بۆچی کەیفا خودێ ب لێبوورینێ دهێت؟
مەسیحی هەمی باوەریێ دئینین کو خودێ ل گونەهان دبووریت. بەلێ چەند ژ مە هند کویر هەست پێ دکەن کو کەیفا خودێ ب لێبوورینێ دهێت؟
دەمێ ئەم هزرا لێبوورینا خودێ دکەین، هندەك ژ مە وێ چەندێ وێنە دکەن دەمێ زاڤایەك بویکا خۆ ب زێر و زیڤان دخەملینیت و خۆشیێ ب جوانیا وێ یا نوی دیتی دبەت (ئیشایا ٦٢: ٥)، شڤانەك سترانان دبێژیت وەکو ئەو پەزێ خۆ یێ بەرزە دبەتە ماڵ (لوقا ١٥: ٣-٧)، یان ژی بابەك دبەزیتە دەف مە و کارێ مە دکەت و هەتا ئەلندێ دلەیزیت (لوقا ١٥: ٢٠-٢٤).
وێنەیێن مینا ئەڤان بزەحمەتە بۆ گونەهکارێن وەکی مە تێبگەهن. ئەم د ئەوی باوەرێ داینە کو ئەڤ وێنە د راستن، بەلێ د کویراتیا گیانێ مە دا، مە دڤێت بزانین کو خودێ ب راستی یێ دلخۆشە ل مە ببویت. گومانێن مە ب ساناهی دهێنە گوهرین دلخۆشیا زاڤایی ب گڤاشتنا لێڤان و سترانا شڤانی ب وانەیەکێ و کارکرنا بابی ب زانینا برایێ مەزن هێلایی.
ئەگەر هەست پێ بکەین و نە بتنێ دانپێدانێ بکەین کو خودێ ب لێبوورینا وان یێن کو ب رێکا عیسای دهێنە دەف وی یێ دلخۆشە، پێدڤیە ئەم تێبگەهین کا بۆچی ئەو لێبوورینێ دهەلبژێریت.
١. لێبوورین دلێ خودێ ئاشکرا دکەت
بۆ گەلەك ژ مە خوداوەندێ هزرێن مە یێن نەقورتالکری دلەکێ بچویك و قورمچی یێ هەی. ئەگەر ئەم پرسیارا ئەڤی خوداوەندی بکەین داکو مەزناهیا خۆ نیشا مە بدەت، دبیت
بهێت و بێژیت، “خودان، خودان، خودایەکێ نەمەرد و بەخیل و زویکا توڕە دبیت و گەلەك تو لڤەکرنێ دکەت.” ئەگەر ئەڤ خوداوەندە جارەکێ لێبوورینێ ئەنجام بدەت ژی، ئەو ئەڤێ چەندێ وەکو دەستهەڵاتدارەکێ خودان دەستهەڵات ئەنجام ددەت، و هەر دەم قەرێن مە ل ناڤ چاڤین مە ددەت.
بەلێ ئەڤە نە خودێ و بابێ خودانێ مە مەسیح عیسایە، یێ کو دلی وی هندی بەهەشتێ مەزنە و هندی دەریایێ کویرە و وەکو رۆژا سپێدەهیان دلۆڤانە. ئەگەر ئەم گەشت بکەینە ژوورێن ناڤەکی یێن دکێ خودێ، ئەم دێ مالا هەرتشتەکێ دلڤەکەر بینین: دلۆڤانی و کەرەم و هند لێبوورینێ کو دووجارکی تێرا جیهانێ هەیە. ئەو یێ “چاکە و لێبوورینێ دکەت، حەزژێکرنا وی یا نەگوهۆر گەلەکە بۆ یێن گازیا خۆ دگەهیننێ” (زەبوور ٨٦: ٥).
داکو پشتراست ببین، خودێ هەروەسا هەست ب نەفرەتەکا راستدار بەرامبەری وان دکەت یێن کو رەت بکەن ل خۆ بزڤرن. بەلێ حەزژێکرن و نەفرەتێ، لێبوورین و تو لڤەکرنێ رووبەرەکێ یەکسان د دلێ خۆدێ دا نینە. دەمی خودێ ناڤێ خۆ رادگەهینیت، ئەو ب دلۆڤانی و کەرەم ئەڤێ چەندێ ئەنجام ددەت و نە ب تو ڕەبوون (دەرکەتن ٣٤: ٦). دەمێ ئەو کارەساتەکێ ب سەرێ خودان رکان دا دئینیت، ئەو دادکرنا خۆ ب “سەیر” و “بیانی” بناڤ دکەت (ئیشایا ٢٨: ٢١). هەتا دەمێ ئەو دربەکێ کۆژەك ژی ددانیت، ئەو بیرا مە دئینیت کو “ئەو ب دلێ خۆ ئازارێ نادەت” (شینی ٣: ٣٣). ل دویماهیکێ نەفرەتا خودێ دێ وەکی پلاتفورمەکێ رەش مینیت کو ئەلماسێن حەزژێکرنا وی یا لێبوورینێ دکەت پشتراست کەت (رۆما ٩: ٢٢-٢٣).
ئەو خودێ یێ ئەم د نڤیسارێن پیرۆز دا دبینین لێبوورینا خۆ وەکو نەمەردەکێ پارێن خۆ عەمبار ناکەت.
عەمبارێن دلێ وی هەمی دەمان دڤەکرینە و ب هەمی وێ کەرەما گونەهکارەك هەتاهەتایێ پێدڤی ببیت د تژینە. ل گەل خودێ لێبوورین یا هەی (زەبوور ١٣٠: ٤)، و نەکو ژبەر نەژدلی و پێدڤی، بەلکو ژبەر تژییاتیا دلێ وی یێ مەزن.
٢. لێبوورین ئەرکێ خودێ بجهـ دئینیت
هەر ژ چرکەیا کو ئادەمی و حەوایێ باخچەیێ عەدەن بجهـ هێلای، خودێ رازی نەبوویە کو گەلێ خۆ د دەربەدەریێ و گەندەلیێ و سزادانێ دا بهێلیت. ئەوی دووبارە سۆز دا کو رۆژەك دێ هێت دەمێ کوڕێ خودێ دێ ئالیێ بابێ خۆ هێلیت و بۆ ئەردێن رکابەر گەشتێ کەت و دێ پەسنا فریشتەیان ب رێسوایێن مرۆڤی گوهۆڕیت.
ئەرێ پا بۆچی؟ ژ بۆ لێبوورینێ. عیسا “دێ گەلێ خۆ ژ گونەهێن وان قورتال کەت،” فریشتە دبێژیتە یوسڤی (مەتتا ١: ٢١)، هەروەسا زەکەریا دبێژیتە مە چەوا: “دا قورتالبوونێ ب رێکا لێبوورینا گونەهێن وان بۆ خەلکێ وی رابگەهینی” (لوقا ١: ٧٧). دەمێ عیسای خزمەتا خۆیا ئاشکرایی دەستپێکری، ئەوی روویێ خۆ دا گونەهکاران (مەرقوس ٢: ١٧)، هەتا ل یێ خرابترین ژی دبوری (لوقا ٧: ٤٧- ٤٨). ئەوی ئەم فێرکرین بۆ لێبوورینێ نڤێژان بکەین (مەتتا ٦: ١٢)، و د مەزنترین چرکەیا ژانا وی دا، ئەوی ب خۆ دوعا بۆ مە کرن: “بابۆ، ل وان ببورە” (لوقا ٢٣: ٣٤).
هەروەکو دەمێ دەمژمێرا مرنا وی نێزیك بووی، عیسای ڕامانا گیانێ وی یێ شکەستی و خوینا وی یا رشتی گۆتە شاگردێن خۆ: “ئەڤە خوینا منە، خوینا پەیمانێ، ئەوا ژ پێخەمەتی گەلەكان بۆ لێبوورینا گونەهان دێ هێتە رشتن” (مەتتا ٢٦: ٢٨). ئەو خەمێن مە ل سەر پشتا خۆ هەلگرتین و کۆڤانێن مە ل سەر ملێن خۆ هەلگرتین و دەستێن وی ژ بەر گونەهێن مە بهێنە بزماردان و لەشێ وی بۆ زۆرداریێن مە بهێتە رەش و شین کرن (ئیشایا ٥٣: ٤-٥). پاشی ئەو ب خاچێ ڤە هەلاویست و دلۆڤانی ژ دلێ خۆ یێ خودان لێبوورین دباراند ژ وان برینێن ئەم ئەگەرێ وان.
ب رێکا لێبوورینێ، عیسا ئەرکێ کەڤنارێ خودێ بجهـ دئینیت. ئەو پاوانێ تاریاتیێ تالان دکەت دەمێ شەیتان گرێدایی تەماشە دکەت (مەتتا ١٢: ٢٩)، و مالا بابێ خۆ ب تژی کوڕ و کچان پڕ دکەت (یوحەننا ١٤: ٢؛ عیبرانی ٢: ١٠).
پێدڤی ناکەت تو ئەڤی قورتالکەری رازی بکەی داکو ل تە ببووریت. ئەو یێ ژبەر لێبوورینێ هاتی.
٣. لێبوورین کوڕێ خودێ مەزن دکەت
ل ئەڤی رەخێ کلۆخی، لێبوورین هەمی ب رێکا مەسیحێ خاچدای دهێت، یێ کو هەمی تیپێن دەستوورێ خودێ جێبەجێ کرین، هەمی سەنتێن قەرێن مە داین، هەر دلۆپەکا نەفرەتا خودێ داعویرایی. هەر گونەهکارەکێ لێ هاتیە بوورین ب ئارامی ل پشت برینێن مەسیح عیسای دراوەستیت. لەوما لێبوورین ناڤێ مەسیحی مەزن دکەت، ئەو ژی “ل سەر خاترا ناڤێ وی” (١ یوحەننا ٢: ١٢).
لێبوورینا خودێ ب شێوازەکێ سەرەکی بهایێ مە پشتراستی ناکەت، بەلکو بهایێ عیسای. دەمێ خودێ لێبوورینێ دکەت، ئەو هێژابوونا عیسای ل سەر ئالایەکی ل ئەسمانی هەمیێ دنڤێسیت. ئەو بەرێ مە ددەتە پشت بەرخێ خودێ د رێورەسمێن سەرکەفتنێ دا. ئەو دچیتە کویرترین هەستێ دلێ خۆ، و دوعایا زەبوورڤانی بجهـ دئینیت: “نە مە، هەی خودان، نە مە، لێ مەزناهیێ بدە ناڤێ خۆ، ژ پێخەمەت حەزژێکرنا خۆ یا نەگوهۆر و دلسۆزیا خۆ!” (زەبوور ١١٥: ١).
چنکو لێبوورین ناڤێ عیسای مەزن دکەت، ئەو ب سستی لێبوورینێ ناکەت. ئەو ب دلخۆشی و دلگەرمی و ژ هەمی دل و جانێ خۆ لێبوورینی دکەت. جۆن پایپەر دنڤێسیت، “هەر دەمەکێ ئەز گەلەك یێ تێهنی بم و شەپرزەیێ هاریکاریێ بم، ئەز گیانێ خۆ نە بتنێ ب راستیێ پال ددەم کو بزاڤەکا دلۆڤان یا د دلێ خودێ دا هەی، بەلێ هەروەسا ب وێ راستیا کو ژێدەر و هێزا وێ بزاڤێ دلگەرمیا خودێ یە کو بۆ مەزناهیا ناڤێ خۆ کریارێ بکەت” (The Pleasures of God 233-34).
ئەرێ چ خودێ دلخۆش دکەت ل تە ببووریت؟ نە هێژابوونا تەیە، نە ژی سۆزێن تەنە، نە ژی شیانێن تەیێن پاشەرۆژێنە، بەلێ هێژابوونا بەرخیە یێ کو هاتیە سەرژێکرن.
دەلیڤێن لێبوورینێ
بێگومان، خودێ یێ دلخۆش نینە ل هەر کەسەکی ببووریت. ب ملیۆنەها د ئەڤرۆ دا پەیڤێن دویماهیکێ یێن هارنیش هاینە (Heinrich Heine) دەنگڤە ددەن “بێگومان خودێ دێ ل من بوریت. ئەو کارێ وییە”، ل وی دەمێ کو خەم بۆ گونەهێ و چ برس بۆ پیرۆزیێ و چ حەزژێکرن بۆ مەسیحی نەبن. خودێ یێ دلخۆش نینە ب لێبوورینا وان کەسێن لێبوورینێ ب رژدی وەردگرن.
بەلێ دەمێ ئەم داخوازا لێبوورینێ ل بن ئالایێ گەشێ عیسای دکەین، و ژ دلەکێ کەرب ژ گونەهێ ڤەدبن و شەیدایێن پیرۆزیا وەکو خودێ یێ پیرۆز بین. ئەم خۆ دکەینە د رێکا دلخۆشیا خودێ دا. ئەم دبینە دەپەك بۆ خودێ کو مەزناهیا دلێ دیار بکەت. ئەم بەشداری هەستێ وی دبیت یێ کو گەلەك کوڕان بۆ مەزناهیێ دئینیت. ئەم بۆ پیرۆز و گونەهکاران، فریشتە و ئەجنەیان دیار دکەین کو مەسیح عیسا قورتالکەرەکێ بهێزە.
دەمێ تو ئەڤرۆ ل بەراهیا خودێ دهێت پشتی کو تە چەند گونەهـ کرین، پێدڤی ناکەت تو ل ناڤ دارستانێن گونەهباریێ و لۆمەکرنێ ژ خۆ بهلنگڤی. دانپێدانێ ب گونەها خۆ بکە، بەرەڤ عیسای بزڤرە، و د گوڕەپانێن لێبوورینا وی دا بکە خار.
ئەڤ گۆتارە ژ ژێدەرەکی وەرگێرایە ل ڤیرێ
