بۆچی یا پێدڤیە کەنیسەیان ئەندامبوونەکا ب رامان هەبیت؟
ئەندامبوونا کەنیسەیێ تێگەهەکە کو پێدڤیە بهێتە پەسەندکرن و پشتەڤانیکرن د سەر وێ چەندێ را کو د نڤیسارێن پیرۆز دا ب تایبەتی ئاماژە پێ نەهاتیە دان.
گەلەك ژ نامەیێن پەیمانا نوی بۆ جڤاتێن ناڤخۆیی هاتبوونە نڤێسین کو تێدا شیرەت و رێنما بۆ وێ چەندێ خاتبوونە دان کا چەوا یا پێدڤی بوو ئەو سەرەدەریێ ل گەل ژیانا خۆ پێکڤە بکەن (بۆ نموونە ١ و ٢ کورنتۆس و گالاتیا و فلیپی).
هەرچەندە ئەندامبوونا کەنیسەیێ د کەنیسەیێن ئەڤرۆکە و ب درێژاهیا دیرۆکێ دا یا بەربەلاڤە، ئەز دبینم کو یا ب مفایە بەرسڤێ بەرفرهـتر لێ بکەم داکو پشتەڤانیا ئەگەرێن من بکەت بۆ وێ چەندێ کا بۆچی مە ئەندامبوونا کەنیسەیێ هەیە.
ئەرێ ئەندامبوونا کەنیسەیێ ژ پەرتۆکا پیرۆزە؟ ئەرێ یا گرنگە؟ بەلێ، ئەز هوسا هزر دکەم. ئەڤە ژی چوار ئەگەرێن سەرەکینە کا بۆچی.
ئەگەرێ ئێکێ، ئەگەرێن لاهۆتی یێن هەین. ئانکو راستیێن پشتراستکری یێن هەین دەربارەی کا خودێ کیە و چ کریە کو داخوازا زمانێ ئەندامبوونێ و پراکتیکا ئەندامبوونێ دکەت.
دەمێ خودێ وە کری کو تۆ دووبارە ژ دایك ببی، ئەوی پەیوەندیەکا نوی ل گەل تە گرێدا. بەری نوکە ئەز و تو ژ خودێ هاتبووینە جوداکرن ژ بەر یاخیبوونا مە، لێ خودایێ کو ب دلۆڤانیێ دەولەمەند (ئەفەسوس ٢: ٤)، ئەم ڤەژاندین و کرینە خێزانا خۆ ب رێکا “ئەم دەستنیشان کرین دا مە ب رێیا عیسایێ مەسیح بکەتە کورێن خۆ” (ئەفەسوس ١: ٥). ب کەرەمێ ” ئەوی ئەم ژ دەستهەلاتا تاریاتیێ قورتال كرین و بۆ پاشایەتیا كوڕێ خۆ یێ خۆشتڤی ڤەگوهاستین” (کۆلۆسی ١: ١٣).
ئەوێن كو ل دەمەكی د دویر بوون، ب رێكا خوینا مەسیحی هاتنە نێزیك كرن (ئەفەسوس ٢: ١٣). داکو بێژین ئەم پارچەکین ژ پاشایەتیا مەسیحی، لەشێ مەسیحی، گەلێ خودێ، یان ژی خێزانا خودێ رێکەکا دیە کو ئەم بێژین ئەم یێن بووینە ئەندامێن کەنیسێ. ئەڤجا ژ بەر هندێ ١ کورنتۆس ١٢: ١٣ دبێژیتە مە کو “چنکو ئەم هەمی ب گیانەکی هاتینە تافیرکرن.”
ئەندامبوون د کەنیسەیا خودێ یا گەردوونی یان کۆمەلی دا روی ددەت دەمێ خودێ یێ گیانێ پیرۆز مە ب گیانی ل گەل لەشێ مەسیحی ب درێژاهیا دیرۆکێ دا پێگڤە گرێ ددەت. هەرچاوا بیت ئەندامبوون د کەنیسەیا ناڤخۆیی دا روی ددەت دەمێ ئەم ل گەل باوەردارێن دی ل جهەکێ فیزیکی ئێکگرتی دبین. ئەڤەیە یاکو ئەز ل ڤێرێ جەخت ل سەر دکەم. ئەندامبوونا کەنیسێ د کەنیسەیەکا ناڤخۆیی دا ب رێکا نیاسینا خودێ ئەندامبوونێ د کەنیسەیا گەردوونی دا دسەپینیت و گرنگ دکەت. ئەندامبوونا کەنیسێ وێنەیێ راستیا لاهۆتی یا مزگینیێ بەرچاڤ دکەت.
ئەگەرێ دوویێ، ئەگەرێن پەیمانێ یێن هەین. پەیمان رێکەفتنەکە یان ژی پەیوەندیەکە ل گەل هەبوونا ئەرکان. گەلەك جاران ئەم هزرا پەیمانا هەڤژینیێ دکەین.
ئەڤە ژی رێککەفتنەکە دناڤبەرا هەڤژینەکی و هەڤژینەکێ دا یا کو پەیمان یان سۆز ل سەر ئەركان بۆ ئێکودوو یێن هاتینە دان. ئەو پەیوەندیە ب رێکا سۆزەکێ یا هاتیە بهێزکرن. دەمێ ئەم بووینە مەسیحی، ئەم بووینە پارچەك ژ پەیمانا نوی. پەیمانا نوی سۆزەکا یاساییە کو خودێ دایە گەلێ خۆ. ب کورتی خودێ سۆزێ ددەت کو ببیتە خودایێ مە و ل گونەها مە ببووریت و گیانێ خۆ بدەتە مە و دەستوورێ خۆ ل سەر دلێ مە بنڤێسیت و هەتاهەتایێ ل گەل مە ئاکنجی ببیت.
بەرسڤا مە ل سەر چوونا د ئەڤێ پەیمانێ دا ئەوە کو ئەم ل دویڤ وی بچین و بۆ وی د دلسۆز بین. کەواتە، ل سەر زارێ پێغەمبەر یەرمیای دبێژیت “ئەز دێ بمە خودایێ وان و ئەو دێ بنە گەلێ من”. (یەرمیا ٣١: ٣٤)
ئەڤ چەندە گەلەك یا رۆهن و ئاشکرایە. تو دبیە مەسیحی و تشت دهێنە گوهارتن. تە پەیوەندیەکا ل گەل خودێ یا هەی یا کو بەرپرسیارەتیەکێ بۆ تە دروست دکەت کو ل دویڤچوونا وییە. بەلێ جاران ئەم ژبیر دکەین کو هەروەسا ئەڤ پەیوەندیا ب پەیمانێ ل گەل خودێ مە دئینیتە د پەیوەندیەکێ دا ل گەل خەلکی ژی کو مە ل وێرێ ژی بەرپرسیارەتی یێن هەین.
کەواتە خودێ ئەم گازی نەکرینە د ناڤا پەیوەندیەکا پەیمانی دا ل گەل خۆ بتنێ بەلکو ل گەل خەلکی ژی. ژ بەر ئەڤێ چەندێ یا پێدڤیە مە ئەندامبوونا کەنیسێ هەبیت. دەمێ ئەم دبینە ئەندامێن کەنیسەکێ ئەم رازی دبین یان ژی سویندەکێ دخۆین یان سۆزەکێ پێگڤە ددەین کو بەرپرسیارەتیێ ژ ئێکودوو وەرگرین.
ئەم رازی دبین کو کۆمەکا تایبەتمەندیێن فێرکرنان بدانین. ئەم رازی دبین کو پێگڤە کار بکەین ژ بۆ پێشئێخستنا مزگینیێ. ئەندامبوون دەربرینا پەیوەندیا مە یا ب پەیمانێ دکەت.
ئەگەرێ سێیێ ئەوە کو ئەگەرێن مزگیندانێ یێن هەین. مەبەستا من ب ئەڤێ چەندێ ئەوە کو ئەندامبوونەکا دروست د کەنیسەکێ دا تشتەکێ ل دویڤ بها و شێوازێ مزگینیێ رادگەهینیت. مەبەستا من چیە؟ ئەندامبوون راگەهاندنەکا کومەکیە بۆ ئێکودوو و ئەڤێ جیهانێ کا دانپێدانا دروست و دانپێدەرێ مزگینیێ د چەوانە.
ئێك ژ بەرپرسیارەتیێن سەرەکیێن کۆما خرڤەبووی ئەوە کو هەلسەنگاندنا باوەریێ ل دەف ئەندامێن خۆ بکەت و د دویڤ را ب شێوازەکێ ڕێکخستی هەلسەنگاندنا وێ د ژیانا ئەندامێن خۆ یێن نوکە دا بکەت. (مەتتا ١٨: ١٥؛ ١ کورنتوس ٥: ١-١٣؛ ٢ کورنتوس ٢: ٦-١١). ئانکو کۆم و ئەندام بۆ ئەڤێ جیهانێ رادگەهینن. ئەڤە دانپێدانەکا دروست یا مزگینیێیە. هەروەسا ب باشیا ئەندامبوونا وان یا بەردەوام، ئەم ل گەل ئەڤی برای یان ئەڤێ خۆیشکێ دراوەستین کا چەوا ئەو عیسای د ئەڤێ جیهانێ دا پێشکێش دکەن.
ئەندامبوونا دروست دیدەڤانیا مەیا مزگینیێ بەرهەڤ دکەت. ئەندامبوون خەلکی رادگەهینیت و پەیاما مزگینیێ بۆ ئەڤێ جهیانێ ژی رادگەهینیت.
ئەگەرێ چوارێ، ئەگەرێن کرداری یێن هەین. داکو ئەم وان کاران ئەنجام بدەین یێن کو ئەم وەکو کەنیسە پێدڤیە ئەنجام بدەین، پێدڤیە رێکەك هەبیت دیار بکەت کا ئەم بەحسێ کێ دکەین. من بەرپرسیارەتیا تە وەکو مەسیحیەك بۆ تە دیار کر، ئەرێ ما ئەو چەندە ب هەمان رێك ل سەر هەر مەسیحیەکێ ل سەر ئەردی دژیت دهێتە سەپاندن؟ نەخێر، بێگۆمان نە.
ئەز و تو نەشێین ئەرکێن پەیمانی ل گەل خۆیشك و برایێن ل بێژینگ و بەغدا و تۆرینتو و ئوماها دژین، بجهـ بینین. هەروەسا کەنیسەیا مە نەشێت پێدڤیێن هەر مەسیحیەکی ل ئوماها بجهـ بینیت. بەلکو قەشە یێن هاتینە گازیکرن داکو چاڤدێریا کەرێ پەزی بکەت کو دزانیت ئەو دێ ملکەچی وی بن (عیبرانی ١٣: ١٧). ئەرێ کەرێ پەزێ کێ؟ چ کەرێ پەزی؟ ئەرێ ئەم دێ چەوا زانین ئەم دێ ملکەچی کێ بین؟ پەتروس دبێژیت شڤانیا پەزێ خودێ یێ دناڤ هەوە دا بکەن (١پەتروس ٥).
ئەڤە د تێگەهێ پەروەردەکرنا کەنیسێ ژی دهێتە دیتن. “دەمێ عیسای شیرەت ل شاگردێن خۆ کری کو ل برایێن خۆیێن گونەهکار بگەریێن (مەتتا ١٨: ١٥-٢١)، ئەوی بەری نوکە ئاماژە ب تێگەهەکێ تەمامێ لەشێ ئەندامبوونێ دکر.
ل دویماهیکێ پێدڤیە کریارێن لۆمەکرنێ و ژناڤ دەرێخستنێ د ناڤ مەیدانا کومەکا کەسێن تایبەت و بەرنیاس روی بدەت. (Dever, The Church).
د کەنیسەیا مە دا، ئەم ئەڤێ چەندێ ئەنجام ددەین ب لیستەکا فیزیکی و روزنامه يه كا ئەندامبوونێ. ئەڤ چەندە هاریکاریا مە وەکو ئەندام دکەت ب سەرچاڤەکێ کو ب رێکا وێ نڤێژا دکەین و بهێینە بیرئینان کا ئەم ژ کێ بەرپرسین.
دبیت هندەك د دوودل بن دەربارەی تێگەهێ فەرمیێ ئەندامبوونێ. بەلێ پا زێدەباری مفایێن پراکتیکیێن بەرێ، دیارە کو پراکتیکەکا دیرۆکی و پەرتۆکا پیرۆز یا هەی.
“لیستێن فیزیکیێن ئەندامان د ئێکەمین کەنیسەیێن مەسیحیان دا هەبوون. ب رۆهن و ئاشکرایی پاراستنا لیستان نەتشتەکێ ڤەشارتی بوو د کەنیسەیان دا. کەنیسێن دەستپێکێ لیستێن بیژنان هەلدگرتن (١ تیمۆتاوس ٥: ٩). خودی ب خۆ لیستەیا هەمیێن کو گرێدای کەنیسەیا گەردوونینە د پەرتۆکا خۆ یا ژیانێ دا دپارێزیت (ئاشکراکرن ٢٠: ١٢). پەولۆسی هزر کر کو باوەردارێن ل کورنتۆسێ “زوڕینەیەکا” کومەکا تایبەت یا ئەندامێن کەنیسەیێ یێن کو دشێن دەنگێ خۆ بدەن، یا هاتیە دەستنیشانکرن. (Dever, The Church)
ئەندامبوونا ب رامان هاریکاریا مە دکەت ببینین کا مە رۆژانە ئەڤ پەیوەندیا پەیمانی ل گەل کێ هەیە و کا ئەم ئێکسەر ژ کێ بەرپرسین.
زانینا کو کا ئەم ملکەچی کێ ببین هاریکاریا مە دکەت و بۆ مە دیار دکەت کا چ و چەوا ئەم ئەرکێ خۆ ئەنجام ددەین. ئەندامبوون هاریکاریا مە دکەت ببینین کا ئەم ملکەچێ کێینە و ژ کێ بەرپرسین.
پێدڤیە ئەندامبوونا کەنیسێ فەراتیەك بیت بۆ مەسیحیان ژبەر کو خودێ ئەم نەبتنێ بۆ ناڤا پەیوەندیەکا ب پەیمانێ ل گەل خۆ گازی کرینە، بەلکو ل گەل خەلکی ژی. ئەرێ ئەندامبوونا کەنیسەیێ ژ پەرتۆکا پیرۆزە؟ ئەرێ یا گرنگە؟ بەلێ، ئەز هوسا هزر دکەم.
