ئامادەکاری بۆ بەلاڤکرنا شاهدەییا خۆ
ئەڤ گۆتارە دێ هاریکاریا تە کەت کو شاهدەییا خۆ ئامادە بکەی دەربارەی کا چەوا تە تۆبە کریە و باوەری ب عیسای وەکو قورتالکەر و خودان ئینایە. مەبەستا ئەڤێ گۆتارێ ئەو بتنێ نینە کو هاریکاریا تە بکەت وێ چەندێ بەلاڤ بکەی کا چەوا ژیانا تە هاتیە گوهارتن، بەلکو ئەو بۆ هندێ ژی یە کو هاریکاریا ئامادەکرنا شاهدەییا تە بکەت ب رێکەکێ داکو شاهدەییا تە مزگینیا عیسای ژی یاکو ژیانا تە گوهارتی رابگەهینیت. بوچی؟ چنکو بەلاڤکرنا شاهدەییا تە رێکەکا باشە بۆ بەلاڤکرنا مزگینیێ بۆ بێباوەران. قەهرەمانێ شاهدەییا تە تۆ نینی، بەلکو مەسیح عیسایە. ژبەر ئەڤێ چەندێ، دەمێ تۆ شاهدەییا خۆ بەلاڤ دکەت، پێدڤیە نەبتنێ وێ چەندێ وەسف بکەی کا عیسای چەوا کاریگەری ل ژیانا تە کریە، بەلکو پێدڤیە پەیاما مزگینیێ ژی د گەل دا بەلاڤ بکەی. ئەگەر کەسەك پشتی گوهداریکرنا شاهدەییا تە نەزانین چەوا ببیتە باوەردار، ئانکو شاهدەییا تە یا تەمام نینە.
ئەڤێ پوختەیێ بۆ ئامادەکرنا شاهدەییا خۆیا کەسی بکار بینە داکو دەربارەی پەیاما مزگینیێ و کاریگەریا عیسای ل سەر ژیانا تە ژی کری یێ روهن و ئاشکەرا بی. ب رێکا بەرسڤدانا ئەڤان هەر چوار پرسیاران، تۆ دشێی شاهدەییا خۆ دروست بکەی. شاهدەییا خۆ ب رێکەکا وەسا بنڤیسە کو بەلاڤکرنا وێ بتنێ پێدڤی ب پینج خۆلەکان بیت. ژبەر هندێ ژی پێدڤی ناکەت هەرتشتەکی دەربارەی ژیانا خۆ وەسف بکەی، بتنێ گرنگترین پارچەیان وەسف بکە. پشتی تۆ شاهدەییا خۆ دنڤێسی، پێداچوونا وێ ل گەل باوەردارەکێ پێگەهشتی بکە. هەروەسا راهێنانان ل سەر بەلاڤکرنا وێ بکە داکو تۆ یێ تەنا و ئارام بی دەمێ بەلاڤ دکەی.
١. بەری نیاسینا عیسای، ئەرێ ژیانا تە یا چەوا بوو؟
٢. ئەرێ چەوا خودێ چاڤ و دلێن تە ڤەکرن و خۆ و مزگینی بۆ من دانە نیاسین؟
٣. ئەرێ تە چ تشت دەربارەی مزگینیا عیسای دیت بوویە ئەگەرێ هندێ تۆ بێژی رێکا عیسای یا دروستە و پێدڤیە تۆ ل دویڤ وی بچی؟
(ل ڤێرێ پەیاما مزگینێ وەسف بکە داکو گوهدارێن تە دەربارەی رێکا قورتالکرنێ بزانن. بۆ نموونە، هەر چوار پارچەیێن مزگینیێ وەسف بکە، خودێ، مەسیحێ مرۆڤ، بەرسڤ)
٤. ئەرێ عیسای چەوا ژیانا تە گوهوری؟ ئەرێ تە چ گاریگەری ل سەر ژیانا خۆ ژ ئەگەرێ قورتالکرنا وی دیتینە؟
ئەگەر تۆ شاهدەییا خۆ ئامادە ددکەی بۆ بەلاڤکرنێ، بەری کو تۆ هاتبیە تافیرکرن، ل دویماهیکا شاهدەییا خۆ پێدڤیە تۆ تشتەکێ ب ئەڤی رەنگی بێژی، “ب گوهداریکرنا مەسیحی، داکو باوەریا خۆ رابگەهینم و بۆ هەرکەسەکی دیار بکەم کو ئەز شاگردەکێ مەسیحی مە، من دڤێت بهێمە تافیرکرن.”
