Bi giştî, şagirtî çawa kar dike?
Şagirtî bi awayekî serekî kar dike bi rêya şîret û çavlêkirinê. Şagirtî baş kar dike bi rêya hezkirinê. Demê em bi hezkirin şîretê li bawermendên nû dikin di rêya Xwedêtirsiyê û jîna jiyaneke hêjayî pesindanê de, ew mezin dibin di guhertina xwe a ber bi sûretê Mesîh ve bi rêya çavlêkirina wan li jiyana me û hînkirina me. (Li Tîmotêyos I, 4: 18 binêre).
Şîret: Kitêba Pîroz gazî şivanan û dêûbavan dike ku şîretan li wan bikin ew ên ku di bin hukmdariya wan de ne (Şîretn Silêman; Galatî . 6:6; Efesî . 6:4; Selanîkî I. 4:8; Tîmotêyos I. 1:18, 6:3; Tîmotêyos II. 2:25; 4:2). Herwiha ew gazî hemû bawermendan dike ku şîretan li hevdû bikin. (Romayî 15:14).
Çavlêkirin: Mesîhî ewilî çav li Xwedê dikin piştre çav li hevdû dikin. Em mezin dibin di kerema Xwedê de bi rêya guhdarî û çavlêkirinê. Bala xwe bide van beşan ji Nivîsarên Pîroz:
- ‘Çawa ku ez mîna Mesîh dikim hûn jî mîna min bikin. ‘(Korîntî I, 11:1)
- ‘Rêberên xwe, yên ku peyva Xwedê ji we re gotine, bînin bîra xwe. Dawiya jiyana wan bînin ber çavên xwe û baweriya wan ji xwe re bikin mînak. ‘ (Îbranî 13:7)
- ‘Wan tiştên ku hûn ji min hîn bûne, we ji min standine, we ji min bihîstine û we di jiyana min de dîtine, bikin û Xwedayê aştiyê wê bi we re be. ‘ (Filîpî 4:9)
- ‘Lê haya te ji hînkirina min, rabûn û rûniştina min, mebesta min, baweriya min, bîhnfirehî û hezkirina min, ragirtina min, ‘ (Tîmotêyos II, 3:10)
- ‘Hezkiriyo, tu çavê xwe nede tiştê xerab, lê bide tiştê qenc. Yê ku qenciyê dike ji Xwedê ye; yê ku xerabiyê dike Xwedê nedîtiye. ‘ (Yûhenna III, 1:11)
Hezkirin: Wê xelk çav li jiyana te bikin xwe eger tu ji wan hez neke jî. Lê serwerê ku bi hezkirin serweriyê dike, sûreta herî baş a Mesîh pêşkêş dike û wê xelk baştir li pey te herin demê tu ji wan hez bikî.
Hevaltî: bi ramanekî, şagirtî hema hevaltiye, lê hevaltiyeke ber bi Mesîh ve ye. Gelo heval çi dikin? Ew çav li hev dikin. Di şagirtiyê de, em dibim hevalên xelkê da ku em mezin bibin di guhertina xwe a ber bi sûretê Mesîh ve û herwiha da ku em alî wan jî bikin di guhertina wan a ber bi sûretê Mesîh ve.
Tê çewa bibî şagirtek? (i) Guh bidê û lê binêre ka çewa Mesîhiyên (kevintir/mezintir) kar dikin û bêhna xwe vedidin û zarokan xweyî dikin û çi dikin demê nakokiyan û çewa Mizgîniyê diidn cîranên xwe û xwe radigrin demê tengahiyan û xizmetê dikin di kenîsê de yan jî çewa şerê li dij guneh dikin. (ii) Çav li wan bike!
