باوەرییا کەنیسەیا مە | پەرتووکا پیرۆز
باوهرییا کهنیسهیا مه چی یه؟
هەر کەس دشێت بێژت: «من باوەڕی ب پەرتۆکا پیرۆز هەیە». بەلێ «ئەو باوەڕی ب چی دئینن؟» ئەو یا گرنگە.
ئەگەر کەسەک بێژت پەیاما پەرتۆکا پیرۆز ئەڤەیە، بۆ نموونە: ئەم دڤێت باشییا ژ خرابیێ پتر بکەین داکو خودێ مە قەبیل بکەت. و کەسەکێ دی ب بەروڤاژی بێژت: پەیاما پەرتۆکا پیرۆز ئەوە کو چی کەس نەشێت باش بکەت سەد ژ سەدێ، و ژ بەر هندێ خودێ دڤێت ڕێکەکێ پەیدا بکەت بۆ قورتالکرنا مرۆڤان.
تێگەهشتنا هەر دووان ژ ئێکۆدوویا جودایە. چێ نابیت هەر دو دروست بن. ژ بەر هندێ ئەو نە بەسە کو کەنیسەیەک بێژت ئەم دوڤ پەرتۆکا پیرۆز دکەڤین. گەلەک مامۆستایێن درەوین د مێژوویێ دا وەسا گوتییە ژی. ئەم دڤێت بزانین تێگەهشتنا وان چییە.
ژ بەر هندێ گەلەک کەنیسەیان ب کورتی باوەڕییا خۆ نڤیسین داکو دەما کەسەک دهێتە کەنیسەیا وان، ئەو دشێت زی بخوینت و بزانیت باوەڕییا وێ کەنیسەیێ چییە.
گەلەک کەنیسەیێن ئینجیلی پەیاما پەرتۆکا پیرۆز ب شێوەیەکێ کورت رادگەهینن، وەکی کەنیسەیا مە یا ل دهۆکێ. ئەم وەسا دبێژین:
«پەرتۆکا پیرۆز ئێک چیرۆکە لسەر رزگارکرنا مرۆڤان ب ڕێکا عیسایێ مەسیح
خودێ خۆ د ناڤ پهرتووکا پیرۆز دا ئاشکهرا کریه.
گەلەک کەس هزرا خوە دکەن کو پەرتووکا پیرۆز پەرتووکەکا یاسایییە. هزرا وان ئەڤەیە: پەرتووکا پیرۆز ب تنێ فەرمانێن خودێ تێدانە، ئەو شەریعەتا خودێیە. د ڤێ هزرێ دا پەیاما پەرتووکا پیرۆز هوسا دیار دکەت: ڤی تشتی بکە و ڤی تشتی نەکە. پەیامەکا یاسایی یە.
دروستە، یاسا د پەرتووکا پیرۆز دا هەنە، و بەسن بۆ ژیانا مە ئەم چاوا بژین. بەلێ پەیاما سەرەکی نە ئەڤەیە. پەرتووکا پیرۆز پەرتووکەکە دەربارەی خودێیە. «خودێ خوە دایە نیاسین د ناڤ پەرتووکا پیرۆز دا».هەمی کەس دزانن کو خودێ یێ هەیی و ئەو یێ مەزنە. چنکو ئەو سەح دکەنە ئەسمانان و دزانن کو مرۆڤ نەشێت چێبکەت. پێدڤییە هێزەکا مەزن هەبیت. بەلێ کەس نەشێت ب ڕێکا ئەسمانێ و تشتێن ئافراندی خودێ ب دروستي بنياسيت کا خودێ کییە و هزرێن وی چینە.
مە باوەری یا هەیی کو ئەم بتنێ ب ڕێکا پەرتووکا پیرۆز دشێین خودێ ب شەخسی بنياسین. د پەرتووکا پیرۆز دا ئاشکەرایە بۆ مە کا خودێ کییە و حەزا وی بۆ مرۆڤان چییە.
پەرتووکا پیرۆز وەکی پەیامەکا حەژێکرنێیە بۆ مرۆڤان، دا پەیوەندییا مە د گەل خودێ هەبیت.
خودێ خۆ د ناڤ پهرتووکا پیرۆز دا ئاشکهرا کریه، یا کو ژ پهیمانا کهڤن و یا نوی بتنێ پێک دهێت.
چێدبیت هندەک کەس هزرا خوە بکەن کو پەرتووکا پیرۆز پەرتووکەکە ژ ئەسمانان هاتە خوارێ. لێ راستی نە هوسایە. ب ڕێڤەبەرییا گیانێ پیرۆز ب دەستێن مرۆڤان هاتییە نڤیسین. پەرتووکا پیرۆز هاتییە نڤیسین ب ماوەیێ نێزیکی ١،٥٠٠ سالان. چل نڤیسەر هەبوون. ب سێ زمانان، ئیبرانی، یونانی و پێچەک ئارامی. و ژ شێست و شەش پەرتووکان پێک دهێت. چاوا ئەو پێک دهێت؟ ئەم پێدڤییە سەحکەینێ کا چاوا پەرتووکا پیرۆز دهێتە دابەشکرن، و ب ڤی شێوەیی دێ دیار بیت. پەرتووکا پیرۆز دهێتە دابەشکرن بۆ دو بەشان: پەیمانا کەڤن و پەیمانا نوێ. پەیمانا کەڤن، بەرێ ئیسایی: د پەیمانا کەڤن دا ئەم دبینین کو خودێ هەمی تشت باش ئافراندن. بەلێ مرۆڤ گونەهکار بوون و ژ خودێ دویر بوون. بەلێ هەر ژ دەستپێکێ خودێ سۆزەک دا کو رزگارکەرەک دێ هێت و پاشی پتر ب ڕێکا پێخەمبەران ئەو سۆز ئاشکەرا کر کا ئەڤ رزگارکەرە کییە، ئەوە یێ کو دبێژنێ «مەسیح»، دا خەلکێ خودێ ژ گونەهێن وان رزگار بکەت. و پەیمانا نوێ، پشتی هاتنا ئیسایی: پەیمانا نوێ نیشا مە ددەت ب ڕێکا پەیڤێن ئیسایی و کریارێن وی کو ئەوە مەسیحێ سۆزپێدایی. ئەم ب کورتی بێژین: د پەیمانا کەڤن دا خودێ سۆزەک دا، بۆ مەسیحی، و د پەیمانا نوێ دا سۆزا خودێ هاتە بجیهئینان، د گەل هاتنا مەسیحی. د ڤی شێوەیی دا پەرتووکا پیرۆز ئێک پەیامە دەربارەی بجیهئینانا سۆزا خودێ د ئیسایێ مەسیح دا.
ههمی پهیڤ هاتنه ههناسهکرن ژ لایێ خودێ ڤه ب ڕێکا دانهرێن مرۆڤ.
پرسیارەکا گرنگ ئەڤەیە: کێ پەرتووکا پیرۆز نڤیسایە؟ ئەویلی ئەم دێ سەح کەینە پەرتووکا پیرۆز ب خوە کا چی دەربارەی خوە دبێژیت. پەرتووکا پیرۆز ب خوە دبێژیت کو پەیڤێن پەرتووکا پیرۆز پەیڤێن خودێنە. ئێک ژ وان ئایەتێن سەرەکی دبێژیتە: «هەمی نڤیسارێن پیرۆز ژ هەناسەیا خودێنە.»، ئەو ژ پەرتوکا ٢ تیمۆتاوس بەشێ ٣ ئایەتا ١٦ێیە. ئەو ژ دەڤێ خودێ دەرکەڤن و ب ڕێڤەبەرییا گیانێ پیرۆز هاتینە نڤیسین ب دەستێن مرۆڤان. د پەرتوکا ٢ پەترۆس دا دبێژیت: «بەری هەر تشتەکێ بزانن کو چی پەیامێن د نڤیسارێن پیرۆز دا بەرهەمێ شیروڤەکرینا پێخەمبەران نەبوون. چنکو پەیام چی جاران ب هەزا مرۆڤی نەهاتینە، لێ هندەک مرۆڤ ب ڕێڤەبەرییا گیانێ پیرۆز ژ لایێ خودێ ڤە ئاخفتن.»
سێ تشت د ڤان ئایەتان دا دیار دبن دەربارەی نڤیسارێن پیرۆز:
مرۆڤ ئاخفتن
ب ڕێڤەبەرییا گیانێ خودێ
ژ لایێ خودێ ڤە، د گەل خودێ دەست پێ کری
ئەم دشێین ب نموونەیەکێ وەسا بێژین، ئەو دێ هاریکارییا مە کەت بۆ تێگەهشتینێ: نڤیسینا پەرتووکا پیرۆز وەکی گەمییەکەیە ب ڕێکا بایێ دهێتە هاژوتین. با گەمییێ ڕێڤە دبەت، بەلێ د هەمان دەمێ دا ب دەستێ مرۆڤی شول دکەت، بۆ کێژ ڕێکێ بچیت. نووکتا سەرەکی ئەڤەیە: نڤیسارێن پەرتووکا پیرۆز نە وەکی جەهازانە، نە وەکی ڕۆبۆت بوون. خودێ مرۆڤێن هەلبژارتی، و وان ژ دلێ خوە و ژ ڕەوشا خوە نڤیسین. بەلێ ئەو پەیامێن هاتینە نڤیسین، مەقسەدا خودێیە بۆ مە.
پهرتووکا پیرۆز بێ خهلهتی و ب تهمامی جهێ باوهرییێیه.
ل ڤێرێ ئهز دێ دو تشتێن گرنگ دهربارێ خودێ ڕاگههینم:
ئێک: خودێ یێ ڕاسته.
ژ بهر کو خودێ سهد ژ سهدێ ڕاسته، پهیڤا وی سهد ژ سهدێ ڕاسته!
ئهم نهشێین وهسا بێژن دهربارێ مرۆڤان.
هندهک تشت مرۆڤ دبێژن “یێ ڕاسته”، و د هندهک تشتان دا یێ خهلهته چنکو ئهو مرۆڤه و نه یێ تهمامه.
کهنیسهیا ئهولی خۆ تهرخان کربوو بۆ فێرکرنا پهرتووکا پیرۆز ههتا کوشتنێ.
بۆچی؟
چنکو وان باوهری ههبوو کو ئهو پهیڤا خودێیه و ڕاسته.
دو: هێزا خودێ بێ سینۆره.
ئهو دشێت پهیڤا خۆ بگههینیته خهلکی، و کهس نهشێت خودێ ڕاوهستینیت.
ئهگهر خودێ بڤێت گهل خهلکی باخڤت، ئهو دشێت.
هندهک کهس هزرا خۆ دکن کو پهرتووکا پیرۆز ئهسلی ژ خودێ هاتبوو، بهلێ پشتی هنگێ هاتییه بهدلکرن.
پرسییارهکا گرنگ ئهڤهیه:
کهنگی هاتییه بهدلکرن؟
چ ژێ هاتییه بهدلکرن؟
بهری چهرخێ دویێ پهیامێن پهرتووکا پیرۆز هاتنه بهلاڤکرن، چنکو باوهردارێن مهسیحی چوونه گهلهک مڵهتان.کهنیسه ل سوورییا دامهزراندن و ل مسرێ دامهزراندن و ل ئهورۆپا دامهزراندن (ئوو د جهێن دی ژی).
و پهرتووکا پیرۆز بۆ زمانێن دی هاتنه وهرگهراندن ژی.
دویڤ مێژوویێ دا ئهو نه یا معهقووله کو کهنیسهیان دشییان ب نههێنی پهرتووکا پیرۆز بهدل بکهن.
ئهگهر کهنیسێیهکێ ئێک ژ پهیامان بهدلکربا
بۆ نموونه کهنیسێیهکێ ل ئهورۆپا بهدلکربا، دا کهنیسهیێن دی ل ئافریقا و ڕۆژههلاتا ناڤین چ کهن؟
ئهو دا زانن و ئهو دا بێژن دویڤ وێ کهنیسهیێ نهچن، چنکو وان پهرتووکا پیرۆز بهدل کر. ئهو کهنیسێیهکا درهوینه.
لێ ئهڤ تشته چێنهبوو.
درەسته هندهک جوداهی ههبوون د ناڤبهرا کهنیسهیێن ئهول دا، بهلێ ئێک پهیام ههبو دهربارێ ژییان و مرنو ڕابوونا مهسیحی.
