دکەن، ئەرێ کەنیسە ل گەل وان ناراوەستیت؟
چەوا هوین دشێن پشتەڤانیا شڤانێن خۆ بکەن و هاریکاریا وان بکەن و ئەوان هان بدەن و بەرگریێ ژ وان بکەن؟ خۆ رابگرن ل هەمبەری هزرکرنا مەزاختنا جیهانێ و بەرپرسیارەتیێ وەربگرن ژ بۆ هاریکاریکرنا گەشەپێدانا کەرێ پەزی، شاگرد و خزمەتکار و خۆبەخش بن. ژ بیر نەکەن، ئەو هەوە بۆ کارێ خزمەتکرنێ ئامادە دکەن و دێ گەلەك پشتەڤانیا هەوە کەن داکو ببینن هوین ئەڤێ چەندێ ئەنجام ددەن (ئەفەسوس ٤: ١٣).
٥. هاریکاریا ئەوان بکەن حەز ژ هەوە بکەن
دویماهیك رێکا کو هوین خزمەتا شڤانێن خۆ بکەن ئەوە کو هاریکار ئەوان بکەن گرنگیێ ب هەوە بدەن
گوهداریا رێبەرێن خۆ بكەن و ملكەچی وان بن، چنكو ئەو وەكو ئێكێ دێ حساب ل گەل هێتە كرن چاڤدێریێ ل گیانێ هەوە دكەن. هوین وێ چەندێ بكەن، دا ئەو ب كەیفخۆشی ب كارێ خۆ راببن، نە ب بێزاری، چنكو ئەگەر هوین وان بێزار بكەن، بۆ هەوە یا بێ مفایە. (عیبرانی ١٣: ١٧)
پەزێ ئاقلمەند دخوازن شڤانێن وان ب شادی رێبەریێ بکەن. وەکو ئەو هەول ددەن شڤانیا هەوە بکەن، ل دویف رێبەریا وان بن بۆ عیسای هەرن، ئامادە بن کو ب فێرکرنا وان درازی بن، ملکەچی رێبەریا وان بن ل دویف نڤێسارێن پیرۆر. ئەڤێ چەندێ ب ئامادەیی و ب دلگەرمی و سوپاسیڤە ئەنجام بدەن داکو ئەو ب دلخۆشی ئەرکێ خۆ یێ هەتاهەتایی یێ گرنگیپیدان و چاڤدێریا گیانێ هەوەیێ نەمر جێبەجێ بکەن (چنكو ئەو وەكو ئێكێ دێ حساب ل گەل هێتە كرن).
لدویڤچوونا رێبەریا شڤانێن هەوە ژ بۆ باشیا هەوە بخۆیە. شڤانێن کێفخوەش باشتر شڤانیێ دکەن. ئەگەر کۆمەکا شڤانان روی ب روی دژایەتیێ یان خەمساریێ یان بێباوەریێ ببن، کەرێ پەزی چ خێران بۆ ئەوان ناکەن وەکو خودێ ژ ئەوان دڤێت، “شڤانیا پەزێ خودێ یێ د ناڤ هەوە دا بكەن، نە ژ نەچاری، لێ ژ دل، وەسا چاڤدێریێ بكەن، هەروەكو خودێ دڤێت” (١ پەتروس ٥: ٢-٣).
ئەڤجا ب رێکا خودانی رێزەکا مەزن ل شڤانێن خۆ بکرن، چاڤ ل وان بکەن، دوعا بۆ بکەن، د بەرتەنگیان دا ل گەل وان بن، بەشداریێ ل گەل وان د کارێ خزمەتێ دا بکەن، و دلگەرمێ ملکەچی رێڤەبرنا وان بن. ب ئەنجامدانا ئەڤێ چەندێ، دێ ئەوان ل سەر کەڤری روینینن، دەستێن وان بلند هەلگرن، و هاریکاریا ئەوان بکەن دا پتر خزمەتا گیانێ هەوە بکەن بۆ عیسای. هەروەسا ب رێکا کەرەما خودێ، هوین دێ عەمالیقێن جیهانێ و نەفسێ و شەیتانی تێکشکێنن. ل سەر ئەڤێ چەندێ بەردەوام بن، داکو مە هەمیان راپورتەکا باش هەبیت ل ئەوێ رۆژێ پێشکێشی خودانی بکەت، شڤانان کا چەوا شڤانی کریە، و پەزی کا چەوا دیفچون کریە.
