دەهـ ئەگەر تو خۆشیێ ب هەلبژارتنا خۆ ژ لایێ خۆدێ ڤە ببەی
پەترۆسی گۆتە “دەربەدەرێن هەلبژارتی”، ئانکو بۆ هەمی مەسیحیێن ل سەرانسەری ئیمبراتۆریەتا رۆمانی بەلاڤە بووین، “هوین دویندەهەکا هەلبژارتینە، کاهنێن پاشایانەنە، مللەتەکێ پیرۆزن و گەلێ تایبەتێ یێ خۆدێنە” (١ پەترۆس ٢: ٩).
مەبەستا وی ژ وێ چەندێ ئەو بوو کو هاندانەکا مەزنە بۆ ژمارەکا کێم و تەنگاڤبووی و تەپەسەرکریان د دەریایەکا مەزنا بێباوەریێ و دۆژمناتیەکا گەشەکری دا. رەنگە ئەڤ دۆژمناتیە یا بهێز و مەزن و ب مەترسی و زاڵ بیت. بەلێ دووبارە تەماشە بکەن. هوین هەلبژارتیێن خودێنە: “گەلێ تایبەتێ یێ خودێنە”. هەی مەسیحیێن ئازارکێشێن خۆشتڤی، پەترۆس دا بێژیت، ئەرێ تو هەست پێ دکەی ڕامانا وێ چیە؟ خۆشیێ ب هندێ ببەن کو هوین هەلبژارتیێن خودێنە! گەلەك ئەگەر یێن هەین!
١. باوەریا تە نەبنیاتێ هەلبژارتنا تەیە ل نك خودێ، بەلکو ئەنجامێ وێیە.
مەبەستا ئەڤێ چەندێ ئەوە کو باوەریا تە کارەکێ سەیرە (عەجێبیەکە) کو سەیرترە ژ هەر حەفت سەیر و سەمەرێن جیهانێ. عیسای گۆت: “هەوە ئەز هەلنەبژارتم، لێ من هوین هەلبژارتن” (یوحەننا ١٥: ١٦). هەروەسا ل ڤێرێ هەلبژارتنەکا کویرتر ژ هەلبژارتنا وان دوازدان بتنێ دهاتە ئەنجامدان. ئەم ئەڤێ چەندێ دزانین ژبەر کو یەهودایێ ئەسخەریوتی پارچەك بۆ ژ هەر دوازدان، هەروەسا ئەو نە “هەلبژارتی” بوو. عیسای گۆت: “ئەز بەحسێ هەوە هەمیان ناکەم، ئەز وان دنیاسم یێن من هەلبژارتین. لێ دڤێت ئەڤ نڤیسارە ‘ئەوێ ژ نانێ من خواری، پەحنیا خۆ ل دژی من راکر’ بجهـ بهێت” (یوحەننا ١٣: ١٨).
ئەگەر تو بەرەڤ عیسای ڤە هاتبی، حنێر ئەوە کو تو گرێدای بابی ژی، هەروەسا بابی تو دایە ڤ عیسای. تو نەهاتیە هەلبژارتن ژبەرکو تو هاتبووی، بەلکو تو هاتی چنکو تو هاتبوویە هەلبژارتن. ئەڤە ئەوە یاکو عیسای گۆتی: “هەمیێن کو باب ددەتە من دێ هێنە نك من… ئەو یێن تە بوون و تە دانە من” (یۆحەننا ٦: ٣٧، ١٧: ٦).
ئەگەر تە باوەری ب عیسای ئینایە، حنێر ئەوە کو تو ل دەستپێکێ یێ هاتیە دەستنیشانکرن بۆ ژیانا هەروهەر. تو نەهاتبوویە دەستنیشانکرن چنکو تە باوەری ئینا، بەلکو تە باوەری ئینا چنکو تو هاتبوویە دەستنیشانکرن. دەمێ نەجۆهیان گوهـ لێبووی کو مزگینیێ براستی ئەو یێن داینە ل گەل، “ئەو دلخۆش بوون و پەسنا پەیڤا خودانی کر، و هەمیێن ژ بۆ ژیانا هەروهەر هاتینە دەستنیشانکرن باوەری ئینا” (کارێن هنارتیان ١٣:٤٨).
دلخۆشیێ ب حنێرێ ببە کو تو مەسیحیەکی چنکو خودێ تو هەلبژارتی کو ببیە ئێك ژ وان، ریهـ و ڕیشالێن تە وەکو زارۆکەکێ خودێ یێن د هەروهەریێ دا، د ئەقلەك و دەروونەکێ بێدویماهیكێ خودێ دا. باوەریا تە و هەمی بەرهەمێن وێ دیاریێن خودێ یێن هەروهەرن.
٢. لەوما بنگەهێ خودێیێ هەلبژارتنا تە نەژبەر تەیە بەلکو ژ کەرەمێیە.
گەلێ خودێ یێ پەیمانا کەڤن ئیسرائیل وەکو نموونە وەربگرە. بۆچی خودێ خزمەتا خۆ ئێخستەر سەر گەلێ ئیسرائیلێ د سەر هەمی گەلێ ل سەر ئەردی را؟ ئەرێ بنگەهێ خودێ چ بوو دەمێ گازی وان دکری ب “هەلبژارتیێ من” (ئیشایا ٤٥: ٤)؟ ئەڤەیە بەرسڤا مووسای:
چنكو هوین بۆ خودان خودایێ خۆ مللەتەكێ پیرۆزن. خودان خودایێ هەوە هوین ژ ناڤ هەمی گەلێن سەر رویێ ئەردی هەلبژارتن داكو ببنە مولکێ وی یێ تایبەت. دلێ وی كەفتە هەوە و هوین هەلبژارتن، نەچنكو هوین ژ هەمی مللەتان پتر بوون، ب راستی هوین ژ هەمی مللەتان كێمتر بوون، لێ ژ بەر حەزژێكرنا خودانی بۆ هەوە و بجهئینانا سویندا خۆ یا وی بۆ بابكالێن هەوە خواری. (گۆتارا مووسای ٧: ٦-٨)
ئەڤە یا دلخۆشکەرە: “خودانی حەزژێکرنا خۆ دا هەوە و هوین هەلبژارتن … ژبەرکو خودان حەز ژ هەوە دکەت”. ئەو حەز ژ هەوە دکەت ژبەر حەز ژ هەوە دکەت! ئەو کویرترین و دویماهیك بنگەهێ خودێیە کو ئیسرائیل هەلبژارتی.
پاولۆس ئەڤێ حنێرێ دووپات دکەت. بۆچی یەعقوب کو بابێ مللەتێ ئیسرائیلێ یە د سەر برایێ خۆیێ جێمك عێسۆ را هاتە هەلبژارتن؟ پاولۆس بەرسڤێ ددەت: “دەمێ كو هێشتا جێمك ژ دایك نەببوو و چ تشتێن باش و خراب نەكربوون، داكو مەبەستا خودێ ل دویڤ هەلبژارتنێ خۆجهـ ببیت، نە ل دویڤ كریارێن مرۆڤان، لێ ل دویڤ گازیكرنا خودێ، خودێ گۆتە دەیکا وان ‘یێ مەزن دێ بۆ یێ بچویك بەنیاتیێ کەت'” (رۆما ٩: ١١-١٢).
هەروەسا ئەڤ پرەنسیپە هەتا ئەڤرۆ یا بەردەوامە. پاولۆس دگۆت: “د ڤی دەمی دا هندەك یێن هەین ب رێکا کەرەمێ هاتینە هەلبژارتن” (رۆما ١١: ٥). ئەڤجا یا ل گەل هەر مەسیحیەکێ راست و دروست. ل پشت باوەریا مە و ل پشت هاتنا مە بەرەڤ مەسیحی بتنێ کەرەمە. چ بنگەهـ ل بن حەزژێکرنا خودێ یا نەپەنی و ژیرمەند بۆ هەلبژارتنا مە نینن. ئاخ، بۆ بەرفرەهیا شەوقا ئەڤێ راستیا نەهێتە تێگەشتن!
٣. ژبەر کو باوەری و گوهداریا مە گرێدای هەلبژارتنا مەیە بۆ خودێ، ئەم دشێین بزانین کو ئەم یێن هاتینە هەلبژارتن.
سەیرە کو هەلبژارتنا خودێ یا ڤەشارتی و هەروهەر یاکو کی دێ بیتە زارۆکێن وی دشێت بهێتە زانین ب رێکا وان یێن ئەوی هەلبژارتین. پاولۆسی گۆت کو ئەو دزانیت کو باوەردارێن سالونیکی هەلبژارتیێن خودێ بوون. “ئەم دزانین، گەلی خویشك و برایان، خۆشتڤیێن خودێ کو وی هوین یێن هەلبژارتین” (١ سالونیکی ١: ٤).
ئەرێ ئەو دێ چەوا ئەڤێ چەندێ زانیت؟ هەروەسا ما چەوا ئەو دشێن بزانن؟ پاولۆس شرۆڤە دکەت و دبێژیت: “ئەم دزانین… چنکو مزگینیا مە نەبتنێ ب پەیڤان، لێ ب هێزێ ژی و گیانی پیرۆز و ب پشتراستیەکا تەمام… هەوە ژی چاڤ ل مە و خودانی کر، د ناڤ گەلەك تەنگاڤیان دا، ب دلخۆشیا ژ گیانێ پیرۆز” (١ سالونیکی ١: ٤-٦).
بتنێ پلانا خودێ یا هەروهەرا قورتالکرنا گەلێ خۆ یێ هەلبژارتی دشێت حنێرا باوەریێ یاکو پەیڤا مزگینیێ ب شادی د ناڤەراستا دەردی دا وەردگریت، شرۆڤە بکەت. ئەڤە ئەرکێ خودێیە، هەروەسا خودی ئەڤی ئەرکی بۆ هەلبژارتیێن خۆ ئەنجام ددەت. ئەگەر ئەڤ چەندە ل گەل تە رویدا بیت، تو دێ زانی تو یێ هاتیە هەلبژارتن.
بلا حنێرا ئەڤێ چەندێ بهێتە تێگەهشتن. باوەریا تە نەدیدەڤانێ چ هێزێن بەراهیێنە د ناخێ تە دا. ئەو دیدەڤانێ خودێ یێ هەلبژارتنا تەیە. ئەو نەدیدەڤانیەکە بۆ تشتەکێ گەلەك بچویك مینا بەرپرسیارەتیا خۆیی. ئەو دیدەڤانیەکە بۆ هەمان هێزا گەردوون ئافراندی. خودێ هەلبژارت تە ژ مرنێ راکەتەڤە (ئەفەسوس ٢: ٥).
٤. هەلبژارتنا مە ژ لایێ خودێڤە ئانکو چ بها ل سەر مە نینە ل دویماهیکێ بدەین
حنێرێن پرژمارێن خودێ یێن هەلبژارتنا گەلەکی وێ راستیا ڤەشارتی بخۆڤە دگریت یا کو خودێ کوڕێ خۆ هنارتیە ناڤا ئەڤێ جیهانێ داکو قەرێن هەلبژارتیێن خۆ راگریت، داکو هەر تاوانباریەکا نەفرەتکری ب دژی وان راگریت، هەروەسا داکو راوەستاندنەکا راستدار ل دادگەها ئەسمانی پێ بدەت.
ئەگەر خودێ ل گەل مە بیت، کی دشێت ل دژی مە بیت؟ ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟ كی دێ هەلبژارتیێن خودێ تاوانبار كەت؟ خودێیە یێ وان بێگونەه دكەت، كی دشێت وان گونەهبار بكەت؟ مەسیح عیسایە یێ كو مری، لێ ئەوە یێ ژ ناڤ مریان رابووی ژی و هەر ئەوە یێ ل دەستێ راستێ یێ خودێ بۆ مە مەهدەریێ دكەت. (رۆما ٨: ٣١-٣٤)
ئەگەرێ کو چ بها نەشێن ل هەلبژارتیێن خودێ بمینن ئەوە کو خودێ “کوڕێ خۆ بۆ مە هنارت،” هەروەسا ب پشتراستی خودێ دێ “ب دلۆڤانی هەمی تشتان دەتە مە”. حنێر نەبتنێ ئەوە کو چ حوکم نینن، بەلکو ئەوە کو ئەڤ چەندە هەمی د هەروهەریێ دا هاتبوو پلان دانان داکو ب دەستهەلاتداری یا سەرکەفتی بیت. ئەوی ئەڤ کارێ هندە مەزن وەکو ماسیگرەکێ کو تۆڕا خۆ بهاڤێژیتە د ئاڤێ دا کا کی دێ کەڤیتێ ئەنجام نەدا. هوسا روی نەدایە کو ئەم هەما هوسا بکەڤینە د قورتالکرنا خودێ دا. ئەڤە ب چاڤدێریەکا تایبەت بۆ مە، یێن کو ئەم هاتینە هەلبژارتن، هاتبوو پلاندانان و ئەنجامدان. ئەڤە حنێرەکە ئەم خۆشیێ پێ ببەین.
٥.هەلبژارتن ژ لایێ خودێڤە یا هاتیە دروستکرن داکو خۆشیا دەروونبچویکیێ بۆ مە مسۆگەر بکەت.
چەند پتر ئەم هزرا هەلبژارتنا خۆ بکەین، پتر حنێرا وێ گەشە دبیت. هەروەسا پاولۆس دبێژیتە مە کو هزر تێدا بکەین. ئەگەرێ کو ئەوی دڤێت ئەم هزرا خۆ د هەلبژارتنا خۆ دا بکەین (هزر دکەی د ڤێ چەندێ دا ب دلخوشی؟) ئەوە کو مە دەروونبچویك بکەت. ئەڤەیە ئەو پارچەیە کو ئەڤێ چەندێ دیار دکەت. ئەو دەست پێدکەت و دبێژیتە مە هزرا گازیا خۆ بکەین، چنکو ئەڤ گازیە، ژ مرنێ بەرەڤ ژیانێ، ئەو رێکە یاکو ئەم براستی د ئەوی دەمی را دبوورین یێ کو ئەوی ئەڤ هەلبژارتنە ئەنجام دای د هەروهەریێ دا. د دویڤ را ئەو سێ جاران هەلبژارتنا مە بەحس دکەت.
ئەڤجا هزرا خۆ بكەن، گەلی خویشك و برایان، هوین د چەوا بوون، دەمێ خودێ گازی هەوە كری، گەلەك ژ هەوە ل گۆر جیهانێ د ئاقلمەند نەبوون، گەلەك ژ هەوە د هێزدار نەبوون و گەلەك ژ هەوە ژ مالێن مەزن نەبوون. لێ خودێ ئەو تشت هەلبژارتن، یێن جیهان ب بێئاقل دزانیت، دا ئاقلمەندان شەرمزار بكەت، وی ئەو تشت هەلبژارتن، یێن جیهان ب لاواز دزانیت، دا هێزداران شەرمزار بكەت، وی ئەو تشت یێن جیهان دبینیت نزم و یێن بێ رێز، تا یێن نەیی ژی هەلبژارتن، دا تشتێن هەیی پویچ بكەت. داكو ل نك خودێ چ خوین و گۆشت شانازیێ ب خۆ نەبەن. (١ کورنتۆس ١: ٢٦-٢٩)
ئەرێ تو د مەبەستا ئەڤێ چەندێ دگەهی؟ خودێ یێ ئازادە کا کی دێ هەلبژیت کو ببیتە مەسیحی. هەروەسا د ئازادیا خۆ دا ئەو هەمی پێشبینیێن جیهانێ یێن کو کا کی یێ تایبەتە ژ ناڤ دبەت. هەر دەمێ کو ئەم هزر دکەین ئەم ب هەلبژارتنا وی حەسیاین، ئەم دبینین کو ئەو یێ ب رێکەکا دی چوویێ. پاولۆسی نەڤێت ئەم ب خۆ مەبەستا ئەڤێ چەندێ تەخمین بکەین. ئاها ئەڤەیە “داکو ل نك خودێ چ خوین و گۆشت شانازیێ ب خۆ نەبەن”. هەلبژارتنا خودێ هاتیە دروستکرن داکو پێ شانازیا نەهێلیت.
هەر گرۆپەك یان هەر کەسەکێ کو شانازیێ ب هندێ دبەت کو تشتەك یێ ل دەڤ وان هەی کو هەلبژارتنا خودێ بۆ وان دیار دکەت، نزانیت کا هەلبژارتن بۆچیە. ئەو بۆ قرکرنا خۆیە وەکو بنگەهێ خزمەتا خودێ. مە چ تشت ئەنجام نەداینە، هیچ تشتە، وە ل مە بکەت د دروست بین بۆ هەلبژارتنێ.
خۆشیێ ب ئەڤێ چەندێ ببە. تۆ چ باران ل سەر ملێن خۆ ناهەلگری بۆ گەهشتنا وێ هێژاتیا تۆ بۆ هاتیە هەلبژارتن. چ تشتێن هوسا نینن.
٦. دویندەها هەلبژارتی دویماهیکا رەگەزپەرێسیێیە د ناڤبەرا مەسیحیان دا
سەیراتیەکە کو خودێ د هەلبژارتنا گەلەکی دا بۆ خۆ، ئەوی هەمی کاریگەریێن خۆمەزنکرنێ یێن هەمی رەگەز و مللەتان هەلوەشاندن. “هوین دویندەهەکا هەلبژارتینە… مللەتەکێ پیرۆزن” (١ پەترۆس ٢: ٩). دویندەها هەلبژارتی نە سپی یان رەش یان ئاسیاوی یان ژی هەر نفشەکێ دی یێ سرۆشتی.
دویندەها هەلبژارتی گەلەکە یێ کو “بۆ هیڤیەکا زیندی ژدایکبووینەڤە” (١ پەترۆس ١: ٣). دی ئێن ئەیا (DNA) وان یا نوی ژ گیانێ پیرۆزە. رەگەز و مللەت نە ژ تشتێن نەگرنگن د ژیانا مە یا کەلەپۆری دا. بەلێ ئەو نەئەو تشتن یێن کو مە ل گەل خودێ د مەسیحی دا ئێك دگرن. ئەم ئافراندنەکا نویە، مرۆڤایەتیەکا نوییە. هەتا پەترۆس ژی دبێژیت، دویندەهەکا نوی! “دویندەهەکا هەلبژارتی.” دویندەهەکا ژ هەمی دویندەهان هاتیە وەرگرتن.
خودێ ئەم ب ئازادی ئەم هەلبژارتین، بێی رێزگرتن بۆ دویندەهێ، داکو د ناڤ ئەڤێ دویندەها نوی دا بین. پاشی وی کوڕێ خۆ هنارت داکو مە ژ هەمی مللەتێن جیهانێ بکریت: “تۆ هاتیە ڤەکوشتن و تە ب خوینا خۆ مرۆڤ بۆ خودێ ژ هەمی هۆز و زمان و گەل و مللەتان کڕین” (ئاشکراکرن ٥: ٩). ب ئەڤی رێکێ ئەوی هەمی رەگەزپەرێسی هەلوەشاند. ژبەرکو ئەوی هەمی رەگەز و مللەت بۆ ئێك خێزان ل گەل بابەکێ ب رۆمەت پێگڤە گرێدان. هەروەسا ئەوی ئەڤ چەندە د هەروهەریێ دا ئەنجام دا دەمێ ئەوی بریار دای دویندەهەکا نوی ژ هەمی دویندەهان دروست بکەت.
خۆشیێ ب ئازادیا خۆیا دویر ژ رەگەزپەرێسیێ ببەن. بەلێ ئەگەر هوین نەشێن، وەرن و بزانن کا هوین کینە. بزانن کا رامانا وێ چیە کو ببنە “دویندەهەکا هەلبژارتی.”
٧. هەلبژارتن ژ لایێ خۆدێڤە ئانکو بەرەڤ دەستنیشانکرنا بێدویماهیك و تەڤگرا خودایێ بێسنور چوون.
سەیراتی ئەوە کو ئارمانجا دویماهیکێ یا هاتنە هەلبژاتنێ ئەوە کو دلخۆشیا دویماهیکێ یا رازیبوونێیە. هەروەسا سەیراتی کویر دبیت چەند ئەم تێبگەهین کو ئەم مرۆڤ بۆ هندێ هاتبووینە ئامادەکرن کو رازیبوونا خۆ یا تەمام نە ل بەرامبەر خۆدیکەکێ ببینین بەلکو ل بەرامبەری خۆدێ. ئەم هاتبووینە دروستکرن داکو ببینە خۆدیك نە خۆدیکان ببینین. خۆدیکێن ب چاڤ. هەروەسا مەبەستا دلخۆشیا دیتنا جوانیا تەمام ئەو بوو کو تەمامکرنا رەنگڤەدانا جوانیێ بۆ خودێ و مرۆڤی د پەسندانێ دا بهێتە دیتن.
ئەڤەیە یاکو پاولۆس د ئەفەسوس ١: ٤-٦ دبێژیت خودێ “ئەم هەلبژارتین” و “ئەم پێشوەخت دەستنیشان کرین… ژ بۆ پەسنکرنا مەزناهیا کەرەما وی”. هەروەسا ئەگەر مە ژبیر کربیت، ئەو د ئایەتا ١٢ێ دا دبێژیت “پەسنکرنا مەزناهیا وی”. هەروەسا دووبارە د ئایەتا ١٤ێ دا دبێژیت “… پەسنکرنا مەزناهیا وی”. ئەم دلخۆشیا حەزژێکرنێ بدەستڤە دئینین. ئەو ژی دلخۆشیا مەزناهیێ بدەستڤە دئینیت.
خۆشیێ ب وێ سەیراتیێ بدە یاکو تو د هەروهەریا رابردووی دا هاتیە هەلبژارتن بۆ دلخۆشیا بێدویماهیکا پەسنکرنێ د داهاتیەکێ بێدویماهیك دا.
٨. هەلبژارتن ژ لایێ خۆدێڤە ئانکو خودی دێ هەمی رێکێن پێدڤی بکار ئینیت داکو هەوە بینیتە د ئەڤێ مەزناهیا هەروهەر دا.
سەیراتیا هەلبژارتنا مە وێ سەیراتیێ بخۆڤە دگریت یاکو خودێ رێکێن هەلبژارتین داکو مە پێ بڤەگەرینیتە ڤە مال. مەزناهی نەیا ئێکسەر و ئوتوماتیکە.
د پڕانیا مەترسی و زەحمەت و خەڤکان دا، ئەز هاتم ژی،
ئەڤێ دلۆڤانیا کو ئەم هەتا ڤێرێ هێمن ئیناین،
هەروەسا دلۆڤانی دێ بەرێ من دەتە مال.
ئەم گەشتێ ژ ژدایکبوونەکا نوی بۆ ئەردەکێ نوی بێی ئەزموونێن گەشتیارەکی ناکەین. هەروەسا ئەگەر خودێ ئەم بۆ مە هەلنەبژاتباین دا هاریکاریا ژ لایێ گەلەك هەڤالێن مە یێن گەشتیار ڤە بهێتەکرن، ئەم نەدشیاین بگەهینە ڤێری. ژبەر هندێ پاولۆس دبێژیت: “لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن” (٢ تیمۆتاوس ٢: ١٠).
پاولۆس ب خۆ ژی رێکەکە ژ رێکێن هەلبژارتنا خودێ یێن قورتالکرنا یێن هەلبژارتین. هەروەسا تو ژی ئێك ژ وانی، و ت ژی پێدڤی کەسێن دی. ژبەر کو هەلبژارتیێن خودێ، رێك د گرنگن، و ئەو د پشراستن. ژبەر کو خودێ ئەو هوسا پشتراست یێن هەلبژارتین وەکو ئەوی تو هەبژارتی.
خۆشیێ ب وێ سەیراتیێ ببە یاکو پێدڤیە تو بۆ بجەنگی بۆ چوونا بەهەشتێ، و خودێ دێ تە بینیت کو تو بسەرکەفتی.
٩. هەلبژارتنا مە ژ لایێ خودێڤە ئەوە کو خودێ ب رێکا تە ئەڤێ چەندێ پێشڤە دبەت.
دبیت ئەڤ سەیراتیە گەلەك یا بزەحمەت بیت بۆ تێگەهشتنێ، بەلێ تەماشەی ڤێ بکە: “ئەگەر ئەو رۆژ نەهاتبانە كورتكرن، كەس قورتال نەدبوو، لێ ژ بەر هەلبژارتیان ئەو رۆژ دێ هێنە كورتكرن” (مەتتا ٢٤: ٢٢)
دێ رژیانا دیرۆکێ هێتە گوهۆرین. ژ بۆ خاترا یێن هەلبژارتی. جیهانا بێباوەران، یێن کو بابی و کوڕی رەت دکەن، قەت نزانن کا ئەڤ جیهانە چەوا برێڤە دچیت. ئەو نزانن کا گرنگیا ڕاستەقینە چیە. ئەو دێ رۆژەکێ مەندەهۆش بن داکو فێر ببن کو مەسیحی، یێن کو ئەوان کەرب ژێڤەبووین یان پشتگوهڤە هاڤێتین، گرنگیا دیرۆکێ بوون.
١٠. ل دویماهیکێ، هەلبژارتنا مە ژ لایێ خودێڤە ئانکو ئەو دێ مە خرڤەکەت دەمێ دهێت و دادیێ ددەتە مە.
سەیراتیا بەخشاندنێ یا ب رێ ڤە. دبیت هوسا بیت کو د ئەڤێ ژیانێ دا یێن هەلبژارتی وەکو مەسیحی رەفتار ل گەل هاتینە کرن، بەرێ کو ئاڤاکەران رەتکری. بەلێ د دیتنا خودێ دا ئەو بەرەکێ “هەلبژارتی و بهاگران” بوو (١ پەترۆس ٢: ٤، ٦). هەروەسا ئەو بەرێ دەستپێکێ بوو بەرێ بنگەهینێ پاشایەتیا خودێ (١ پەترۆس ٢: ٦-٨). ئەو ژ مرنێ رابوو. ئەو بەخشاندنەکا ب رەونەق بوو.
ئەڤجا ئەو دێ ل گەل هەمی هەلبژارتیێن خودێ بیت. “ئەڤجا دێ فریشتەیێن خۆ ب لێدانا بۆڕیزانەكا دەنگ مەزن هنێریت، دێ هەلبژارتیێن وی ژ هەر چوار كوژیێن جیهانێ، ژ ڤی لایێ ئەسمانان هەتا لایێ دی، خڕڤە كەن” (مەتتا ٢٤: ٣١). ل دویماهیکێ ئەو دێ بیتە راستی: “ئەرێ ما خودێ مافێ هەلبژارتیێن خۆ، ئەوێن ب شەڤ و رۆژ هەوارا خۆ دگەهیننێ، وەرناگریت؟” (لوقا ١٨: ٧). بەلێ، ئەو دێ وەرگریت. هەروەسا هەرتشتێ ڤەشارتی دێ دیار بیت.
خۆشیێ ب ئەڤێ سۆزێ ببە. دبیت نوکە تو وەکو بەرەکێ رەتکری هەست بکەی. بەلێ دەمێ ئەو دهێت، ئەو دێ تە کەتە ستوینەك د پەرستگەها خودێ ڤە (ئاشکراکرن ٣: ١٢). ئەو دێ ل سەر هەر دوژمنەکێ گیانێ تە بسەر کەڤیت و تو دێ ل گەل وی دەستهەڵاتێ کەی، هوین، ئەوێن هەلبژارتی. “چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن” (ئاشکراکرن ١٧: ١٤).
