چەوا ل خۆ بزڤرین: ٥ پێنگاڤ
بزەحمەتە گرنگیا لخۆزڤرینێ بهێتە مەزنکرن. ل دویماهیکێ ئێکەمین شیرەتا ئاشکرایا مەسیحی “لخۆ بزڤرن!” بوو (مەرقوس ١: ١٥) – هەروەسا ئەگەر هندە د لیستەیا عیسای دا یا مەزن بیت، پێدڤیە ئەم ژی گرنگیێ پێ بدەین.
بەلێ ئەم چەوا ب باشی لخۆ بزڤرین؟ زەبوورا ٣٢ جهەکێ گەلەك باشە داکو لێگەریانا سرۆشت و پرۆسەیا لخۆزڤرینا کویر بکەین. ئەڤە پێنج پێنگاڤێن گەلەك گرنگن.
١. یێ ڕاستگۆ بە دەربارەی پێدڤیاتیا تە بۆ لخۆزڤرینێ.
ما مرۆڤ چەند یێ کەیفخۆشە کوخودان تاوانان ل سەر وی ناهژمێریت و یێ گیانێ وی چ سەختەیی تێدا نینن! (ئا. ٢)
لخۆزڤرین پێدڤی ب راستگۆییێیە. چ کەس بەرەڤ خودێڤە ناهێت ب هەبوونا لخۆزڤرینەکا ڕاستەقینە د دلی دا ئەگەر ئەوان ل دەستپێکێ دانپێدان ب پێدڤیاتی و ئاشتکرنا خۆ ل گەل وی نەکربیت. بتنێ ئەوێن پێکولا نخافتنا گونەهێن خۆ ل گەل خۆڕاستدارکرنێ خلاس کری دشێن کویراتی و گهورینا نەگهور یاکو بتنێ ب رێکا لخۆزڤرینێ دهێت تاقی بکەن.
٢. دانپێدانێ ب مەترسیا گونەهێ و زیانا سوچداریێ بکەن.
دەمێ من دانپێدان نەکری، هەستیکێن من حەلیان ژبەر نالینا من ب درێژاهیا رۆژێ.چنكو ب شەڤ و رۆژ دەستێ تە ل سەر من گران بوو. گەشایەتیا من چرمسی، هەروەكو گەرما هاڤینێ لێ دای. (ئا ٣-٤)
دا روی ب روی ببین: تۆ یێ ل لخۆزڤرینێ دگەریێی چنکو گیانێ خودانی تۆیێ گونەهبار کری. پڕانیا جاران ئەم لومەی یێن دی دکەین بۆ سترێس و گێولێ مەیێ گشتی، بەلێ گەلەك جاران ئەم ب ساناهی هەست ب نەخۆشیێ دکەین چنکو مە کارێن خراب یێن ئەنجام داین. داوود نیشانێن جەستەی و هەستداری ب وژدانەکا تومەتبار ڤە گرێ ددەت. پێدڤیە ئەم ب دروستاهی ئەنجامێن گونەها خۆ بنرخینین، ئانکو نرخاندنا ئەنجامێن خۆیی و کاریگەریا وێ ل سەر یێن دی کری هەردووکان، و دێ کاریگەریا وێ هێشتا هەبیت ژی.
٣. ب تەمامی دانپێدانێ بکە.
من بۆ تە دانپێدان ب گونەهێن خۆ كر و چ تاوان ل تە نەڤەشارتن.من گۆت: «ئەز دێ بۆ خودانی دانپێدانێ ب سەرپێچیێن خۆ كەم.» (ئا. ٥)
لخۆزڤرینا کویر دانپێدانا تەمام دخوازیت. هەرچەندە بەروڤاژی ژی دیار دکەت، ئێکانە رێکا ب راستی ژ لایێ مەسیحیڤە بهێیە نخافتن ئەوە کو ب تەمامی گونەها خۆ نیشان بدەی. د پرۆسەیا لخۆزڤرینێ دا، پێدڤیە ئەم بجەنگین داکو ب تەمامی د روهن و ئاشکرا بین ل بەرامبەری خودێ دەربارەی کویراتی و بەرفرەهیا گونەها مە. بتنێ راستگۆییا بێبەرامبەر دێ هێتە وەرگرتن و بەرەڤ ئازادی دلخۆشیێڤە چیت.
٤. ب رێکا خودێ خۆ ڤەشێرە.
تۆ ژی ل هەمی تاوانباریا گونەهێن من بوری. لەوما هێشتا دەلیڤە هەی، بلا هەمی خودێنیاس نڤێژێ بۆ تە بكەن، داكو دەمێ لافاو رادبیت، نەگەهیتە وان. تۆ پەناگەها منی، من ژ تەنگاڤیێ دپارێزی، ب سروودێن رزگاربوونێ دۆرێن من دگری. (ئا. ٥-٧)
ئادەمی و حەوایێ ژی خۆ ل پشت بەرگێن بێشیانێن دەستکرد ڤەشارت داکو گونەهـ و شەرما خۆ بنخێفن. ئەم ژی گەلەك جاران خۆ ل پشت راستداریا دەستکرد دڤەشێرین داکو ئەم خۆ باشتر ژ یا کو کا ئەم براستی دچەواینە دیار بکەین. ئەگەر تە بڤێت خۆ بگهوری، براستی خۆ بگهوری، نیشانا لخۆزڤرینا ڕاستەقینەیە، پاشی پێدڤیە تۆ ب رێکا خودێ بتنێ خۆ بڤەشێری.
نە بەسە کو بتنێ ژ گونەهێن بەرچاڤ لخۆ بزڤری. نە بەسە کو بێژی “ئەز دانپێدانێ ب رەفتارێن خۆ یێن خەلەت دکەم.” هەمی جۆڕێن مرۆڤان ب وێ رێکێ ل خۆ دزڤرن، ب تایبەتی کەسێن دیندارێن ب وێنەیەکی بهێنە ڕاگرتن.
مەسیحیەك بتنێ ژ گونەهێن دەرەکی ل خۆ نازڤریت، بەلکو ژ پێکولان ژی داکو خۆ ل پشت ڕاستداریا دەستکردا چەوت ڤەشێریت. بەسە خۆ ل پشت شیانێن خۆ ڤەشێرە. ب رێکا خودێ خۆ ڤەشێرە.
٥. هیڤیێ ڕابگرە.
كۆڤانێن خرابكاران گەلەكن، لێ ئەوێ پشتا خۆ ب خودانی گەرم دكەت، ڤیانا نەگوهۆڕ وی دۆرپێچ دكەت. (ئا. ١١)
ئەرێ تۆ چەوا دشێی یێ پشت راستبی کو خودێ ل تە بوریت؟ ڤیانا وی یا نەگهوڕ. بیرا خۆ بینە و پشتراستیێ د ئەوا سۆزێن مەزن دا ببینە یێن کو ئەوی ب دریژاهیا دیرۆکێ داین، هەروەسا کا ئەو چەوا ب رێکا مەسیح عیسای هاتینە بجهـئینان:
- سۆزا وی بۆ ئادەمی و حەوایێ داکو دوژمی بهەرشینیت
- سۆزا وی بۆ ئیبراهیمی داکو گەلەکی رابگەهینیت و بپارێزیت
- سۆزا وی بۆ مووسای داکو رێکەکێ بۆ مرۆڤێن گونەهکار دابین بکەت داکو گرێدای خودایەکێ پیرۆز بن
- سۆزا وی بۆ داوودی داکو پاشایەکی ب ئێكجاری بۆ گەلێ خۆ دابین بکەت
ب درێژاهیا دیرۆکێ، هەتا وێ خولەکا تۆ تەوبە دکەی، خودێ دگۆت و نوکە ژی دبێژیت ” ئەز حەز ژ هەوە دکەم. ئەز هەوە ژ بیر ناکەم. ئەز بەسم.”
تەماشەی سۆزێن خودێ بکە، هیڤیێ ڕابگرە، هەروەسا “ب خودانی شاد ببن و دلخۆش ببن. گەلی دلپاقژان، گازیێن شادیێ راهێلن!” (زەبوور ٣٢: ١١).
