ئەرێ هندەك ژ گرنگترین خالێن کو شیڤانەک د ڕاهێنانێ دا فێر ببیت چنە؟

• پەرتووکا پیرۆز. ئەرکێ پیشەکیێ شیڤانەکی ئەوە کو پەیڤێ رابگەهینیت (٢ تیموتاوس ٤: ٢). دڤێت ئەرکێ پیشەنگێ شیڤانی د راهێنانێ دا ئەو بیت کو پەیڤێ بخوینیت.

• پیرۆزی. وەسفێن بنگەهین بۆ شیڤانی وەسفێن رەوشتی و گیانینە (١ تیموتاوس ٣: ٢-٧). پێدڤیە شیڤانە ب نموونەیا خۆ شڤانیێ ل خەلکێ خۆ بکەت  (١ پەترۆس ٥: ٣). لەوما پێدڤیە زەلامەكێ کو چاڤدێریا خزمەتێ دکەت ب خەمخوری ل دویڤ پیرۆزیا خۆراگر و بدەستڤەهاتی بگەریێت.

• دەروونبچویکی. داکو شڤانیێ ل پەزێ خودێ بکەت پێدڤیە ل دویڤ نموونەیا عیسای د خزمەتکرنێ دا بکەت، ل شوینا خزمەتا خۆ بهێتە کرن (مەرقوس ١٠: ٤٥). پێدڤیە دەروونبچویکی ببیتە خالەکا تایبەتا شڤانێ ل ژێر چاڤدێریا شڤانەکێ مەزنتر یا پەزێ خودێ.

• چەوا فێرکرنێ بکەین. ژبەر کو فێرکرن کارێ سەرەکیێ قەشەیەکیە، پێدڤیە قەشەیێ ل ژێر ڕاهێنانێ ب دویڤ هەر دەرفەتەکا مومکن بگەریێت داکو فێرکرنێ بکەت. هەروەسا پێدڤیە ئەو داخوازا رەخنە و شێرەتا قەشەیێن شەهرەزا بکەت.

• چەوا شاگردیێ بکەین. داکو ببیە قەشە، پێدڤیە زەلامەك ب خۆ بزانیت کا چەوا ئاموژگاری و هاندان و شیرەتکاری و ئارامکاری و گلەیی و گازندەیا هەڤالێن خۆیێن مەسیحی بکەت. نەبتنێ ئەو ژی، بەلکو داکو خۆ ب تنێ ب قەشە ژی بزانیت پێدڤیە ئەوی تۆمارا تاکەکەسی یا ئەنجامدانا کریارێن گیانی ب ئەڤان رێکان هەبیت.

• ئەرێ پەرتووکا پیرۆز دەربارەی کەنیسەیێ چ دبێژیت. هنارتی پاولۆس دەمێ هاتیە کورنتۆسێ دبێژیت، ئەوی بنیاتەك وەکو هوستایەکێ شارەزا دانا (١ کورنتۆس ٣: ١٠). داکو ب باشی ئاڤاکرنێ ئەنجام بدەت، پێدڤیە قەشە بزانیت کا ئەو چ ئاڤا دکەت. لەوما پێدڤیە قەشەیەکێ ل ژێر ڕاهێنانێ ب خۆڕاگری کونەخشێت خودێ یێن بۆ کەنیسێ بخۆینیت یێن کو وی د پەیڤا خۆ دا داین.

• چەوا سەرەدەریێ ل گەل رەخنە و هاندان و مەلاقیان بکەین. قەشە دێ هەرسێیان وەرگریت. پێدڤیە ئەو بزانیت کا چەوا ب دەروونبچویکی وەربگریت و مفای ژ رەخنێ وەربگریت و ب سوپاسداری هاندانێ وەرگریت و مفاژ ژ وێ ژی وەربگریت و ب ئاقلمەندی ژ مەلاقیان دویر بکەڤیت.

• بهێنفرەهی. گەلەك جاران ئەو زەلامێن گەنجێن کو راهێنانێ بۆ خزمەتێ دکەن رێژەیەکا مەزنا بهێنفرەهیێ نینە. ئەڤە ئاریشەیە، ژبەر کو خزمەتا قەشایەتیێ پێدڤی ب ئاستەکێ بلندە. پێدڤیە قەشەیێن ل ژێر ڕاهێنانێ نڤێژێ بۆ بهێنفرەهی و چاندنا بهێنفرەهی و فێربوونا ژ قەشەیێن شارەزا یێن کو خزمەتا هەمان خەلك ب شەڤ و رۆژ دکەن، بکەن.

ئەڤ گۆتارە ژ ژێدەرەکی وەرگێرایە ل ڤیرێ