Gelo pirsgirêka herî bingehî a ku Mizgînî bal dikişîne li ser, çi ye?
Gelo ma Mizgînî bi bingehî derbarey peydakirina pêwîstiyên me ye? Ma ew derbarey bicihanîna heza me ji bo ramanê ye? Yan derbarey guhertina civakê ye? Yan derbarey hînkirina me ye ka em çewa jiyanên baştir bijîn? Yan derbarey bilindkirina feqîrane? Yan jî derbarey têrkirin û saxlemkirina me ye?
Ev hemû fikrên derbarey Mizgîniyê, xwe bi pirsgirêkekê tenê a ku tê dîtin ve girê didin û dibêjin: “ Mizgînî hermû derbarey vê yekê ye.” Lê ma bi rastî Mizgînî hemû derbarey yekê ji wan tiştane? Gelo ma yek ji wan tiştan pirsgirêka herî bingehiye, a ku Mizgînî bal dikişîne li ser?
Kitêba Pîroz dibêje “Na, ne yek ji wan jî.” Kitêba Pîroz bi eşkereyî hîn dike ku pirsgirêka herî bingehî a me mirovan, gunehê me ye û xezeba Xwedê a li hember me jiber gunehê me.
- ‘Kî dikare li ber xezeba wî bisekine? Kî dikare li ber hêrsa wî xwe ragire? Hêrsbûna wî wekî êgir dirije Û bi destê wî zinar perçe dibin. ‘ (Nahûm 1:6)
- ‘Xezeba Xwedê ji ezmên li hember hemû nepakî û neheqiya wan mirovên ku bi neheqiyê ji rastiyê re dibin asteng, xuya dibe. ‘ (Romayî 1:18)
- ‘Bila tu kes we bi peyvên pûç nexapîne, çimkî xezeba Xwedê ji ber van tiştan tê ser kurên neguhdariyê. ‘ (Efesî 5:6)
- ‘Hingê padîşahên dinyayê, mezinên wê, serekleşkerên wê, dewlemendên wê û hêzdarên wê û hemû mirovên xulam û azad xwe di şkeft û latên çiyan de veşartin. Wan ji çiyan û latan re digot: «Bi ser me de bikevin û me ji ber rûyê yê ku li ser text rûniştiye û ji ber xezeba Berx veşêrin. Çimkî roja mezin a xezeba wan hat û kî dikare li ber bisekine?»’ (Peyxam 6:15-17)
Xezeba Xwedê a li hember me jiber gunehê me pirsgirêka herî bingehiye a ku Mizgînî bal dikişîne li ser. Îsa Mesîh mir li ser xaçê wek berdêlek, wek qurbanek ku xezeba Xwedê ji me dûr kir (Romayî . 3:25; Yûhenna I. 2:2, 4:10) da ku em xilas bibin bi rêya baweriya bi wî.
Ev gotar ji vir hatiye wergerandin
