ئەرێ مەسیحی دشێن هەڤژینیێ ل گەل نەمەسیحیان پێك بینن؟ خودێنیاسیەکا پەرتووکا پیرۆز

“هەستەکێ گەلەك، گەلەك دروستە. ئەرێ دێ چەوا خەلەت بیت؟”

 ئەڤ پەیڤە ژ لایێ بێن وێسمەنڤە یێن هاتینە نڤێسین داکو ژ لایێ ئەلڤێس پرێسلیڤە بهێنە ستراندن، بەلێ من ب جوڕێن جیاواز یێن ژ لایێ مەسیحیێن زگوردڤە (یێن کو ژیانا هەڤژینیێ پێك نەئینای) گو‌هـ لێ بووی کو دەست ب گرێدانەکا رومانسی ل گەل نەمەسیحیەکی/ێ  دکەن. 

ئەڤە ژی گەلەك جاران ب رێکا پێلەکا کومێنتێن دی دهێتە پشتگیریکرن: 

“من هزر دکر کو پەرتووکا پیرۆز دبێژیت کو پێدڤی ناکەت ئەز ب نەیەکسانی ل گەل بێباوەران بهێمە گرێدان، بەلێ ئەز چووم و من د تێکستی دا تەماشەی کۆرنتوس ٦ کر و ب ئێکجاری هوسا دیار نەدکر کو بەحسێ هەڤژینیێ دکەت، بەلێ ل شوینێ بەحس دکر کا چەوا مەسیحی ژ نەمەسیحیان د کەنیسەیێ دا د ژێك جودانە. پاشی من پێکوڵ کر کو ئێك ئایەت بتنێ ببینم یاکو دبێژیت کو ناچێبیت مەسیحیەك ژیانا هەڤژینیێ ل گەل نەمەسیحیەکی پێك بینیت و نەشیام ئێك ئایەتا ب ئەوی رەنگی ببینم. من ل گەل وان مەسیحیێن باوەریا من پێ دهات ئاخفت و ئەو ژی نەشیان  چ ئایەتان ببینن، خۆ ئێکا بتنێ ژی! ئەڤجا، ئەز بێژم ئەز یێ خەلەت بووم، و ئەز یێ ئازادم پەیوەندیەکا هوسا هەمبێز بکەم. هەرچەوا بیت، ئەو گەلەك ب مزگینیێ یێ/ا داخبار بوو و گۆتە من کو باوەریا من تشتەکێ سەرنجراکێشە و چجارا نەڤێت ئەوی تشتی بگوهوڕیت. ب راستی ئەز هزر دکەم ئەو دێ پتر پالپشتیا باوەریا من ژ گەلەك مەسیحیێن دی کەت.”

هندەك دلکێشی بۆ گەلەك زگوردان، بۆ نموونە بەرخوەدانا بەرێخودانا فلمێن رویس (پۆرنوگرافی)، ب وی شێوازی هاتینە وێنەکرن کو مەسیحی دزانن ئەو دخەلەتن، ئەڤجا ئاریشە دێ ئەو بیت، د تۆمەتباریا وان دا، ئەو دێ نهێنی مینن، ئاریشە زانینا کرنا گونەهێ نینە، بەلکو ئاریشە پروسەیا هێواش و ئازارکێشا توبەکرنێیە. 

بەلێ دلڕاکێشیا کو ب شێوازەکێ رومانتیکی ل گەل نەمەسیحیەکی/ێ تێکەلدار بی بشێوازەكێ دی دهێتە چارچوڤەکرن. خەلك هەوڵان نادەن بڤەشێرن، بەلێ ل شوینێ پێکول دکەن راستدار دەر بئێخن، ل دەستپێکێ بۆ خۆ ب خۆ و پاشی بۆ مەسیحیێن دی یێن کو هەوڵ ددەن هوشداریا وان ژ وێ رێکا ئەو تێرا دچن، بکەن. ئەگەر هزر بکەن دروستە، پاشی دچن و تەماشەی پەرتووکا پیرۆز دکەن داکو بسەڵمینن کو دروستە.

د ئەڤێ گۆتارێ دا، ئەز چ پێکولا ناکەم کو رێکەکێ بۆ شیرەتکرنا وان کەسێن روی ب روی ئەڤێ دلڕاکێشیێ دبن، پێشکێش بکەم. گۆتارەکا ب ڤی شێوەی دێ وێنەیەکێ روهنتر نیشان دەت کا هەڤژینی یا چەوایە: دانا بریاران دەربارەی پیشەی و ل کیڤە ژیان و چەوانیا مەزاختنا پارەی و چەوانیا مەزنکرنا زارۆکان و هتد. ئەڤ تشتە هەمی دێ خرڤەبن دەمێ تۆ و هەڤژینا/ێ تە بۆ تشتێن جودا دژین. داکو ئەوان تشتان باشتر بزانن، ئەڤێ گۆتارێ ل پێش چاڤ وەربگرە. بەری هەرتشتەکی، شیرەتکاریەکا ب ئەڤی رەنگی دێ تاقیکرنا هاندانێ و دووبارە تاقیکرنا راستگۆییاتی و چاکیا خودێ یێ کو گازی مە ناکەت داکو د پەرستنا مە دا بۆ وی پێك بهێین، بەلکو داکو باوەریێ پێ بینین. 

ل شوینێ، ئەز دێ کورتیەکێ ژ خودێنیاسیا پەرتووکا پیرۆز دەربارەی ژڤانیا نەباوەرداران پێشکێش کەم. من دڤێت وێ چەندێ رابگەهینم کو مەسەلەیا گوهداریکرنا خودێیە کو نەکەڤیە د پەیوەندیەکێ دا ل گەل نەباوەردارەکی/ێ. ئەز دێ پێکولێ کەم وەسا روهن کەم کا چەوا دهێتە هەستپێکرن، ئەو هەستە دلڕاکێشینە بۆ وان تشتێن خودێ ب خەلەتی ب ناڤ کرین؛ ئەو هەستە ژ لایێ خودێڤە نەهاتینە پەسەندکرن. 

ئەگەر کەسەکێ لۆژیکی کو ب شێوازەکێ رومانتیکی تێکەلداری بێباوەرەکی/ێ نەبیت ل دویڤ هندەك تێكستێن سەڵماندی یێن ژ چارچۆڤەیێ تێکستێ (کونتێکست) وان ئیناینە دەر بیت، ئەڤجا ئەز گەلەك یێ پشتراستم کو ئەو چەندە دشێت ب هندەك خولەکێن تەماشەکرنا جووتەکێ چاڤان و هندەك بالکێشیێ و خۆشیا پەیوەندیەکا دومدرێژ ژی بهێتە لادان. 

هەروەسا سەرهاتیا من یا ب ئازارە ژی دەمێ بنگەهەکێ لاواز ل دویڤ رازیبوونەکێ ل دەستپێکا پەیوەندیەکێ دهێتە لادان، نابیتە دەمێ وێ چەندێ دەمێ کەسەکێ د رەوشەکا باش دا ب شێوازەکێ هایدارتر فێرکرنێن پەرتووکا پیرۆز تاقی بکەت و بنگەهەکێ بهێزێ پەرتووکا پیرۆز ئاڤا بکەت.

کورتیەکا خودێنیاسیا پەرتووکا پیرۆز

هیڤیا من ئەوە کو ئەڤ گۆتارە ببیتە هاریکاریەك بۆ ئەوان کەسێن د هەمان رەوش دا، بەلێ پتر بۆ ئەوان مەسیحیێن کو گەلەك بەری ئەو دلڕاکێشیە سەرهلدەن، پێدڤی بن بریارەکا بهێز بدەن کو تێکەلداری پەیوەندیەکا رومانتیکی ل گەل بێباوەرەکی نەبن. 

هەروەسا داکو روهنتر بیت: تێكەلداربوونا پەیوەندیەکا رومانتیکی گەلەك جاران روی ددەت دەمێ گەلەك دەم ل گەل رەگەزێ بەرامبەر ب تنێ دهێتە بوراندن. نە ژمێژە بوو دەمێ من دانوستاندەك ل گەل هەڤالەکێ خۆشتڤی کری یێ کو گۆتی من چجاران ئەو پلانە نەبوو تێکەلداری پەیوەندیەکا رومانتیکی بم ل گەل کەسەکا دی. بەلێ ئەوی گەلەك گەلەك دەم ب تنێ ل گەل ئەوێ هەتا پشتی نیڤا شەڤێ بوراند بۆ ماوێ چەند حەفتیەکان. 

ئەگەر تە نەڤێت بکەڤیە داڤێن کەسەکێ/ا دی، گەلەك دەمی بتنێ ل گەل نەبورینە. ئەگەر تە گەلەك دەرفەتێن مزگینیدانێ یێن باش ل گەل کەسەکی ژ رەگەزێ دی هەبن، ئەوان بۆ هندەك مەسیحیێن خودێنیاسێن هەمان رەگەز بدە نیاسین. ئەگەر ئەو گەلەك گرێدای مزگینیێ بن، ئەو دێ هەر هوسا د کەیفخۆش بن ژ وان گوهـ لێ ببن وەکو ژ تە گوهـ لێ دبن. ئەگەر خودانی دڤێت تۆ ژیانا هەڤژینیێ پێك بینی، ئەوێ بۆ تە روهن و ئاشکەرا کەت کو ئاساییە بکەڤیە د پەیوەندیەکا هوسا دا ب رێکا هاتنا وان بۆ ناڤا باوەریێ دا!

د سەر هندێ را، سەلماندنەکا تێکستی بۆ رێپێنەدانا ژڤانیا نەمەسیحیەکی/ێ تشتەکێ سەیرە پێشبینی بکەی بۆ چەند ئەگەرەکان. 

ئێکەمین ئەگەر ئەوە ژڤانی وەکو ئەم تێ دگەهین د دەمێن پەرتووکا پیرۆز دا روی نەدان. دووەمین ئەگەر ئەوە “ئەرێ هەڤژینیێ ل گەل کێ پێك بینم؟” تشتەکە دا هەمی خودێنیاسیا پەرتووکا پیرۆز دەربارەی کا هەڤژینی چیە هشك کەت، ل شوینا کو ئایاتەکێ یان ژی دوو ژ یاسایان. 

ئەڤە باوەریا منە کو ئەگەر یا رێپێدای نەبیت مەسیحیەك هەڤژینیێ ل گەل نەمەسیحیەکی/ێ پێك بینیت، هوسا دیار دبیت کو گەلەك نەیا دروستە بکەڤیە داڤێن نەمەسیحیەکی ژی. ئەگەر تۆ نەشێی ژیانا هەڤژینیێ ل گەل پێك بینی بێی کو مەسیحیبوونەکا سەرسرۆشتی کو ژ لایێ گیانێ پیرۆزڤە د دلێ وان دا دروست ببیت، ل سەر وێ چەندا تە چ کونترول ل سەر نینن، ئەڤجا دێ گەلەك یا بێئاقلانە و ستەمکار بیت تۆ هزر د هەڤژینیەکا ب ئەڤی شێوازی بکەی هەر ژ دەستپێکێ. 

نوکە ژی من دڤێت نیشان بدەم کا چەوا پەرتووکا پیرۆز ب شێوازەکێ روهن و ئاشکەرا ددەتە دیار کرن کو گونەهکاریە باوەردارەك ژیانا هەڤژینیێ ل گەل بێباوەرەکی/ێ پێك بینیت. 

١) دەستپێکرن ١: هەڤژینی دیارکرنا وێنەیێ خودێیە ب رێکا گوهداریکرنا فەرمانێن خودێ بۆ بەرهەمدان و دەستهەڵاتکرنێ.

د دەستپێکرن ١: ٢٦-٢٨ دا، خودێ هەڤژینی هوسا وێنە کریە داکو ببیتە هەڤپشکیەك د دەستهەڵاتکرنا ئافراندنێ دا ل ژێر دەستهەڵاتا وی. ئەگەر ئەم ئەڤێ چەندێ قەبویل نەکەین کو ئەم ل ژێر دەستهەڵاتا خودێ دەستهەڵاتێ دکەین، هوسا ئەم یێن ل ژێر دەستهەڵاتا پووتەکی (سەنەم) یان ژی زنجیرەکا پووتان دەستهەڵاتێ دکەین.

ب کردار ئاخفتن، ئەڤ چەندە کاریگەریێ ل هەر بریارەکا تۆ وەکو دوو هەڤژین ددەی، دکەت. بۆ نموونە، ئەرێ تۆ چەوا بریار ددەی ل هەر خالەکێ د ژیانا خۆ دا چ ئەنجام بدەی؟ ئەرێ پێدڤیە تۆ:

١) وێ چەندێ بکەی یاکو خودانی رازی دکەت؟

٢) وێ چەندێ بکەی یاکو تە ب خۆ رازی دکەت؟ 

٣) وێ چەندێ بکەی یاکو یێن دی رازی دکەت؟ 

بۆ مەسیحیان ژمارە ١ د سەر ژمارە ٢ و ٣ێ دکەڤیت. بۆ نەمەسیحیان بتنێ ژمارە ٢ و ٣ێ یێن هەین. 

٢) دەستپێکرن ٢: هەڤژینی هەڤپشکیە ژ ئەنجامدانا ئەرکێ خودێ دا. 

دەستپێکرن ٢ ئەڤێ چەندێ روهنتر لێ دکەت. دەستپێکرن ٢: ١٥-١٧ دیار کەت کا چەوا ئادەم پێغەمبەر و قەشە و پاشایە د پاشایەتیا باخچەی دا ل وی جهێ کو خودێ ئەو دانایە وێرێ داکو دەستهەلاتێ د زنجیرەیا پاشایەتیا بێدویماهیکا خودێ دا بکەت (ب رێکا دوو داران هێماکریە: بەرەکەت و ژیان بۆ ژیانا ل ژێر دەستهەڵاتا وی؛ نەفرەت و مرن بۆ رەتکرنا دەستهەڵاتا وی). یا مای ژ ئەڤی بەشی پێزانینا دەربارەی کا چەوا ئادەم یێ نەشیاندار بوو ژ جێبەجێکرنا گازیا خۆ کو ببیتە پێغەمبەر و قەشە و پاشا بتنێ، ددەت. ئەو یێ پێدڤی هاریکارەکا گونجایە داکو بشێت ئەوێ چەندێ ئەنجام بدەت، ئەڤجا حەوا هاتە دابینکرن داکو پێگڤە ئەو گازیا خودی ژ بۆ ئینانا روومەتێ بۆ ناڤێ وی ل ژێر دەستهەڵاتا وی ئەنجام بدەن.

لەوما هەڤژینی هەڤپشکیە. “نەیا باشە بۆ زەڵامی یێ بتنێ بیت” نەیا دروستە ژبەرکو بتنێ زەلام یێ بتنێ یە: یا دروستە چنکو ئەو تێرا هندێ نینە، هەتا بەری کەفتنێ ژی. 

خودێ زەلام نەئافراند داکو تێرا هندێ بکەت گازیا وی بۆ وێنەکرنا خودێ ئەنجام بدەت. ئەوی زەلام و ئافرەت د پەیوەندیەکێ دا ئافراندن داکو ئەوێ چەندێ ئەنجام بدەن. زەڵام و ئافرەتێن زوگۆرد ژی دشێن ئەوێ چەندێ ئەنجام بدەن، بتایبەتی د پەیوەندیا ل گەل کەنیسەیێ دا ل ژێر حەزژێکرنا مەسیحی، جێبەجێکرنا هەڤژینیێ. 

ئەڤجا د هەڤژینیەکا مەسیحین دا، هەڤژینی هەڤپشکیە ل گەل مزگینیێ. بەروڤاژی، هەڤژینی ل گەل نەمەسیحیەکی هەڤژینیێ دکەتە هەڤپشکیەك ل گەل تشتەکێ دی. 

ئەرێ بوچی دێ مەسیحیەك هەلبژێریت بچیتە د ناڤا هەڤپشکیەکا هوسا دا؟ 

٣) دەستپێکرن ٣: هەڤژینی ب رێکا گونەهێ زەرەرمەند دبیت.

دەستپێکرن ٣ نیشا مە دەت کا چەوا هەڤژینی ب رێکا گونەهێ بێسەروبەر دبیت. ئادەم و حەوا ژ رویساتیێ و بێشەرمیێ بەرەڤ ڤەشارتنا ژ ئێك و دووڤە دچن.
د نەفرەتێ دا، خودێ رادگەهینیت کو هەڤژینیا پشتی کەفتنێ جەنگەکێ خواستەکا ئێکێ گونەهکارە ب دژی یێ دی: 

حەزا تە دێ دژی حەزا مێرێ تە بیت، 

و ئەو دێ ل سەر تە یێ زاڵ بیت. (دەستپێکرن. ٣: ١٦) 

ڕامانا ئەڤێ چەندێ ئەوە هەمی هەڤژینی دێ بزەحمەت بن. بەلێ د هەڤژینیەکا مەسیحی دا، هەڤژینان دێ دەرفەت هەبیت گازی ئێك و دوو بکەن کو خواستەکێن گونەهکارێن ئێکی ملکەچی خواستەکا تەماما خودێ بکەن. دەمێ هەڤژینیێ ل گەل نەمەسیحیەکی دکەی، تۆ ئەوێ بەرەکەتێ ژ دەست ددەی یاکو هەبوونا هەڤژینەکی/ێ یێ کو گازی تە دکەت داکو خواستەکا خۆ ملکەچی مەسیحی بکەی، هەروەسا ل شوینا هەبوونا هەڤژینەکێ/ا چ حەز نەبن بهێتە گازیکرن کو خواستەکا خۆ ملکەچی مەسیحی بکەت.

٤) پەیمانا کەڤن هوشداریێ ژ هەڤژینیا بێباوەران ددەت. 

د یا مای دا ژ پەرتووکا دەستپێکرن، ئەم دبینین کو رەنج و خەباتەکا مەزن هاتیەکرن داکو پشتراست بکەت کو گەلێ خودێ بتنێ دێ هەڤژینیێ ل گەل وان پێك ئینن یێن کو باوەری ب خودانی هەی.

د دەستپێکرن ٢٤ دا، ئەم دبینین کو خەباتا مەزنا ئیبراهیمی، ل گەل بەرسڤدانا مەندەهوشا خودێ بۆ نڤێژێ، بۆ هندێ بوو کو پشتراست بکەت کو کوڕێ وی ئیسحاق هەڤژینیێ ل گەل رەبەکایا باوەردار پێك بینیت. 

د دەستپێکرن ٢٧: ٤٦-٢٨: ٩ دا، ئەم بێزاریا رەبەکایێ و ئیسحاقی دەربارەی هەڤژینیا کوڕێ وان ل گەل کچێن کەنعانی و حیتیان دبینین. ئەڤە نە رەگەزپەرێسیە: ئەو خودێناسیە. 

د دەستپێکرن ٣٤: ٨-٩ دا حەمۆر کوڕێن یەعقوبی داخواز دکەت داکو خزماینیێ ل گەل کچێن شەخەمی (باژاروکەکێ کو کەسایەتیا خۆ سەلماندی د خراب رەفتارکرنێ دا ل گەل دینایایێ). کو خزماینیێ ل گەل کچێن ئەڤی باژاروکی بکەن ل شوینا خۆ ژ جوڕەکێ هوسا یێ پیساتیێ دویر بکەن دابیتە دویماهیك چارەسەری؛ ئەڤ چەندە دا گەلێ خودێ ژ ئێکەم نفش وێران کەت. 

د داگیرکرنا کەنعانێ دا، خودانی قەدەغەکرنەکا تۆند ب دژی خزماینیێ دا: 

خزماینیێ ل گەل نەكەن و كچێن خۆ نەدەنە كوڕێن وان و كچێن وان بۆ كوڕێن خۆ نەئینن، چنكو ئەو دێ كوڕ و كچێن هەوە د سەردا بەن و كوڕ و كچێن هەوە دێ خودایێن دی پەرێسن، ئەڤجا دێ تۆڕەبوونا خودانی ل سەر هەوە دژوار بیت و ئەو دێ ب لەز هەوە برینیت. (گۆتارا مووسای ٧: ٣-٤)

ئەڤ قەدە‌غەکرنە د یەشوع ٢٣: ١٢ دا هاتیە دووبارەکرن، هەروەسا شوپا خزماینیێ ژی چجاران فەرز یان ژی پێشبینی ناکەت کو کەنعانی دێ ل دویماهیکێ ئاینێ خۆ گوهوڕن. 

خزماینی کەفتنا پاشایان ژی بوو: هەتا سلێمانێ زێدە ئاقلمەند ژی (١ پاشا ١١) و ئەهابێ گەلەك دیار (١ پاشا ١٦-١٩). ب ئاوایەکێ گەلەك ئەرێنی، نیشانەکا توبەکرنێ بۆ گەلێ خودێ توبەکرنا وان بوو بۆ خزماینیێ د عەزرا ٩-١٠ دا. ل لایێ دی، ئەگەر بیانیەك هاتبیتە دناڤا باوەریێ دا، هوسا ب تەمامی چ رێگر نینن ب دژی هەڤژینیێ ل گەل وان. ب راستی، ئەڤ چەندە وەکو ئەرێنیەك دهێتە دیتن (زیپورا و رەحاب و روت). 

ئەڤ هەمی بەلگەیا پەرتووکا پیرۆز وەل من دکەت هزر بکەم کو “ئەز دێ هەر ل دویڤ عیسای چم هەتا ل گەل هەڤژینیەکا بێباوەر ژی” گۆتنەکا گەلەك سەرفەرازە یاکو لاوازیا مرۆڤی بێبها دکەت، و کەرەما خودێ پشتراست دکەت. 

٥. پەیمانا کەڤن ب شێوازەکێ ئەرێنی هەڤژینیێن باوەرداران وێنە دکەت. 

ب شێوازەکێ ئەرێنی پەندێن سلێمانی ٣١ گازی زەڵامێ گەنج دکەت کو تەماشەی ئافرەتەکا خودان کەسایەتیەکا بەرز بکەت. گۆپیتکا هەلبەستێ، و ژێدەرێ هەرتشتەکێ بەرز دەربارەی وێ، د ئایەتا ٣٠ دا دگەهیت: 

شۆخ و شەنگی سەختەییە، و جوانی یا پویچە؛ لێ ژنا ژ خودانی ترسدار بیت دهێتە پەسنکرن. 

ئەرێ ئەو چ تشتە ژ هەمیان پتر دێ سەرنجا تە بۆ هەڤژینەکێ/ی ڕاکێشیت: شۆخ وشەنگی، جوانی، یان ژی ترسا ژ خودانی؟ بۆ ئێکێ نەمەسیحی، بتنێ دێ هەردووکێن دەستپیكی هەبن: شۆخ وشەنگیا سەختە یان ژی جوانیا پویچ. 

رووت و بەعاز د ناڤا جوانترین وێنەیێن باوەردارێن هەڤژینی پێك ئینایە. ئەو دابین دکەت و دپارێزیت؛ ئەو (ئافرەت) ژی باوەریێ پێ دئینیت و دەستپێشخەریا خودێترسی وەردگریت. چیرۆکەکا حەزژێکرنێیا گەلەك جوانە کا چەوا ئافرەتەکا کو هاتیە ل بن چەنگێن خودانی دکەڤیتە حەزژێکرنا زەڵامەکێ خودێترس. 

٦. تێکستێن پەیمانا نوی رادگەهینن کو قەدەغەیا هەڤژینیا نەباوەرداران هێشتا دمینیت. 

د پەیمانا نوی دا، هەژمارەکا لایەنان هەنە روهن و ئاشکەرا دکەن کو ئەڤ قەدەغەکرنا پەیمانا کەڤن هێشتا دمینیت. 

ژن گرێدای مێرێ خۆیە، هندی یێ ساخ بیت. لێ ئەگەر مێر مر، ئەو یا ئازادە شوی ب وی بكەت یێ وێ دڤێت، ب مەرجەكی كو وی كەسی باوەری ب خودانی هەبیت. (١ کورنتۆس ٧: ٣٩)

ل گەل بێباوەران د بن ئێك نیرك ڤە نەبن. چ هەڤپشكی د ناڤبەرا راستداریێ و خرابیێ دا هەیە؟ رۆناهیێ چ پشكداری ل گەل تاریاتیێ هەیە؟ (٢ کورنتۆس ٦: ١٤)

هەرچەندە ئەڤ ئایەتا دووێ ب ئاشکەرایڤە دەربارەی هەڤژینیێ نینە و پرەنسیپەکا گشتگرتر پێشکێش دکەت کو پێدڤیە کەنیسە خۆ ژ هەڤالینیا پووتپەرێسان دویر بئێخیت، ئەرێ ئەو چ هەڤالینیا نێزیکترە کو کەسەك دخوازیت ژ هەڤالینیا هەڤژینیا/ێ کەسەکی/ێ؟ ئەرێ کەسەکی هەڤژینیەك دڤێت یاکو هەڤالینی نەبیت؟ د راستی دا، دێ یان ب “هەڤالینی” یان ژی ب “هەڤپشکی” د تشتەکی دا ب دویماهیك هێت بەلێ ئەو نابیتە هەڤپشکیا د مزگینیێ دا، لەوما ئەو دێ ب تەمامی کەڤیتە دبن وێ رێکا ٢ کورنتۆس ٦: ١٤ هوشداریێ ب دژی ددەتڤە. 

١ کورنتۆس ٩: ٥ –  ما مە ماف نینە، وەكو هنارتیێن دی و برایێن خودانی و كیفاسی، ببینە خودان هەڤژینەكا باوەردار و ل گەل خۆ ببەین دەمێ دگەڕیێین؟

ئەڤە وێ چەندێ پێشینیار دکەت کو هەبوونا هەڤژینەکا نەباوەردار هەرچنەبیت دێ تە ژ خزمەتێ بێبار کەت. ئەگەر تە جارەکێ حەز هەبیت ببیە ریهـسپیەك د کەنیسەیێ دا، هوسا ئەڤ چەندە دێ تە بێبار کەت. 

ئەوێن کو داخوازا بەلگەیەکا پەیمانا نوی دکەن دەربارەی قەدەغەکرنا خزماینیێ ل گەل بێباوەران دێ ئەڤان تێکستان بینن. د هەمان دەم دا، ئەو ئێك ئایەتا بتنێ ژی نابینن پێشبینیا هندێ کر بیت کو قەدەغەکرنا پەیمانا کەڤن دەربارەی خزماینیەکا ب ئەڤی رەنگی بۆ باوەردارێن پەیمانا نوی هاتبیتە راکرن. 

٧. دیتنەکا روهنتر یا ئەرێنی بۆ هەڤژینیێ د پەیمانا نوی دا هاتیە ئاشکەراکرن.
پاشی پەیمانا نوی ئاشکەراکرنەکا روهنتر دەربارەی هەڤژینیێ پێشکێش دکەت: ئەو هەڤپشکیەکە یاکو حەزژێکرنا قورتالکەرا مەسیحی بۆ کەنیسەیا وی وێنە دکەت. ئارمانجا سەرەکیا هەڤژینیێ وێنەکرنا مزگینیێیە (ئەفەسوس ٥: ٢١-٣٣؛ ئاشکەراکرن ٢١: ٩-٢٧). ل پشت هندێ، ئەو پەیوەندیا د ناڤبەرا بابی و کوڕی دا وێنە دکەت (١ کورنتۆس ١١: ٣). 

کو هەڤژینیێ ل گەل نەباوەردارەکی بکەی وەکو دوو هونەرمەندانە پێکولێ دکەن دوو وێنەیێن جیاواز ل سەر هەمان نیگار بکێشن. تۆ یێ پێکولێ دکەی وێنەیێ عیسای و کەنیسەیێ بکێشی، بەلێ هەڤژینا/ێ تە یێ پێکولێ دکەت تشتەکێ ب تەمامی جیاواز بکێشیت. 

یان ژی، هەڤشێوەیەکا موزیکی وەکو نموونە وەربگرە، ئەو دێ بیتە هەڤپشکیەکا کو کەسەك یێ پێکولێ دکەت سترانەکێ بسترینیت، و یێ دی ژی یێ پێکولێ دکەت سترانەکا ب تەمامی جیاواز بسترینیت. تۆ بسترینە: “من دڤێت ئەڤ سترانە دەربارەی عیسای بیت،” ل وی دەمێ هەڤژینا/ێ تە دسترینیت “بتنێ ئەز و تۆینە.” چ هەماهەنگی نەشین جهێ خۆ بکەن. 

دەمێ باوەردارەكی/ێ هەڤژینی ل گەل نەباوەردارەکی/ێ پێك ئینابیت، یان ب رێکا نەگوهداریەکا بەری نوکە، گوهارتنا وان ب خۆ، یان ژی راگرتنا هەڤژینا/ێ وان پشتی هەڤژینیێ، ئەو گەلەك یا ب ئازار و ژان بیت، بەلێ ل دویماهیکێ سترانا پیرۆزکرنا خودێ دڤێت بهێتە ستراندن. بەلێ ئەڤە نە ئەو سترانە یاکو هەڤژینی بۆ هاتیە چێکرن، هەروەسا نە ئەوە ژی یاکو پێدڤیە مەسیحیەك ب دلخوازانە لێ بگەریێت کو بنڤێسیت. 

ئەرێ ئارمانجا ژیانا باوەردارەکی چیە؟ 

عیسا د یوحەننا ١٧ بۆ مە ڤەدگێریت: “ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.”

باوەردار دژیت داکو بزانیت، و د زانینێ دا حەزژێکرن و بەرزکرن و پەرستن و دویڤچوونا خودێ ب رێکا کوڕێ وی عیسایێ مەسیح بکەت. 

گەلەك باشترە تۆ بێی هەڤژین و هەڤالینیا کەنیسەیێ بژی، ژ ل گەل کەسەکی/ێ یێ/ا کو بۆ ژیانەکێ دژیت کو نە ژ بۆ هەروهەرە.