باشترین گۆتار بۆ هەڤژینیێ: حەفت وانە بۆ حەزژێکەرنەکا بەردەوام
حەفت وانە بۆ حەزژێکرنەکا بەردەوام
ئەڤرۆ حەفت سال ل سەر هەڤژینیا من دگەل هەڤژینا، فەی، من دەرباز بوون. هەر ژ رۆژا شەهیانا مە وەرە، ئەز فێر بووم کو سالا حەفتێ گوهوڕینەکا گرنگە بۆ هەڤژینیان.
گەلەك جاران پشتی حەفت سالێن هەڤژینیێ، ئێك یان هەردوو هەڤژین ژ هەڤژینیێ بێزار دبن و دبنە شەیدایێن تشتەکێ نوی. ل وی دەمێ کو چ ڤەکۆلینان حەفت وەکو ژمارەکا پشتراست نەسەلماندیە، هندەك ڤەکۆلینان دیار کریە کو ئامارێن ژئێك جودابوونێ (تەلاق دان) د ناڤ بەرا ٥ هەتا ١٠ سالان دا بلند دبن و دگەهنە گۆپیتکێ. ئەز نەیێ پشتراستم، هەرچەوا بیت ئەم گەلەك پێدڤی ڤەکۆلینەکا ئالۆزین داکو بێژیتە مە کا پتریا هەڤژینیان ب رێکا سەربووران چ دزانن: هەڤژینی ژ وێ یا کو ئەم هزر دکەین بزەحمەتترە. هەروەسا ئەگەر ئەم ل ئەگەرەکی بۆ جودابوونێ بگەریێین، دێ گەلەك هەبن ژێ بهەلبژێرین.
دەمێ جووتەکی هەڤژینی پێك ئینابیت، زەلام و ژن سۆزێ ددەنە ئێك و دوو کو هەتا د ئاستەنگان ژی دا حەز ژ ئێك و دوو بکەن و چ جاران ژ ئێك و دوو جودا نەبن. ئەرێ بۆچێ ئەو ئەڤان سۆزان ددەن؟ چنکو ئەو دزانن ئەڤ سۆزێن حەزژێکرنێ هەڤژینیێ ژ هەرفاندنێ و د دەمێن بزەحمەت دا دپارێزن.
ئەز دشێم بێژم پشتی حەفت سالێن هەڤژینیێ، هەڤژینی بزەحمەتتر لێ هات، بەلێ دلخۆشتر لێ هات ژ وێ یا من هزر کری. ئەم هێشتا حەزژێکرنێ و فێرکرنێ ژ سروودا سلێمانی وەردگرین. بەلێ ئەم یێن فێر بووین ب سەر چیای ژی بکەڤین و پتر ل بەر پێن عیسای برینینە خوار.
حەفت پەیڤ بۆ حەفت سالان
مەتتا ٥-٧ گۆتارەکا عیسای ب ناڤێ “گۆتارا ل سەر چیای” تۆمار دکەت. هەڤژینی رۆناهیا گۆتارا ل سەر چیای نینە، ئەو ب ئاشکرایی ئاماژێ ب تنێ ب ٢ ژ ١٠٧ ئایەتان ددەت، بەلێ هەر سێ بەش هندەك شیرەتکاریا کویر بۆ هەڤژینان و گەنج و پیران دابین دکەن. پشتی حەفت سالان ل گەل فەی، فەرمانێن عیسای و هۆشداریان و سۆزان گونجاتیەك و گرنگیا خۆ بۆ من هەیە. ئەڤ هەر حەفت وانێن بهێن هاریکاریا من یا کری کو هەڤژینیا خۆ بهێز بێخم و هیڤیدارم ئەو یێن وە ژی بهێز بێخیت.
١. یێ هشیار بە کا تو مالا خۆ ل کیڤە ئاڤا دکەی
ئەڤجا هەر كەسێ گوهێ خۆ بدەتە گۆتنێن من و كار پێ بكەت، ئەو وەكو مرۆڤەكێ ئاقلمەندە یێ خانیێ خۆ ل سەر كەڤری ئاڤا كری. (مەتتا ٧: ٢٤)
پشتی فێربوونێ دەربارەی تۆڕەبوون و دلچوون و نیگەرانی و دەستپاکی و تۆلڤەکرن و لێبوورین و بەخشین و ب رۆژی بوون و نڤێژکرن و گەلەکێن دی، عیسا ب نموونەیا دەربارەی دوو جۆێن مالان ب دویماهیك دئینیت: ئێك کو ل سەر خیزی هاتیە ئاڤاکرن و یا دی ژی ل سەر کەڤری. ژیانێن (و هەڤژینیێن) ل سەر خیزی هاتینە ئاڤاکرن دێ هەرفن. ژیانێن (و هەڤژینیێن) ل سەر کەڤری هاتینە ئاڤاکرن دێ خۆ ڕاگرن: بۆ یێ باشتر و خرابتر و دەولەمەندتر و هەژارتر و نەخۆش و ساخلەم ژی، ئانکو هەر چ تشتێ بهێت. “پشتی هنگی باران بارین و لافاو رابوون و باڕۆڤە هاتن و ب وی خانی كەفتن، لێ نەكەفت، چنكو بنیاتێ وی ل سەر كەڤری هاتبوو دانان” (مەتتا ٧: ٢٥)
ئەرێ رامانا وێ چەندێ چیە کو هەڤژینیەکێ ل سەر کەڤری ئاڤا بکەی؟ رامانا وێ ئەوە کو هەڤژینیێن خۆ ل سەر گوهداریا عیسای ئاڤا بکەین. “لێ هەر كەسێ گوهـ بدەتە ڤان ئاخفتنێن من و كار پێ نەكەت، ئەو وەكو مرۆڤەكێ دەبەنگە كو خانیێ خۆ ل سەر خیزی ئاڤا كری.” رامانا وێ ئەوە کو ب شێوازەکێ چالاك عیسای و پەیڤێن وی ل ناڤەراستا رۆتین و رۆمانسیەت و هەتا ناکوکیا خۆ ژی بدانین. ئەرێ ما ئەم ل رێکێن دی دگەریێین داکو هەڤژینیا خۆ ل سەر کەڤری ل شوینا خیزی ئاڤا بکەین. بۆ نموونە، ئەرێ تۆ پەرتووکا پیرۆز ل گەل هەڤژینێ/ا خۆ دخوینی، پێکڤە نڤێژان دکەن، سترانان پێکڤە دبێژن، سوپاسیا وی پێکڤە دکەن، پێکڤە خۆشیێ ب وی دبەن؟ هەمی هەڤژینی بلەز فێر دبن کو پێدڤی ب نیتەکا پڕی گیانن داکو ژ کەڤری نەکەڤن.
دەمێ تەنگاڤی و بریارێن ب زەحمەت د هەڤژینیا مە دا پەیدا دبن، پێدڤیە هۆکارێ بریاردانێ ئەڤە بیت “ئەرێ عیسای ژ هەمیان پتر چ دڤێت؟” داکو یێ پشتراست بی، ئەم هەردەم نزانین کا عیسای ب دروستی چ دڤێت، بەلێ ئەرکەك کو باوەریێ ب وی بینی و گوهداریا وی بکەی د سەر هەر تشتەکێ دی را، هەروەسا د هەر رەوشەکێ ژی دا، دێ گەلەك تەنگاڤیان د گەلەك هەڤژینیان دا چارەسەر کەت.
دەمێ عەور رەش دبن، و هەوا ژی بلەز دهێت، و بارۆڤەیێن ژیانێ ژی دەست پێ دکەن، ئەم هەست پێ دکەین یان حەزژێکرنا مە ل سەر عەردێ هشك هاتیە ئاڤاکرن (یان ژی نە). ئەرێ ئەم پتر ملکەچی گوهداریکرنا عیساینە یان ژی رێکا خۆ ب خۆ؟ ئەرێ پەیڤێن وی یان ژی هەستێن مە ب رێکی د رۆژێ دا بسەر دکەڤن؟ ئەرێ ئەم دبەرهەڤین بۆ وەرگرتنا پێنگاڤێن ب زەحمەت و ب بها یێن کو ئەو داخواز ژ مە دکەت وەربگرین، دووبارە؟ ئەرێ مالا مە ل سەر کەڤری یان ژی ل سەر خیزی یا هاتیە ئاڤاکرن؟
٢. زێرەڤانیا دلسۆزیا خۆ ب هۆشیاری بکە
خوزیكێن دلپاقژان، چنكو ئەو دێ خودێ بینن. (مەتتا ٥: ٨)
دبیت رۆهنترین پەیڤ بۆ هەڤژینیێ د گۆتارا ل سەر چیای دا د مەتتا ٥: ٢٧-٣٢ دا بهێت: “هەوە یا بهیستی كو یا گۆتی: ‹دەهمەنپیسیێ نەكە.›” لێ ئەز دبێژمە هەوە: هەر كەسێ ب چاڤەكێ خراب بەرێ خۆ بدەتە ژنكەكێ، ئەوی د دلێ خۆ دا دەهمەنپیسی ل گەل وێ كر. (مەتتا ٥: ٢٧-٢٨). ئانکو، نە بتنێ خۆ ژ هزرکرنا چوونا ناڤ نڤینێن ژنەکا قەدەغەکری بدە پاش، بەلکو هەتا هزرا هندێ ژی نەکە کو د ناڤ نڤینێن وێ دا بی. هندی رێکا درێژا پێدڤی بیت ببڕی داکو باخچەیێ پاکیزە و پاکینیا خۆ بپارێزی، وێ چەندێ بکە.
ئەگەر چاڤێ تە یێ راستێ ببیتە ئەگەرێ هەلنگفتنا تە، بینە دەرێ و بهاڤێژە. بۆ تە چێترە ئێك ژ ئەندامێن لەشێ تە ژ ناڤ بچیت، نەكو هەمی لەشێ تە بۆ دۆزەخێ بهێتە هاڤێتن. (مەتتا ٥: ٢٩)
ئەرێ ئەو جۆێ دلگەرمی و هشیاریا پری گیان دەوروبەرێن تەختێ هەڤژینیا مە دگریت؟ ئەرێ ئەم جارەکێ دەربارەی کا چەوا ئەم جەنگێ دلکێشیا سێکسی بەحس دکەین؟ ئەرێ ئەو زەلام و ژنك د ژیانێن مە دا هەنە یێن کو دزانن چەوا مە بەرپرسیار بکەن؟ کویرترین کەیڤخۆشیا هەڤژینیێ ژ وان کەسان دهێت یێن کو پێکڤە جەنگی بۆ پاکیزەیێ دکەن، ژبەر کو ئەم دێ پێکڤە پتر ل دەڤ خودێ بینین: “خوزیكێن دلپاقژان، چنكو ئەو دێ خودێ بینن.”
ئەڤ دویڤچوونا دلسۆزا پاکیزەیێ هەروەسا ژ ئەرکەکێ داکو چ جاران نەچی ژی دهێت، نە د سالا پێنجێ یان ژی حەفتێ یان ژی پێنجی و حەفتێ دا. “لێ ئەز دبێژمە هەوە: هەر كەسێ نە ژ بەر دەهمەنپیسیێ ژنا خۆ بەردەت، دبیتە ئەگەرێ هندێ كو ئەو ژن ببیتە دەهمەنپیس” (مەتتا ٥: ٣٢). داکو پشتراستی ببی، ئەو هەڤژینیێن ب ئەگەرێ خیانەتێ ژ ناڤ دچن پێدڤی ب چاڤدێری و شیرەت و کەرەمەکا تایبەت هەیە. بەلێ پەیڤێ وی رۆهن دمینن: “هۆسا ئێدی ئەو نە دوونە، لێ ئێك لەشن. ئەڤجا ئەوێن خودێ ئەو كرینە ئێك، بلا مرۆڤ ژێكڤە نەكەت” (مەتتا ١٩: ٦). ئەو وێ چەندێ ب پشتراستی دبێژیت ژبەر کو چەند ب ساناهیتر ژ ئێك جودابوون د هندەك دەمان دا دێ هەست پێ هێتە کرن.
٣. ئێك و دوو ب دەروونبچویکی راستڤە بکەن.
خوزیكێن دەروونبچویكان، چنكو ئەو دێ بنە میراتگرێن ئەردی. (مەتتا ٥:٥)
هەڤژینی وەکو ئەم هەمی دزانین یا پیرۆزە، بەلکو ژ هەر پەیوەندیەکا دی یا مرۆڤان پیرۆزترە. هەڤژینی مە ژبەر دوو ئەگەرێن مەزن پیرۆز دکەت: ١. زەلام و هەڤژینا وی پتر ژ هەر ئێکێ دی پتر گونەهێن ئێك و دوو دبینن، ٢. پەیمان ب شێوازەکێ نەئارام نێزیکتر بۆ ژیانەکێ پێکڤە گرێ ددەت. ئەم یا خرابترین ژ ئێك و دوو دبینن و هێشتا چ جهێن دی نینن بچینێ.
کا چەوا هەڤژینا من بەرسڤا گونەهێن من ددەت کاریگەریەکا بێ رێژە ل سەر کا چەوا ئەز خۆ و گونەهێن خۆ دبینم یا هەی (هەروەسا بەروڤاژی ژی). وەکو هەڤپشك، ئەم ل بەر پەنجەرەکا گران و هەستیار و هندەك جاران ب ژان د گیانێن ئێك و دوو دا دروینینە خوار. پرسیار ئەوە ئەرێ ئەم دێ چەوا ئەوی باری و دەرفەتێ هەلگرین. عیسا دبێژیتە مە کا چەوا:
بۆچی تۆ زلكی د چاڤێ برایێ خۆ دا دبینی، لێ تو گاریتەی د چاڤێ خۆ دا نابینی؟ یان چەوا تۆ دشێی بێژییە برایێ خۆ: ‹بهێلە ئەز زلكی ژ چاڤێ تە بینمە دەرێ،› لێ ئەڤە گاریتە یێ د چاڤێ تە دا! هەی دووڕوی، ل پێشیێ گاریتەی ژ چاڤێ خۆ بینە دەرێ، هنگی دێ باش بینی كو زلكی ژ چاڤێ برایێ خۆ بینیە دەرێ. (مەتتا ٧: ٣-٥)
ئەرێ دێ هەڤژینیێن مە چەند د جیاواز بن ئەگەر ئەم ب سادەیی و رێکی ئەڤان هەر سێ ئایەتان بجهـ بینین؟ ئەم چەند پتر تەماشەی هەر پنیەکێ بکەین، هەیڤان یان سالان یان ژی دەهـ سالان، دێ بزەحمەتر بیت بشێین تۆمارێن خۆ ببینین. د نەپارێزیا هەڤژینیێ دا، گەلەك گرنگترە ئەم ئێك و دوو ب دەروونبچویکی روی ب روی هەڤ ببین و ئێك و دوو راستڤە بکەین، ب ئاشناییەکا بهێنفرەهـا شکەستن و گونەهێن مە و هیڤیەکا بهێز بۆ گوهوڕین و گەشەکرنێ.
٤. ئێك و دوو نەکوژن.
خوزیكێن ئاشتیخوازان، چنكو دێ بێژنە وان كوڕێن خودێ. (مەتتا ٥: ٩)
دبیت ئەم هوسا هزر بکەین کو بێرەوشتیا سێکسی پتریا هەڤژینیان ژ هەر گەفەکا دی ب دویماهیك ئیناینە، هەروەسا ب پشتراستی گەلەك یێن هەرشاندین و داعویراین. ئەز یێ مەندەهۆشم کا تۆڕەبوونا بێکونترول چەند پتر ب دویماهیك ئیناینە.
هەوە یا بهیستی كو یا گۆتیە خەلكێ بەرێ: ‹كوشتنێ نەكە و هەر كەسێ كوشتنێ بكەت، دێ هێتە حوكمكرن،› لێ ئەز دبێژمە هەوە: هەر كەسێ ژ برایێ خۆ تۆڕە ببیت، هەژی حوكمكرنێیە و هەر كەسێ برایێ خۆ بێڕێز بكەت، هەژیە ل بەر جڤاتا بلند بهێتە دادگەهكرن و هەر كەسێ بێژیت ‹هەی دەبەنگ!› هەژی ئاگرێ دۆزەخێیە. (مەتتا ٥: ٢١-٢٢)
عیسا چ دەرفەتا بۆ تۆڕەبوونا نەراستدار ناهێلیت، و ئەو وێ دئینیتە هەمبەری کوشتنێ. ئەرێ هێشتا ئەم چەند جاران د مالا خۆ دا دەرفەتێ بۆ دروست دکەین؟ ئەرێ چەند جاران مە هەست ب راستداریێ کریە دەمێ هەستێن مە یێن ئێشاندی د ناخێ مە دا سۆتینە؟ هەروەسا چەند جاران مە بەرسڤا تۆرەبوونا نەراستدار ب تۆڕەبوونەکا نەراستدارتر دایە؟ ب هەر رێکەکا هەبیت، تەختێ هەڤژینیا خۆ ژ دەهمەنپیسی و پورنوگرافیایێ بپارێزە، بەلێ هەروەسا ژ تۆڕەبوونا خۆ ب خۆ ژی بپارێزە.
تۆڕەبوونا خۆ بپارێزە، دەمێ ئاگرەك هەل دبیت، پێکۆلێ بکە ئاگری بڤەمرینە. نەروینە خوارێ و چ تشتان نەکەی. عیسا بەردەوام دبیت و دبێژیت:
ئەڤجا ئەگەر تە پێشكێشیێ خۆ ئینا قوربانگەهێ و ل وێرێ هاتە بیرا تە، كو برایێ تە تشتەكێ ل سەر تە هەی، پێشكێشیێ خۆ ل بەر قوربانگەهێ بهێلە و هەڕە برایێ خۆ ئاشت بكە و پاشی وەرە پێشكێشیێ خۆ بدە. (مەتتا ٥: ٢٣-٢٤)
هەڤژینیێن جیاواز دێ رێکارێن جیاواز بۆ ئاشتبوونێ هەبن، خالا گرنگ ئەوە کو تە ئێك هەبیت. ئەرێ ئاماژە ب بەردەوامی ب شاشیان د پەیوەندیا هەوە دا دهێتە دان، یان ژی نە؟ ئەرێ هوین ب حەزژیکرن ئێك و دوو راستڤە دکەن؟ ئەرێ تو یێ لەزگینی دانپێدانێ بکەی دەمێ تو یێ خەلەت یان دانپێدانێ بکەی دەمی تو شکەست بی؟ ئەرێ هوین هێشتا ب پێخۆشحالی ل ئێك و دوو دبوورن؟ ئەو جووتێن کو رێگریێ ل دانوستاندنێن ب زەحمەت دگرن هندەك خۆشترین چرکەیان د هەڤژینیێ دا ژ دەست ددەن.
٥. یێ دلخۆش بە کو ل ئێك و دوو ببورن.
خوزیكێن دلۆڤانان، چنكو دێ دلۆڤانی پێ هێتە برن. (مەتتا ٥: ٧)
چنکو هەر هەڤژینیەك ئێکبوونەکە د ناڤبەرا گونەهکاران دا، لێبوورین دێ بیتە مێهڤانێ مە یێ بەردەوام. دبیت زارۆك بهێن و بچن، دبیت کار بهێن و بچن، دبیت خانی بهێن و بچن، بەلێ پێدڤیاتیا ب لێبوورینێ دێ هەر مینیت. ئەڤجا ئەرێ لێبوورین دێ د مالا تە دا بیتە مێهڤانێ بخێرهاتی و بناڤودەنگ، یان ژی یێ نەبخێرهاتی و خەمبار؟
عیسا هۆشداریا مە دکەت، زەلام و ژنان ژی ب خۆڤە دگریت: “ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت، لێ ئەگەر هوین ل گونەهێن خەلكی نەبورن، بابێ هەوە ژی ل گونەهێن هەوە نابوریت” (مەتتا ٦: ١٤-١٥). ئەرێ هەر پەیوەندیەك دلخۆازیا مە بۆ لێبوورینێ تاقی دکەت، و د لێبوورینێ دا د خۆڕاگرتی بین، وەکی هەڤژینیێ؟ عیسا دبێژیت ئێك ب خواستەکا خۆ لێبوورینێ نەکەت ب گیانی یێ مریە. دلۆڤانی ل رەخەکێ دی ئارامی و دلخۆشیێ بەرهەم دئینیت: “خوزیکێن دلۆڤانان، چنکو دێ دلۆڤانی پێ هێتە برن.”
لێبوورین، هەروەسا ب هندەك رێکان هەمیێن دی ژی، د هەڤژینیێ دا یا ب بهایە. هەڤژینی پتر ژ وێ یا کو مە دڤێت دیار بکەین ژ مە ئاشکرا دکەت، هەروەسا مە بۆ ئێشانا پتر ئامادە دکەت ژ پتریا پەیوەندیان. هەروەسا پیدڤیە ئەم ل هەمان گونەهـ دووبارە و سێبارە و چواربارە ببوورین. یا باشە ل بیرا مە بیت کو ئەڤ حەزژێکرنە، هندەی هەر ئێکا دی ل سەر ئەردی، پێدڤیە وەکو خاچێ دیار بکەت (ئەفەسوس ٥: ٢٥)، ئەڤجا پێدڤیە ئەم مەندەهۆش نەبین کو هندەك جاران وەکو خاچێ هەست پێ بکەین. ب راستی، دبیت ئەو هەستە بەلگە بیت کو ئەم یێ تشتەکێ دروست ئەنجام ددەین.
٦. هەڤژینیا خۆ ب نڤێژێ بنخێڤە.
بخوازن، دێ بۆ هەوە هێتە دان. لێ بگەڕن، دێ بینن. دەرگەهی بقوتن، دێ بۆ هەوە هێتە ڤەكرن. (مەتتا ٧:٧)
نڤێژ هند یا بهێز و گرنگە ژ دەرڤەی هەڤژینیێ هەروەکو د ناڤا هەڤژینیێ دا. بەلێ ئەگەر مە هەڤژینی کربیت، چ تشتێن دی هەڤژینیا مە پتر وێنە ناکەن. ژ وان خەونێن مە هەین بچینە د حەفت سالێن دەستپێکێ یێن هەڤژینیی دا، ئەڤەیە یا کو ئەم پتر هەست ب بێچارەیێ دکەین داکو د حەفت سالێن خۆ یێن بهێت دا بچینین. ئەز شەیدایێ ئەڤان پەیڤانم: “دا براوەستین و نڤێژێ دەربارەی وێ بکەین،” داکو د مالا تە دا وەکو هەر ئێکا دی ئاسایی ببیت.
گەلەك هەڤژینی بێی کو پێدڤی بیت ئازارێ دکێشن چنکو ئەم رەت دکەین نڤێژێ بۆ بابێ خۆ یێ ل ئەسمانان بکەین یێ کو ل بەندا هەوارێن مەیە بۆ هاریکاریێ؟ ئەرێ ما ب راستی هەڤژینیا مە بۆ وی هوسا یا بزەحمەتە؟ “چنكو هەر كەسێ بخوازیت دێ وەرگریت و یێ لێ بگەڕیێت دێ بینیت و یێ دەرگەهی بقوتیت دێ بۆ وی هێتە ڤەكرن” (مەتتا ٧: ٧-٨).
ئەرێ وە ل هەڤژینیێ هاتیە کو هەست ب نەبەردەوامیێ بکەی؟ ئەرێ ئەو هیڤی ژ دەست دایە یاکو دێ هەمی تشت باشتر لێ هێن؟ ئەرێ تە ب بێدەنگی نڤێژکرن بۆ هەڤژینێ یان ژی هەڤژینا خۆ راوەستاندیە؟ ئەڤجا پەیڤا مەسیحی وەربگرە: بەردەوام پرسیار بکە، بەردەوام لێبگەرییە، بەردەوام دەرگەهی بقوتە. بابێ تە چ بەران نادەتە تە. ئەو چ دویپشکان نادەتە تە. “ئەڤجا ئەگەر هوینێن خراب دزانن دیاریێن باش بدەنە زاڕۆكێن خۆ، پا چەند مسۆگەرتر بابێ هەوە یێ ل ئەسمانان دێ تشتێن باش دەتە وان كەسێن ژێ دخوازن!” (مەتتا ٧: ١١).
٧. ل خودێ بگەرن بەری ل ئێك و دوو بگەرن.
خوزیكێن برسی و تێهنیێن راستداریێ، چنكو ئەو دێ هێنە تێركرن. (مەتتا ٥: ٦)
گەلەك هەڤژینێن هەڤژینیێ دهێلن چ ئاریشە نەدبوون ئەگەر رۆژەك یان دوو رۆژێن دی مابان، بەلێ ئەو نەشێن وێنە بکەن بۆ سیهـ یان چل سالێن دیتر بمینن. ئەڤەیە ب پشتراستی ئە جۆرێ هزرکرنێیە عیسای د فێرکرنێن خۆ ل سەر نیگەرانیێ بەرهەنگاری لێ کری:
یێ نیگەران نەبە، دبێژیت، “ئەڤجا خەمێ نەخۆن و بێژن: ‹ئەم دێ چ خۆین؟› یان ‹ئەم دێ چ ڤەخۆین؟› یان ‹ئەم دێ چ كەینە بەر خۆ؟›. مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی. ژ بەر ڤێ چەندێ خەما سوبەهی نەخۆن، چنكو سوبەهی دێ خەمێ ژ خۆ خۆت. دەردێن هەر رۆژەكێ تێرا وێ هەنە!” (مەتتا ٦: ٣١-٣٢، ٣٤)
ئەرێ تو هزر دکەی تو ژ هەر تشتەکێ هندی تو شیای د هەڤژینیێ دا بدەی و قوربان بکەی و خۆ رابگری وەستیای؟ ئەرێ هەستێ کو سوباهی دێ ژیانا هەڤژینیێ پێك ئینی د شیان دا نینە؟ دەربارەی سوباهی خەما نەخۆ. چاڤێن خۆ ئەڤرۆ ل سەر خودێ بدانە، ل سەر راستداری و پاشایەتی و سۆز و ژێدەرێن وی، هەروەسا دەهـ یان بیست یان پێنجی سالێن بهێن بۆ ب هیڤیا ویڤە بهێلە.
رامانا ئەڤێ چەندێ ئەو نینە کو هەڤژینیێن باش پاشەرۆژێ پشتگوهـ دهاڤێژن. زەلام ب تایبەتی بەرپرسیارەتیێ هەل دگرن کو بەرەڤ پێش بچن و پێشبینیا دەرفەتان و پێدڤیاتیان و مەترسیان بکەن وەکو هەر شڤانەکێ باش وە بکەت. هەڤژینیێن باش پێدڤی ب هزرکرنا پێشوەخت و پلاندانانێ هەیە. ئەرێ ما چ دی دشێت ئێکبوونا ب رامان و بەرهەمدار رابگریت و ب خودان بکەت؟ هەڤژینیێن دلسۆز پاشەرۆژێ پشتگوهـ ناهاڤێژن، بەلکو هەروەسا ئەو دەربارەی پاشەرۆژێ د نیگەران ژی نینن. ئەو دزانن کو ئەو نەپێدڤی ب تەمەنەکێ هێز و حەزژێکرنا هەڤژینیا ئەڤرۆنە، ئەو بتنێ پێدڤی هندێ هەنە کو تێرا ئێكشەمبا بهێت بکەت، و پاشی دووشەمبەکا دی، و پاشی سێشەمبەکا دی.
خودێ داخوازێ ژ مە ناکەت داکو پشیبینیا ئاریشێن خۆ یێن پاشەرۆژێ بکەین یان ژی هەلبگرین. ئەو داخوازێ ژ مە دکەت کو ئاریشێن ئەڤرۆ د کەرەم و هێزا ئەو بۆ ئەڤرۆکە دابین دکەت دا هەل بگرین. تەماشەی بالندەیێن هەوای بکە. تەماشەی سویسنێن مێرگ و چیمەنان بکە. ئەو دێ هەڤژینیا تە پارێزیت، و وێ بهێز ئێخیت، هەتا دێ هەڤژینیا تە جوان ژی کەت، وەکو هەر ئێك ژ هەوە پتر رۆناهیێ ددانیتە سەر لێگەریانا وی. “لێ هوین ل پێشیێ بزاڤێ بۆ پاشایەتیا خودێ و راستداریا وی بكەن، ئەڤە هەمی ژی بۆ هەوە دێ هێنە دان” (مەتتا ٦: ٣٣).
ئەرێ هەوە نهێنیا دروست یا هەڤژینیەکا ساخلەم و کەیفخۆش دڤێت؟ کلیلا دروست، چ ل سالا حەفتێ یان ژی سالا حەفتێیێ، ئەوە کو بەری و د سەر هەڤژینیێ را ل دویڤ عیسای بچن، کو بەری و د سەر هەڤپشکێ خۆ را ل دویڤ عیسای بچن. خۆزیکێن وان هەڤژین و هەڤژینان یێن کو برسی و تێهنیێن راستدارییێنە، چنکو ئەو دێ هێنە دلسۆزکرن و ب ئۆمێد و قایلکرن.
ئەڤ گۆتارە ژ ژێدەرەکی وەرگێرایە ل ڤیرێ
مارشال سیگال (@marshallsegal) نڤیسەری و رێڤەبەرێ سەرنڤێسینێ یە ل desiringGod.org. ئەو نڤیسەرێ Not Yet Married: The Pursuit of Joy in Singleness & Dating یە. ئەو ل کولیژ/سمینارا بێت لەحمێ دەرچوویە. ئەوی و هەڤژینا خۆ، فەی، دوو زارۆک یێن هەین و ل میناپۆلیس دژین.
