بلا ئافرەت ژی وەکو شڤانان خزمەتێ بکەن؟
کەسەك دێ هندەك جاران پرسیار ژ من کەت کا ئافرت ژی خزمەتێ بکەن یان نە. بەرسڤا من هەمی گاڤان ئەڤەیە: بەلێ، بێگومان! هەمی باوەردار یێن هاتینە گازیکرن کو خزمەتێ بکەن و خزمەتێ بۆ ئێكودوو ژی بکەن.
بەلێ دا بەرسڤا من یا جیاواز بیت ئەگەر هات و پرسیار ب شێوازەكێ هویرتر بوو: “ئەرێ هندەك رۆل د خزمەتکرنێ دا هەنە کو ئافرەت نەگێرن؟” ئەز دێ دانوستاندێ کەم کو پەیمانا نوی ب شێوەکێ روهن و ئاشکەرا فێرکرنێ دکەت کو پێدڤێ ناکەت ئافرەت وەکو شڤانان خزمەتێ بکەت (هەروەسا پەیمانا نوی داخوازێ ژ چاڤدێر یان ژی ڕیهـسپیان دکەت). یا ئاشکەرایە کو د پەیمانا نوی دا دەستەواژێن شڤان و چاڤدێر و ڕیهـسپی ئاماژێ ب هەمان ئەرك ددەن (بنێرە کارێن هنارتیان ٢٠: ١٧، ٢٨؛ تیتۆس ١: ٥، ٧؛ ١ پەترۆس ٥: ١-٢)، هەروەسا بۆ بیرئینانا ئەڤێ گۆتارێ ئەز دێ دەستەواژێن “ڕیهـسپی” و “شڤان” ب پێگهورکی بکار ئینم داکو ئەڤی ئەرکی نیشان بدەم.
قەدەغەکرنا پاولۆسی د ١ تیموتاوس ٢: ١٢ دا
ئەو تێکستێ سەرەکیێ کو دامەزراندنا وێ چەندێ دکەت کو نابیت ئافرەت وەکو ڕیهـسپیان خزمەتێ بکەن ئەڤەیە ١ تیموتاوس ٢: ١١-١٥. د ئایەتا ١٢ێ دا دبێژیت: ئەز دەستویریێ نادەم کو ژنك فێرکرنێ بدەتە زەڵامی و لسەر زاڵ ببیت. د ئەڤی تێکستی دا پاولۆس ئافرەتێ ژ دوو چالاکیان بێبار دکەت کو گرێدای خزمەتا ڕیهـسپیانە: فێرکرن و زاڵبوون. ئەم ئەڤێ چەندێ د تایبەتمەندیێن خزمەتێ دا ل ناڤا جهێن دیتر دا دبینین: پێدڤیە ڕیهـسپیان شیانێن فێرکرنێ هەبن (١ تیموتاوس ٣: ٢؛ ٥: ١٧؛ تیتوس ١: ٩؛ بنێرە کارێن هنارتیان ٢٠: ١٧-٣٤) هەروەسا رێبەریا کەنیسەیێ ژی بکەن (١ تیموتاوس ٣: ٤-٥؛ ٥: ١٧). رێ ب ئافرەتێ نەهاتیە دان کو فێرکرنێ ل زەڵامی بکەت و ل سەر وی زاڵ ببیت، لەوما دهێتە گۆتن کو نابیت ئەو وەکو ڕیهـسپیان خزمەتێ بکەن.
ئەرێ ئەڤرۆ ژی کار ب ئەڤێ قەدەغەکرنێ دهێتەکرن؟
بەلێ ئەرێ ئەو فەرمانا دبێژیت کو نابیت ئافرەت فێرکرنێ بدەتە زەڵامی و ل سەر زاڵ ببیت ئەڤرۆکە ژی هێشتا کار پێ دهێتەکرن؟ ئەڤرۆکە گەلەك خەباتێ دکەن کو پاولۆسی ئافرەت یا بێبار کری خزمەتێ وەکو ڕیهـسپیان بکەت ژبەر کو ئافرەت ل سەردەمێ پاولۆسی د نەخوێندەوار بوون و لەوما شیانێن فێرکرنا زەڵامان ل دەف وان نەبوون. هەروەسا گەنگەشە لسەر وێ چەندێ ژی دهێتە کرن کو ئافرەت یا بەرپرسیار بوو ژ وان فێرکرنێن نەدروست یێن کو جڤین تەنگاڤ دکر یاکو پاولۆسی د ١ تیموتاوس دا نڤێسی (١ تیموتاوس ١: ٣؛ ٦: ٣).ل گۆڕی ئەڤێ خواندنێ، پاولۆس دا پشتەڤانیا ئافرەتێ کەت کو وەکو شڤانان خزمەتێ بکەن پشتی ئەو ب شێوازەکێ دروست خواندەوار ببان و فێری باوەریا دروست ببان.
قەدەغەکرن یا د ئافراندنێ دا هاتیە دانان، نە د رەوشان دا
پێدڤیە ئەڤ هەوڵێن کو سەردەریێ ل گەل قەدەغەکرنا پاولۆسی دکەن ب نەسەرکەفتی بهێنە دادکرن. پاولۆس دشیا ب ساناهی نڤێسابا: من نەڤێت ئافرەت فێرکرنێ بدەتە زەڵامی و ل سەر زاڵ ببیت ژبەر کو ئەو د نەخواندەوارن. یان ژی، من نەڤێت ئافرەت فێرکرنێ بدەتە زەڵامی و ل سەر زاڵ ببیت ژبەر کو ئەو فێرکرنێن نەدروست بەڵاڤ دکەن. بەلێ ئەو چ ئەگەرە ل پشت فەرمانا پاولۆسی د ئایەتا ١٢ دا؟ ئەگەرێ کو ل پشت فەرمانا پاولۆسی د ئەڤێ ئایەتا بهێت دا دیار دبیت: چنکو ل بەراهیێ ئادەم هاتە چێکرن پاشی حەوا (ئایەت ١٣). پاولۆس چ تشتان دەربارەی نەخواندەواری و بەڵاڤکرنا فێرکرنێن نەدروستێن ئافرەتان نابێژیت. ل شوینێ ئەو ل دویڤ رێزبەندیا ئافراندنێ دچیت، دەربارەی نیەتا خودێ یا باش و تەمام دەمێ مرۆڤ ئافراندین. یا گرنگە ئەم ببینین کو ئاماژەکرن ب ئافراندنێ وێ چەندێ نیشان ددەت کو فەرمانا نابیت ئافرەت فێرکرنێ بدەتە زەڵامی و ل سەر زاڵ ببیت پەیڤەکا هەڤکەلتوریە، قەدەغەکرنەکە کو ل هەمی دەم و هەمی جهان گرێدای کەنیسێیە. ب دانا ئەڤێ فەرمانێ، پاولۆس گازیا خۆ بۆ ئافراندنا کەفتی نابەت، بۆ دەرەنجامێن کو گرێدای ژیانا مرۆڤان وەکو ئەنجامەکێ گونەهێ. ل شوینێ، ئەو قەدەغەکرنێ د ئافراندنا تەمام باش دا ددانیت یاکو بەری گونەهـ بهێتە د جیهانێ دا هەی.
ئەگەرێ سەرەکی دەربارەی کو نابیت ئافرەت خزمەتێ وەکو شڤانان بکەن ل ڤێرێ دانوستاندن لسەر دهێتەکرن، هەروەسا نابیت گەنگەشەیا ژ دەمێ ئافراندنێ ژی بهێتە پشتگوهـ هاڤێتن ژبەر کو ژ لایێ کەلتوریڤە سنوردارکریە. زێدەبارەی وێ چەندێ، پەیمانا نوی ژ تژی هەمان گلەیان ل دور رێزبەندیا ئافراندنێ پێك دهێت. بۆ نموونە، رەگەزبازی ل گەل ئیرادەیا خودێ ناگونجیت ژبەر کو ئەو “بەرۆڤاژی سروشتییە” (رۆما ١: ٢٦)؛ ئەو بنپێکرنا نیەتا خودێیە دەمێ مرۆڤ کرینە نێر و مێ (دەستپێکرن ١: ٢٦-٢٧).
ب هەمان شێواز، عیسا فێرکرنێ دکەت کو بەردان (طلاق) ژی نە نموونەیەکا خوداییە چنکو خودێ ل دەمێ ئافراندنێ ئێك زەڵام و ئێك ژنك ئافراندن، گرنگی دانا سەر وێ چەندێ کو ئێك زەلام هەڤژینیێ ل گەل ئێك ئافرەت پێك بینیت “هەتا مرن وان ژێکڤە بکەت” (مەتتا ١٩: ٣-١٢). ئەڤجا هەروەسا پێدڤیە هەمی خوارن ژی ب سوپاسیکرنڤە بهێنە وەرگرتن چنکو ئەو دیاریە ژ ئافراندنا خودێ (١ تیمۆتاوس ٤: ٣-٥).
د ١ تیمۆتاوس ٢: ١١-١٥ دا پاولۆس قەدەغەکرنا ئافرەتێ کو فێرکرنێ و دەستهەڵاتێ ل دویڤ رێزبەندیا ئافراندنێ بکەت ب شێوازەکێ تایبەت نیشان ددەت، ژ هەژیە بێژین، کو ئادەم ل بەراهیێ هاتبوو ئافراندن و پاشی حەوا (دەستپێکرن ٢: ٤-٢٥). چیرۆك د دەستپێکرن دا ب هوشیاری هاتیە دارژتن، هەروەسا پاولۆس ل ژێر ئیلهاما گیانێ پیرۆز، هاریکاریا مە دکەت گرنگیا ئافراندنا حەوایێ پشتی ئادەمی ببینین. جاران ژی رەخنەگر نەرازیبوونا خۆ دیار دکەن کو ئەڤ گەنگەشە شکەستنێ دئینیت بهێتە باوەرکرن ژبەر کو گیانەوەر بەری مرۆڤان هاتینە ئافراندن، بەلێ ئەڤ چەندە مەبەستا پاولۆسی بەرزە دکەت. بتنێ مرۆڤ ل دویڤ وێنەیێ خودێ یێن هاتینە ئافراندن (دەستپێکرن ١: ٢٦-٢٧)، لەوما پاولۆس گرنگیێ ددانیتە سەر وێ چەندێ کو خودێ زەلام بەری ئافرەتێ ئافراند، ژ هەژیە بێژین ژی، کو زەلام بەرپرسیاریا سەرکێشیێ هەلدگریت.
پاولۆس ئەگەرێ دوویێ ژی دیار دکەت کا بوچی یا پێدڤیە ئافرەت فێرکرنێ نەکەت و دەستهەڵات ل سەر زەلامی نەبیت ١ تیمۆتاوس ٢: ١٤: “ئادەم نەهاتە خاپاندن، لێ ژن هاتە خاپاندن و سەرپێچی كر.” مەبەستا پاولۆسی ل ڤێرێ ئەو نینە کو ئافرەت پتر ژ زەلامی دهێتە خاپاندن، ژبەر کو ل جهەکێ دی ئەو پەسنا ئافرەتێ وەکو فێرکەرێن ئافرەت و زارۆکان دکەت (تیتۆس ٢: ٣؛ ٢ تیمۆتاوس ١: ٥؛ ٣: ١٤-١٥)، ئانکو ئەو پێشنیارا هندێ ناکەت کو ئافرەت د سروشتێ خۆ دا روی ب روی خاپاندنێ دبن. دبیت کو پاولۆس دووبارە یێ هزر د چیرۆکا ئافراندنێ دا دکەت، چنکو ماری رێزبەندیا ئافراندنێ تێك دا ب رێکا خاپاندنا حەوایێ ل شوینا ئادەمی (و هوسا ئەوی سەرکێشیا زەلامی تێك دا)، هەرچەندە بەلگە ژی یا هەی کو ئادەم ل گەل حەوایێ بوو دەمێ فتنە روی دای (دەستپێکرن ٣: ٦). ئایەتا ١٤ێ فێرکرنا وێ چەندێ ناکەت کو ئافرەت د نەخواندەوار بن، ژبەرکو خاپاندن چینەکا رەوشتیە، هەروەسا نەبوونا خواندەواریێ ب رێکا ئاموژگاریان چارەسەر دبیت.
نابیت خاپاندنا حەوایێ ب لاوازیا ژیریڤە بهێتە گرێدان، بەلکو ئەو ژبەر پیلانگێریا وێ بوو، حەزا وێ بوو کو ژ خودێ سەربەخۆ ببیت. ل گەل هندێ، ئاماژە ب خاپاندنێ ل ڤێرێ نیشانا هندێ نینە کو ئافرەتێن ئەفەسوسێ رۆلەکێ سەرەکی د بەلاڤکرنا فێرکرنێن درەو دا گیرا بیت، چنکو فێرکەرێن درەو یێن کو ناڤێن وان د ١ تیمۆتاوس دا هاتین زەلامن (١ تیمۆتاوس ١: ٢٠). بێگومان، ئەگەر ئافرەت ژ فێرکرنێ هاتبنە لادان چنکو ئەو پشتەڤانێن فێرکرنێن درەو بوون، مە رەوشەکا سەیر و نەخوازراو هەیە کو هەمی ئافرەتێن مەسیحی ل ئەفەسوسێ یێن ب رێکا فێرکرنێن درەو هاتینە خاپاندن.
ل شوینا ئەڤێ چەندێ، مەبەستا پاولۆسی ئەوە کو خاپاندنا ئبلیسی بۆ حەوایێ ل شوینا ئادەمی سەرکێشیا زەلامی تێك دا، ژبەر کو ئەوی ئافرەت خاپاند و فتنە کر د سەر وێ چەندێ را کو ئادەم ل گەل حەوایی یێ ئامادە بوو دەمێ فتنە رویدای. هەرچەندە بێگۆمان حەوا ل دەستپێکێ ژ لایێ ماریڤە هاتە خاپاندن، بەرپرسیارەتیا سەرەکیا گونەهێ کەفتە سەر ملێن ئادەمی. ئەڤە بەلگەیە د دەستپێکرن ٣ دا، چنکو خودان دەستپێکێ ل گەل ئادەمی دەربارەی گونەها ئێکەم هەڤژینان دئاخڤیت، و ئەڤ چەندە د روما ٥: ١٢-١٩ ژی دا هاتیە پەسەندکرن ل وی جهێ کو گونەهکاریا نڤشێ مرۆڤان ژ شۆپا ئادەمیە و نە حەوایێ.
ب کورتی، ١ تیمۆتاوس ٢: ١٢ ئافرەتێ ژ فێرکرن و دەستهەڵاتا ل سەر زەلامی د کەنیسەیێ دا قەدەغە دکەت. ئەڤ فەرمانە یا د رێزبەندیا ئافراندنێ دا هاتیە بجهکرن و هاتیە پەسەندکرن ب رێکا بەروڤاژیکرنا رۆلێن کو ل کەفتنێ رویداین. ئەو نە قەدەغەکرنەکا سنوردارا کەلتوری یان ژی تێکستیە کو ل سەر کەنیسەیێن ئەڤرۆ ناهێنە سەپاندن.
پشتراستکرنا شاهدەییێ ژ یا مای ژ نڤیسارێن پیرۆز
ئەرێ ئەم دەربارەی رولێن زەلامی و ئافرەتێ ژ ئافراندنا وان ژ لایێ خودێڤە چ فێر دبین
یاکو ئەم دەربارەی رولێن زەلامی و ئافرەتێ د یا مای ژ نڤیسارێن پیرۆز دا دبینین خواندنا ١ تیموتاوس ٢: ١١-١٥ پەسەند دکەت. پەرتووکا دەستپێکرن شەش پارچە بەلگەیان ددەتە مە کو هەڤژینان (زەلامان) بەرپرسیارەتیا سەرەکی د هەڤژینیێ دا هەیە: ١) خودێ دەستپێکێ ئادەم ئافراند و پاشی حەوا؛ ٢) خودێ فەرمان دا ئادەمی ژ دارێ نەخۆت ل شوینا حەوایێ؛ ٣) ئادەمی “ئافرەت” بناڤ کر کا چەوا ئەوی گیانەوەر ب ناڤ کرن، ئەو چەندە ژی گرنگیا دەستهەڵاتا وی دیار دکەت (دەستپێکرن ٢: ١٩-٢٣)؛ ٤) حەوا وەکو هاریکارا ئادەمی هاتیە ئافراندن (دەستپێکرن ٢: ١٨)؛ ٥) ماری حەوا خاپاند ل شوینا ئادەمی، ژ بەر هندێ سەرکێشیا زەلامی هاتە تێکدان (دەستپێکرن ٣: ١-٦)؛ ٦) خودێ دەستپێکێ هاتە دەڤ ئادەمی، هەرچەندە حەوایێ دەستپێکێ گونەهـ کر (دەستپێکرن ٣: ٩؛ هەروەسا بنێرە روما ٥: ١٢-١٩).
ئەرێ ئەم چ ژ فێرکرنێن پەرتووکا پیرۆز ل گۆر هەڤژینیێ فێر دبین
خواندنا پەرتووکا دەستپێکرن ل گەل وێ چەندێ د گونجیت یاکو ئەم د پەیمانا نوی دا ئاشکرا دکەین. هەڤژینان (زەلامان) بەرپرسیارەتیا سەرکێشیێ هەیە، و داخواز ژ هەڤژینێن وان (ئافرەتان) هاتیە کرن کو ملکەچی سەرکێشیا زەلامێن خۆ ببن (ئەفەسوس ٥: ٢٢-٣٣؛ کولوسی ٣: ١٨-١٩؛ ١ پەتروس ٣: ١-٧). گازیا ملکەچیبوونا هەڤژینان (ئافرەتان) نە ل گۆر قەیدێن جڤاکینە، چونکی هەڤژین هاتیە گازیکرن داکو ملکەچی هەڤژینێ خۆ بیت هەروەکو کەنیسە هاتیە گازیکرن کو ملکەچی مەسیحی بیت (ئەفەسوس ٥: ٢٢-٢٤). پاولوس هەڤژینیێ وەکو نهێنیەکا کویر نیشان ددەت (ئەفەسوس ٥: ٣٢)، نهێنیا کویر ژی ئەوە کو هەڤژینی پەیوەندیا مەسیحی ب کەنیسەیێڤە بەرچاڤ دکەت. زەڵامان نەچار دکەت ل شوینا ئافرەتان کو وەکو شڤان خزمەتێ بکەن، پاشی ل گەل نەخشەیێ پەرتووکا پیرۆز یێ سەرکێشیا زەلامی و دەستهەڵاتا وی د هەڤژینیێ دا دگۆنجینیت.
یا گرنگە ل بەرچاڤ بهێتە وەرگرتن کو پێدانا رولەکێ جیاواز بۆ ئافرەتێ رامانا کێمکرنا ئافرەتێ نادەت. ئافرەت و زەلام د وێنەیێ خودێ دا یەکسان هاتینە ئافراندن (دەستپێکرن ١: ٢٦-١٧). ئەوان گەهشتنا یەکسان بۆ قورتالکرنا مەسیحی یا هەی (گالاتیا ٣: ٢٨)، هەروەسا ئەو پێکڤە میراتگرێن قورتالکرنا مەزنن یاکو ب رێکا مەسیح عیسای یا مەیە (١ پەتروس ٣: ٧). نڤیسەرێن پەرتووکا پیرۆز گومانان ژ روومەت و ژیری و کەسایەتیا ئافرەتێ نابەن. ئەم ئەڤێ چەندێ گەلەك ب ئاشکراتر دبینین دەمێ ئەم دزانین هەروەکو وێ چەندێیە وەکو مەسیح ملکەچی بابی دبیت (١ کورنتوس ١٥: ٢٨)، ئەڤجا پێدڤیە هەڤژین (ئافرەت) ملکەچی هەڤژینێن خۆ ببن. مەسیحی هەمان روومەت و بها ل گەل بابی هەنە، هەروەسا ژ بەر هندی ملکەچیبوونا وی وەسا ناهێتە وەرگرتن کو کێمکرنە.
ئەرێ ئەم چ ژ تێکستێن دی دەربارەی ئافرەتێ د کەنیسەیێ دا فێر دبین
١ تیموتاوس ٢: ١١-١٥ ژی نە ئێکانە تێکستە کو داخوازا رولەکێ جیاواز بۆ زەلام و ئافرەتێ د کەنیسەیێ دا دکەت. د ١ کورنتوس ١٤: ٣٣ب-٣٦ دا پاولوس فێرکرنێ دکەت کو نابیت ئافرەت د کەنیسەیێ دا بئاخڤیت. ئەڤ تێکستە ژی ئافرەتێ ب ئێکجاری ژ ئاخفتنا د کومبوونێ دا قەدەغە ناکەت، چنکو پاولوس ئافرەتێ بۆ نڤێژ و پێشبینیکرنێ د کەنیسەیێ دا هان ددەت (١ کورنتوس ١١: ٥). پرەنسیپا ١ کورنتوس ١٤: ٣٣ب-٣٦ ئەوە کو نابیت ئافرەت ب وی شێوازی بئاخڤیت کو پیلانگیریێ ب دژی سەرکێشیا زەلامی یان ژی دەستهەڵاتەکا ب هەروە ل سەر خۆ بسەپینیت بکەت، ئەڤ پرەنسیپە هەماهەنگیێ ل گەل هزرا د ١ تیموتاوس ٢: ١١-١٥ دا دکەت کو نابیت ئافرەت فێرکرنێ و دەستهەڵاتێ ل سەر زەڵامی بکەت.
تێکستەکێ دی یێ کو مە ب هەمان ئاراستە دبەت ١ کورنتوس ١١: ٢-١٦ یە. مە بەری نوکە یا دیتی کو ئەڤی تێکستی دا پاولوس رێ ب ئافرەتێ بۆ نڤێژ و پێشبینیکرنێ د کومبوونێ دا ددەت. هەروەسا یا گرنگە بزانین کو پێشبینیکرن هەمان بەهرە نینە وەکو فێرکرنێ، ژبەر کو بەهرە د پەیمانا نوی دا ژ ئێك هاتینە جوداکرن (١ کورنتوس ١٢: ٢٨). ئافرەتان وەکو پێغەمبەر د پەیمانا کەڤن دا خزمەت دکر بەلێ چجاران وەکو شڤان خزمەت نەکریە. ب هەمان شێواز ئەوان وەکو پێغەمبەر د پەیمانا نوی دا خزمەت کریە بەلێ چجاران وەکو ریهـسپی خزمەت نەکریە.
زێدەباری ئەڤێ چەندێ ژی ١ کورنتوس ١١: ٢-١٦ روهن و ئاشکرا دکەت کو دەمێ ئافرەتان پێغەمبەرایەتی دکر پێدڤی بوو ل سەر ئەوان ب وی شێوازی خۆ خەملاندبا کو ملکەچی سەرکێشی و رێبەریا زەلامی بایە (١ کورنتوس ١١: ٣). ئەڤە ل گەل وێ چەندا مە د ١ تیموتاوس ٢: ١١-١٥ دا دیتی دگونجیت. ئافرەت نە سەرکێشێن هەلبژارتیێن جڤینانە، لەوما پێدڤیە ئەو وەکو فێرکەر و سەرکێشێن جڤینان سەرەدەریێ نەکەن. ئاریشەیا هەرە مەزن د ١ کورنتوس ١١: ٢-١٦ دا خەملاندنا ئافرەتێ نینە. ئاریشەیا هەرە مەزن د ١ کورنتوس ١١: ٢-١٦ دا خەملاندنا ئافرەتێ نینە. زانا هەتا نوکە دپشتراست نینن د هەر رەوشەکێ دا کانێ خەملاندنا هاتیە وەسفکرن پێشکێشکرنا دەرسوکەکێ یان ژی راکرنا پرچێ کەسەکێیە. ئەڤ خەملاندنە د رۆژانێن پاولۆسی دا یا پێدڤی بوو چنکو گرنگیا وێ چەندێ دیار دکر کا ئافرەت ملکەچی سەرکێشیا زەڵامینە. ئەڤرۆکە کا چەوا ئافرەتەك پرچا خۆ رادکەت یان ژی کا دەرسوکێ دکەتێ یان نە گرنگیا وێ چەندێ دیار ناکەت کانێ ئەو ملکەچی سەرکێشیا زەڵامیە یان ژی نە. ئەڤجا پێدڤیە ئەم ئەڤێ پرەنسیپێ (لێ نە ب رەوشەنبیریەکا سنوردار) ل سەر جیهانا ئەڤرۆ بسەپینین: پێدڤیە ئافرەت ملکەچی سەرکێشیا زەڵامی ببیت، ئەڤ چەندە ژی ب خۆ وێ چەندێ رادگەهینیت کو نابیت ئافرەت وەکو شڤان و ماموستایێن زەڵامی خزمەتێ بکەن.
دویماهیك
نڤیسارێن پیرۆز ب ئاشکرایی فێرکرنێ دەربارەی روڵێ ئێکانەیێ ئافرەتێ ل کەنیسەیێ و ل ماڵ دکەن. ئەو ل گەل زەڵامان د روومەت و بهای دا یەکسانن، بەلێ ئەوان د ئەڤێ مانا ل سەر ئەردی دا رۆلەکێ جیاواز یێ هەی. خودێ هندەك بەهرەیێن دی یێن جیاواز یێن ب وان داین کو ئەو پێ بشێن خزمەتا کەنیسەیێ و جیهانێ بکەن، بەلێ نابیت ئەو وەکو شڤان خزمەتێ بکەن. خودانی فەرمان نەداینە داکو ئافرەتێ سزا بدەت، بەلکو داکو ئەو ب دلخۆشی ل گور حەزا وی خزمەتا وی بکەن.
ژ The Gospel and Personal Evangelism by Mark Dever, لاپەرێ. ٤٣.
