ئەی دەیك و بابان، داخوازا گوهداریێ ژ زارۆکێن خۆ بکەن
ئەز یێ ئەڤێ چەندێ دنڤێسم داکو هیڤی ژ دایك و بابێن مەسیحی بکەم کو داخوازا گوهداریێ ژ زارۆکێن خۆ بکەن. ئەز یێ هاتیمە پالدان کو بەحس ل ئەڤێ چەندێ بکەم ب تەماشەکرنا زارۆکێن گەنج، ئەوێن کو چ پویتەی نادەنە داخوازیێن دایك و بابێن خۆ ب چ ئەنجامێ هەبیت . دەیك و باب دوو یان سێ جارەکان دبێژنە زارۆکەکی برۆینە خوار یان ژی براوەستە یان وەرە یان هەڕە، هەروەسا پشتی سێیەمین نەگوهداری، ئەو ب کەنیڤە بەرتیلان ددەنە زارۆکی. ئەڤە ژی دبیت یان ژی نە ببیتە ئەگەرێ بدەستڤەئینانا رەفتارێن وان دڤێن.
حەفتیا بوورى من دوو تشت دیتن یێن کو بووینە ئەگەرێ ئەڤێ گۆتارێ. ئێك ژ وان کوشتنا ئاندی لۆپێزێ ١٣ سالی بوو ل سانتا رۆزا ل کالیفورنیا ژ ئالیێ پۆلیسان ڤە یێن کو هزر کری ئەو دێ ب تڤەنگەکێ تەقێ ل وان کەت. ئەو چەکەکێ یاریك بوو. ئەو تشتێ کو بوویە ئەگەرێ ڤێ چەندێ ئەو بوو کو پۆلیسان دوو سێ جاران گۆتە وی کوڕی چەکێ خۆ بدانە. بەلێ ل شوینا کو ئەو چەکێ خۆ بدانیت ئەوی بەرێ وێ دا وان. ئەوان ژی تەقە لێ کر.
ئەز هویراتیێن وێ رەوشێ نزانم یان ژی کا ئاندی های ژ وان فەرمانان ببوو یان نە. ئەڤجا ئەز نەشێم پشتراست بێژم ئەو یێ نەگوهدار بوو. لەوما مەبەستا من ل ڤێرێ دەربارەی لۆپێزێ گەنج نینە. بەلکو دەربارەی “پا ئەگەر”ەکێیە. پا ئەگەر ئەو های ژی پۆلیسان هەبا، و ب سادەیی بەرهەنگاریا یا وان گۆتی کر بیت؟ ئەگەر ئەڤە راست بیت، بهایێ وێ ژیانا وی بوو. ئەڤە بهایێ نەگوهداریکرنا دەستهەڵاتێیە.
تراژیدیەك د گەشەکرنێ دا
ئەز تەماشەڤانێ سیناریویەکێ بووم کو حەفتیا بوورى د فرۆکەکێ دا سەرهلدای. من دیت دەمێ دەیکەکێ کوڕێ خۆ داکو تەقە لێ بهێتە کرن ئامادە دکر.
ئەز ل پشت وێ و کوڕێ وێ یێ روینشتی بووم، یێ کو دبیت د ژیێ حەفت سالیێ دا بیت. ئەوی یاری ل سەر تابلێتا خۆ یا ئەلکترونی دکر. خزمەتکارا فرۆکێ راگەهاند کو پێدڤیە هەمی ئامیرێن ئەلکترۆنی بهێنە ڤەمراندن ژبەر کو دێ فرۆکە رابیت. ئەوی نەڤەمراند. دەیکێ داخواز ژێ نەکر. وەکو خزمەتکارا فرۆکێ د بەر را بوورى، وێ گۆت کو پێدڤیە ئەو بڤەمرینیت و بەردەوام بوو. ئەوی ئەڤ چەندە نەکر. دەیکێ داخواز ژێ نەکر.
بۆ جارا دویماهیکێ ژی خزمەتکارا فرۆکێ ل دەف وان راوەستیا و گۆت پێدڤیە ئەڤ کوڕە ئامیرێ خۆ بدەتە ڤ دەیکا خۆ. ئەوی ڤەمراند. دەمێ خزمەتکارا فرۆکێ ل جهێ خۆ روینشتیە خوار، کوڕی ئامیرێ خۆ هەلکرەڤە، و د ماوێ رابوونا فرۆکێ دا هێلا هەل. دەیکێ ژی چ نەکر. من بۆ خۆ دگۆت، ئەو یا راهێنانان ب وی دکەت دا کو ژ ئالیێ پۆلیسان ڤە تەقە لێ بهێتە کرن.
رزگاربوون ژ دەیك و بابێن مەژیهشک
ئەو دشێم د رەفتار و بێ خیرەتیا دەیك و بابێن بێباوەر بگەهم. من چینێن نڤیساران یێن هەین دەربارەی وی رەوشتێ کو ب گیانی د کورەنە. بەلێ بێخەمیا دەیك و بابێن مەسیحی من شەپرزە دکەت.
ئەرێ ئەگەرێ شکەستنا داخواز و وەرگرتنا گوهداریێ چیە؟ ئەز یێ پشت راست نینم. بەلێ دبیت ئەڤ هەر نەهـ خالە هاریکاریا دەیك و بابان بکەن ژ بێئاقلیا دەیك و بابینیێ رزگار ببن.
١. داخوازکرنا گوهداریا زارۆکان نیشانەکا د پێداویستیێن پەرتۆکا پیرۆز دا کو زارۆك گوهداریا دەیك و بابین خۆ بکەن.
“گەلی زاڕۆكان، ژ بەر خودانی گوهداریا دایك و بابێن خۆ بكەن، چنكو ئەڤ چەندە یا دروستە” (ئەفەسوس ٦: ١). نە یا بەرئاقلە کو خودێ داخواز ژ زارۆکان بکەت گوهداریا دەیك و بابان بکەن و داخوازێ ژ دەیك و بابان نەکەت کو داخوازا گوهداریێ ژ زارۆکێن خۆ بکەن. ئەو پارچەکە ژ کارێ مە، کو زارۆکان فێری مەزناهیا گیانەکێ دلخۆش و ملکەچ بکەین بۆ دەستهەڵاتێن خودێ ئامادە کرین. دەیك و باب پێشکیشیا خودێنە بۆ زارۆکێن بچویك، هەروەسا تشتەکێ مەزنە کو زارۆکان ل سەر پشتگوهـ هاڤێتنا فەرمانێن خودێ راهێنان بدەین.
٢. گوهداری پەیمانەکا نوی یا پۆلێنا مزگینیێیە
گوهداری نە بتنێ پؤلێنەکا “یاساییە.” ئەو پۆلێنەکا مزگینیێیە. پاولۆس دبێژیت کو ئارمانجا مزگینیا وی ئەڤە بوو “كو باوەریێ پێ بینن و گوهداریا وی بكەن” (رۆما ١: ٥). ئەوی گۆت “چنكو ئەز نەوێرم ل سەر تشتەكی بئاخڤم، ژبلی ئەوێن مەسیحی ب رێیا من ئەنجام داین، ژ بۆ بدەستڤەئینانا گوهداریا نەجوهیان بۆ خودێ، ب گۆتن و كریار” (رۆما ١٥: ١٨).
ئارمانجا پاولۆسی ئەو بوو کو “هەمی هزران دكەینە دیلێن گوهداریا مەسیحی” (٢ کورنتۆس ١٠: ٥). ئەوی ئەڤە کرە داخوازی ژ کەنیسەیان: “ئەگەر ئێك گوهداریا گۆتنێن مە یێن د ڤێ نامەیێ دا نەكەت، وی دەستنیشان بكەن و تێكهەلیێ ل گەل نەكەن، دا شەرمێ ژ خۆ بكەت” (٢ سالونیکی ٣: ١٤).
ئەو دەیك و بابێن زارۆکێن خۆ فێری گوهداریا دەستهەڵاتێن دەستنیشانکریێن خودێ نەکەن، ئەو وان ئامادە دکەن بۆ ژیانەکا دویر ژ پەیڤا خودێ، ژیانەکا دویر ژ وێ مزگینیا ئەوان دڤێت پشتراست بکەن.
٣. داخوازا گوهداریکرینێ ژ زارۆکان نە تشتەکێ رێتێنەچووییە.
یا خەمگینە تەماشەی دەیك و بابان بکەی هوسا رەفتارێ بکەن هەروەکو ئەو د بێچارە ب هەبوونا زارۆکێن نەگوهدار. خودێ داخواز دکەت زارۆك د گوهدار بن ژبەر کو نە تشتەکێ رێتێنەچووییە بۆ دەیك و بابان داخوازا گوهداریێ بکەن. هوسا دشێت نیشا زارۆکێن بچویك، یێن کو ل ژێر ئێك سال، بهێتە دان کا دەستێ خۆ نەکەنە چ و چ نەکەنە د دەڤێ خۆ دا و چ نەکێشن و تبلێن خۆ نەکە چ و تف نەکەن یان ژی دەربارەی چ نەکەنە قێژی. تۆ مەزنتری ژ وێ یا تۆ هزر دکەی. قەبارەیێ خۆ بکار بینە بۆ خۆشیێ قورتال بکەی، نە کو فێری خۆپەریسیێ بکەی.
٤. پێدڤیە داخوازیا گوهداریێ ل مال ل سەر تشتێن نەگرنگ بهێتە پرۆڤەکرن داکو ل جهێن گشتی ل سەر تشتێن گرنگ یا ب ساناهی بیت.
شرۆڤەکرنەك کا بۆچی زارۆك ل جهێن گشتی د گوهدار نینن ئەوە کو ل مال نەهاتینە فێرکرن ئەڤێ چەندێ ئەنجام بدەن. ئەگەرەك بۆ ئەڤێ چەندێ ئەوە کو گەلەك ل مال ژ هەژی وێ چەندێ نینن. یا ب ساناهیە ئەم ب خۆ ئەوێ چەندێ بکەین ل شوینا کو دەم و هێزا خۆ بمەزێخین ب وی تشتێ زارۆك ناخوازیت ئەنجام بدەت. بەلێ ئەڤ چەندە وێ نیشا زارۆکان ددەت کو گوهداری ل هەر جهەکی هەلبژارتنا وانایە و نەچاری نینە. بەردەوامیا داخوازا گوهداریێ ل مال دێ هاریکاریا زارۆکێن تە کەت کو ل جهێن گشتی د دلخۆش بن.
٥. داخوازا گوهداریکرنێ پێدڤی ب هەوڵ و تێکوشینێ هەیە، هەروەسا یا ژ هەژیە ژی.
ئەگەر تۆ بێژیە زارۆکەکی بمینە د ناڤ نڤینێن خۆ دا و ئەو هەر رابیتەڤە، گەلەك ب ساناهیترە بێژی هەڕە بنڤەڤە ل شوینا راببیتەڤە و سەرەدەریێ ل گەل نەگوهداریا وان بکەی. دەیك و باب د وەستیایینە. دلێ من یێ ب وان ڤە. پتر ژ چل ساڵان، من زارۆکێن د بن هەژدە ساڵیێ دا هەبوون. داخوازا گوهداریکرنێ پێدڤی ب هێزێ هەیە، چ ژ لایێ جەستەیی بیت یان ژی و ژ لایێ هەستان ڤە. گەلەك ب ساناهیترە بهێلی زارۆك وەکو وان دڤێت بکەن.
ئەرێ ئەنجام چنە؟ دەمێ تشتەکێ گرنگ بیت کونترۆل ل سەر زارۆکان ناهێتە کرن. ئەو یێن فێر بووین هەمی تشتان ئەنجام بدەن. دادێ یا بێهێزە و بابۆ ژی یێ لاوازە. ئەو دشێن بزانن دەمێ تۆ زێدە یێ تۆڕە. ئەڤجا ئەو بەرهەنگاریا پەیڤێن تە ب کێمترین شێواز دکەن. ئەڤ چەندە فێقیەکێ تڕش بۆ هەر کەسەکی دئینیت. بەلێ کارێ پێدڤی داکو ئێکسەر یێ راگرتی بی ل گەل هەر نەگوهداریەکێ فێقیەکێ شرین بۆ دەیك و باب و زارۆك و مرۆڤان دئینیت.
٦. تۆ دشێی ژکارکەفتنا فرەنڤشیێ ژ کار بێخی.
ئەگەرەکێ کو دەیك و باب ژبەر هندێ داخوازا پەروەردەکرنێ ناکەن ئەوە کو ئەوان چ جار نەدیتیە بجهـ هاتبیت. ئەو ژ مالەکێ هاتن کو دوو شێواز هەبوون: نەرێنی و تۆڕەبوون. ئەو دزانن ئەوان نەڤێت ب تۆڕەبوون دەیك و بابینیێ بکەن. پێگهوڕێ بتنێ وان دەربارەی دزانی نەرێنیە. دەنگوباسێ خۆش یێ هەی: ئەڤ چەندە دشێت بهێتە گوهوڕین. دەیك و باب دشێن ژ پەرتۆکا پیرۆز فێر ببن و ژ مرۆڤێن ئاقلمەند بزانن کا چ تشت نەیێ رێتێنەچووییە و فەرمان ب چ هاتیە دان و چ تشت یێ ئاقلمەندە و کا دێ چەوا ب گیانەکێ بهێنفرەهـ و بهێز و ڤیان و خۆجهـ د مزگینیێ دا ئەڤێ چەندێ ئەنجام دەن.
٧. دەیك و بابێن دلۆڤان بەرێ زارۆکێن خۆ ژ گوهداریا دەرەکی بدەنە خواستەکا دلخۆشکەر.
پێدڤیە زارۆك گوهداریێ بکەن بەری ئەو بشێن گوهداریا ب رێکا باوەریێ بجهـ بینن. دەمێ دبیتە دۆرا باوەریێ، گوهداریا کو ئەو ژ ترس و خەلات و رێزگرتنێ فێر بووین دێ بیتە دەربرینەکا سرۆشتییا باوەریێ. بێئاقلییە ئەگەر داخوازا گوهداریێ بەری باوەریێ بهێتە کرن. نەجهێ ڤیانێیە بۆ دەمێن دریژ. ئەو خەندەکێن تیتالێن نەگوهداریێ کویر دبڕیت یێن کو پێدڤیە باوەری وێ چەندێ نەچکلینیت، بەلکو ب سەر کەڤیت.
٨. ئەو زارۆکێن دەیك و بابێن وان داخوازا گوهداریێ ژی دکەن، د کەیف خۆشترن.
دەیك و بابینیا بێ داخوازی زارۆکێن دلۆڤان و دەروونبچویك بەرهەم نائینیت. ئەو خرابکاران بەرهەم دئینیت. ئەو نەجهێ دلخۆشیێنە کو ل دەوروبەرێن وان بی، نە ژی د کەیف خۆشن. ئەو ب داخوازی و بێشەرمن. “ئازادیا” وان نە بۆ وان بەرەکەتە نە ژی بۆ مرۆڤان. ئەو هوسا د ئازادن کا چەوا گەمیەكا بێ ئاراستە یا ئازادە. ئەو قوربانێن بایێ سەرێ خۆنە. چ زوی یان درەنگی، ئەڤ بایێ سەرێ وان دێ ل خاچ هێتە دان. ئەو دبیتە ئەگەرێ پەریشانیێ. یان ژی تا وی ڕادی دبیتە ئەگەرێ رویبرویبوونەکا کۆژەك ل گەل پۆلیسان.
٩. داخوازکرنا گوهداریێ وەکو داخوازکرنا تەمامیێ نینە.
ژبەر کو دەیك و باب پێشکێشا خودێ بۆ زارۆکان دکەن، ب تایبەتی بەری ئەو بشێن خودێ ب رێکا باوەریا ب مزگینیێ بنیاسن، ئەو دادپەروەری و دلۆڤانیێ هەردووکان نیشا وان ددەین. نەهەر نەگوهداریەك پێدڤی ب سزادانێیە. هندەك ژ وان جهێ سەرنجکێشان و لcمەکرن و پشتگوهـ هاڤێتنێنە. چ کەتەلوکێن تایبەت بۆ ئەڤێ تێکەلیێ نینن. پێدڤیە زارۆك ژ دەیك و بابینیا مە فێر ببن کو خودایێ مزگینیێ ئاگرەکێ خۆرەکە (عیبرانی ١٢: ٧، ٢٩) هەروەسا کو ئەو یێ بهێنفرەهـە و زویکا تۆڕە نابیت ژی (١ تیموتاوس ١: ١٦). د هەردووك رەوشان دا، د پەروەردەکرن و بهێنفرەهیێ دا، ئارمانج گوهداریەکا لەزگین و دلخۆشکەر و بێ قوسیریە. ئەڤەیە یا کو نیاسینا خودێ ب رێکا مەسیحی بەرهەم دئینیت.
گەلی دەیك و بابان، هوین دشێن ئەڤێ چەندێ ئەنجام بدەن. وەرزەکێ بزەحمەتە. من پتر ژ ٦٠ ژ سەدێ ژ ژیانا خۆ ب هندێ ڤە بو,راندیە. بەلێ کەرەمەکا خودایی ژ بۆ ئەڤێ چەندێ هەیە و تو دێ ب مشەیی هێیە خەلاتکرن.
ئەڤ گۆتارە ژ ژێدەرەکی وەرگێرایە ل ڤیرێ
