ئەرێ کەنیسەیا ناڤخۆیی چیە؟
کەنیسەیا ناڤخۆیی گرۆپەکێ مەسیحیانە یێن کو ب شێوازەکێ رێکخستی ب ناڤێ مەسیحی کوم دبن داکو ب فەرمی پشتراستی و چاڤدێریا ئەندامیا ئێکودوو د عیسایێ مەسیح و پاشایەتیا وی دا ب رێکا فێرکرنا مزگینیێ و فەرمانێن مزگینیێ (تافیرکرن و شیڤا خودانی) بکەن . ئەڤە پیچەکێ یا بزەحمەتە ئەز دزانم، بەلێ تێبینیا ئەڤان پێنج خالان ئەڤێ پێناسە بکە:
- گرۆپەکێ مەسیحیان؛
- کومبوون ب شێوازەکێ رێکخستی؛
- جڤاتەکا بەرفەرەها کریارا پشتراستی و چاڤدێریێ یە؛
- مەبەستا وێ ب فەرمی پێشکێشکرنا مەسیحی و ئەرکێ وی یە ل سەر ئەردی، ئەو ب ناڤێ وی کوم دبن؛
- بکارئینانا فێرکرن و فەرمانان (تافیرکرن و شیڤا خودانی) بۆ ئەڤان مەبەستان.
هەروەکو کا چەوا راگەهاندنا قەشەیەکی زەڵامەکی و ئافرەتەکێ دکەتە هەڤژین، ئاها هوسا ئەو هەرچوار خالە گرۆپەکێ ئاسایێ مەسیحیانە کو دەمێ خۆ پێگڤە ل پارکەکێ بلەز دبەنەسەر! دکەتە کەنیسەیەکا ناڤخۆیی.
کۆمبوون ژ بەر چه ند ئەگەران یا گرنگە. ئێك ژ وان ئەوە دەمێ ئەم مەسیحی “دچینە جهەکێ گشتی” داکو دلسۆزیا خۆیا بەرز رابگەهینین. بنگەهەك یان ژی مینا كۆنسولخانه کو روویەکێ گشتیێ نوی ددەتە مللەتێ مەیێ داهاتی. هەروەسا ئەوە دەمێ ئەم ل بەرامبەر پاشایێ خۆ خۆ ب چه‌مینین، بتنێ ئەم دبێژینێ پەرستن. دبیت فیرعەونێن جیهانێ دژی مە رابن، بەلێ خودێ گەلێ خۆ ژ ناڤ مللەتان رادکەت داکو پەرستنا وی بکەن. ئەو دێ جڤاتا خۆیا بهێز دامەزرینیت.
هەروەسا کۆمبوون ئەو جهە یێ کو پاشایێ مە دەستهەڵاتا خۆ جێبەجێ دکەت ب رێکا فێرکرنێ و فەرمانان (تافیرکرن و شیڤا خودانی) و رێکاران. گۆتارا مزگینیێ دەستوورێ مللەتێ مە شرۆڤە دکەت. ئەو ناڤێ پاشایێ مە رادگەهینیت و وێ قوربانیا وی دای داکو ببیتە پاشایێ مە شرۆڤە دکەت. ئەو مە فێری رێکێن وی دکەت و بەرهەنگاریا مە دکەت د نەگوهداریکرنا مە دا. هەروەسا مە ژ ڤەگەریانا وی یا نێزیك پشتراست دکەت.
ب رێکا تافیرکرن و شیڤا خودانی کەنیسە مە بەرچاڤ دکەت. کو بهێیە تافیرکرن ئەوە کو خۆ ل گەل ناڤێ بابی و کوڕی و گیانێ پیرۆز بدەینە نیاسین، هەروەسا مللەتێ خۆ ل گەل مرن و ڕابوونا مەسیحی بدەینە نیاسین (مەتتا ٢٨: ١٩؛ رۆما ٦: ٣-٥). داکو شیڤا خودانی وەربگرین ئەوە کو مرنا وی و ئەنداماتیا مە د لەشێ وی دا رابگەهینین (١کورنتۆس ١١: ٢٦-٢٩؛ مەتتا ٢٦: ٢٦-٢٩). خودێ دڤێت گەلێ وی بهێتە نیاسین و جوداکرن. ئەوی دڤێت هێلەك د ناڤبەرا کەنیسێ و جیهانێ دا هەبیت.
ئەرێ کەنیسەیا ناڤخۆیی چیە؟ ئەو سازیە یاکو مەسیحی چیکری و رێ پێ هاتیە دان کو مزگینیا پاشایەتیێ رابگەهینن و شارەزایێن مزگینیێ پشتراست بکەت و چاڤدیریا شاگردیا وان بکەت و سه ختەکاران نیشان بدەت. ئەڤە هەمی وێ رامانێ ددەت کو ئەم بەشداری کەنیسەیان نابین هەروەکو ئەم بەشداری یانەیان دبین، ئەم ملکەچی وان دبین.
ئەڤ گۆتارە ژ ئەندامبوونا کەنیسەیێ هاتیە وەرگرتن: چەوا جیهان دزانیت کی عیسای پێشکێش دکەت (رێکا جیاواز).
