ب گشتی ئەرێ شاگردبوون چەوا کار دکەت؟
شاگردبوون ب باشترین شێوە کار دکەت ب رێکا رێنما و چاڤلێکرنێ. شاگردبوون ب باشترین شێواز ب رێکا حەزژێکرنێ کار دکەت. دەما کو ئەم ب حەز و ڤیانێ ب رێکا راستداریێ و ژینا ژیانەکا ژ هەمی پەسنکرنێ شێرەتان ل باوەردارێن گەنج دکەین، ئەو ب شێوازەکێ وەکو یێ مەسیحی گەشە دکەن ب رێکا چاڤلێکرنا ژیان و بیردۆزا مە (بنێرە ١ تیمۆتاوس ٤: ١٦).
رێنما: پەرتۆکا پیرۆز داخوازێ ژ قەشە و دەیکوبابان دکەت شیرەتان ل وان بکەن یێن کو ل ژێر چاڤدێریا وانن (پەندین سلێمانی؛ گالاتیا ٦:٦؛ ئەفەسوس ٦: ٤؛ ١ سالۆنیکی ٤: ٨؛ ١ تیمۆتاوس ١: ١٨، ٦: ٣؛ ٢ تیمۆتاوس ٢: ٢٥؛ ٤: ٢). هەروەسا داخوازێ ژ هەمی باوەرداران دکەت شیرەتان ل ئێکودوو بکەن (روما ١٥: ١٤).
چاڤلێکرن: مەسیحی چاڤلێکەرن، دەستپێکێ چاڤ ل خودێ دکەن، و پاشی ل ئێکودوو. ئەم د کەرەما خودێ دا ب رێکا گوهدان و چاڤلێکرنێ گەشە دکەین. هزرا خۆ د ئەڤان دەقێن نڤیسینێ دا بکە:
- “چاڤ ل من بكەن، هەروەكو ئەز چاڤ ل مەسیحی دكەم” (١ کورنتۆس ١١: ١)
- “رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن” (عیبرانی ١٣: ٧)
- “ئەو تشتێن هوین ژ من فێر بووین، هەوە ژ من وەرگرتین، ژ من بهیستین و د ژیانا من دا دیتین، بكەن و خودایێ ئاشتیێ دێ ل گەل هەوە بیت” (فلیپی ٤: ٩)
- “لێ هندی تۆی، تە ژ نێزیك ئاگەهـ ژ فێركرنا من، رەفتارا من، مەبەستا من، باوەریا من، بێهنفرەهیا من، حەزژێكرنا من، خۆڕاگریا من، تەپەسەریا من و ئازارێن من هەیە” (٢ تیمۆتاوس ٣: ١٠)
- “هەی خۆشتڤی، چاڤ ل خرابیێ نەكە، لێ ل باشیێ بكە” (٣ یوحەننا ١١)
حەزژێکرن: خەلك دێ چاڤ ل ژیانا تە کەن خۆ ئەگەر تۆ حەز ژ وان ژی نەکەی. بەلێ رێبەرێ کو رێبەریێ ب حەزژێکرن دکەت باشترین وێنەیێ مەسیحی پێشکێش دکەت، و خەلك ژی دێ ب باشترین شێواز ل دویڤ تە هێن دەمێ تۆ حەز ژ وان دکەی.
هەڤالینی: ب رامانەکێ شاگردبوون هەڤالینیە، بەلێ هەڤالینیەکا بەرەڤ ئاراستێ مەسیحیە. ئەرێ هەڤال چ دکەن؟ ئەو چاڤ ل ئێکودوو دکەن. د شاگردبوونێ دا، ئەم هەڤالینیا یێن دی دکەین دا ب شێوازەکێ وەکو مەسیحی گەشێ بکەن و هاریکاریا وان دکەین دا ب شێوازەکێ وەکو مەسیحی گەشێ بکەن.
ئەرێ دێ چەوا بیە شاگردە؟ ١. گوهـ بدە و تەماشە بکە کا چەوا مەسیحیێن کەڤنتر کار دکەن و بێهنا خۆ ڤەددەن و خێزانەکێ پەروەردە دکەن و سەرەدەریێ ل گەل ناکوکیێ دکەن و مزگینیێ دگەهیننە جیرانێن خۆ و د تە نگاڤی دا خۆ ڕادگرن و خزمەتێ ل کەنیسێ دکەن یان ژی ب دژی گونەهێ دجەنگن. ٢. چاڤ ل وان بکە!
