ئەرێ مزگینیا عیسایێ مەسیح چیە؟

مزگینی دەنگۆباسێن خۆشن دەربارەی کا عیسایێ مەسیح چ ئەنجام دایە داکو گونەهکاران ل گەل خودێ ئاشت بکەت. ئەڤا ل خوارێ چیرۆك هەمیە: 

١. خودایێ تاك و ئێکانە کو یێ پیرۆزە، ئەم ل دویڤ وێنەیێ خۆ ئافراندین داکو وی بنیاسین (دەستپێکرن ١: ٢٦-٢٨). 

٢. بەلێ مە گونە‌هـ کر و خۆ ژ وی دویر کر (دەستپێکرن ٣؛ رۆما ٣: ٢٣). 

٣. ب رێکا حەزژێکرنا خۆیا مەزن، 

خودێ کوڕێ خۆ عیسا هنارت داکو وەکو پاشایەك بهێت و گەلێ خۆ ژ دوژمنێن وان رزگار بکەت، یا ژ وێ گرنگتر کو ژ گونەها وان ب خۆ رزگار بکەت (زەبوور ٢؛ لوقا ١: ٦٧-٧٩). 

٤. عیسای پاشایەتیا خۆ ب رێکا گێرانا رۆلێ خۆ وەکو کاهنەکی 

ناڤگین و قوربانەکێ ئولدار، ئەوی ژیانەکا بێکێماسی بر و ل سەر خاچێ مر، ژ بەر ڤێ چەندێ ئەوی ب خۆ دەستوور بجهـئینا و سزایێ گونەهێن گەلەكان وەرگرتن (مەرقۆس ١٠: ٤٥؛ یوحەننا ١: ١٤؛ عیبرانی ٧: ٢٦؛ رۆما ٣: ٢١-٢٦، ٥: ١٢-٢١)؛ پشتی هینگێ جارەکا دی ژ مرنێ رابووڤە، دیار دکەت کو خودێ 

قوربانیا وی وەرگرت  و کو نەفرەتا (خه‌زه‌ب) خودێ ل دژی مە هاتە راکرن (کارێن هنارتیان ٢: ٢٤، رۆما ٤: ٢٥). 

٥. ئەو نوکە گازی مە دکەت دا ژ گونەهێن خۆ تۆبە بکەین و باوەریێ ب مەسیحی بتنێ بینین بۆ لێبورینا خۆ (کارێن هنارتیان ١٧: ٣٠، یوحەننا ١: ١٢). ئەگەر ئەم تۆبە ژ گونەهێن خۆ بکەین و باوەریا خۆ ب مەسیحی بینین، ئەڤە ئەم بۆ ژیانەکا نوی ژ دایك بووینەڤە، ژیانەکا هەتاهەتایی ل گەل خودێ (یوحەننا ٣: ١٦). 

ئاها ئەو مزگینیە. 

رێکەکا باش داکو ئەڤێ مزگینێ کورت بکەین ئەوە کو ب رێکا پەرتووکا پیرۆز ئەو پەیڤێن خودێ، مرۆڤ، مەسیح بەرسڤ ددەت، رۆهن بکەین. 

١. خودێ

خودێ ئافرێنەرێ هەمی تشتانە (دەستپێکرن ١:١). ئەو ب تەمامی یێ پیرۆزە و ژ هەژی پەرستنێ یە و گونەهێ سزا ددەت (١ یوحەننا ١: ٥، ئاشکراکرن ٤: ١١، رۆما ٢: ٥-٨). 

٢. مرۆڤ

هەمی مرۆڤ، ل گەل کو ب باشی ئافراندینە، ب سروشتێ خۆ بووینە گونەهکار (دەستپێکرن ١: ٢٦-٢٨، زەبوور ٥١: ٥، رۆما ٣: ٢٣). ژ دایکبوونێ هەمی مرۆڤ یێن ژ خودی هاتینە ڤەقەتاندن و بووینە دوژمنێن خودێ و کەتینە بەر نەفرەتا خودێ (ئەفەسوس ٢: ١-٣). 

٣. مەسیح

عیسایێ مەسیح، یێ کو ب تەمامی خودێ یە و ب تەمامی مرۆڤە، ژیانەکا بێگونەهـ ژیایە و ل سەر خاچێ مریە داکو نەفرەتا خودێ ل جهێ هەرکەسەکێ باوەریێ پێ بینیت هەلبگریت، و ژ گوڕێ خۆ رابووڤە داکو ژیانا هەتاهەتایێ بدەتە گەلێ خۆ (یوحەننا ١:١، ١ تیمۆتاوس ٢: ٥، عیبرانی ٧: ٢٦، رۆما ٣: ٢١-٢٦، ٢ کورنتۆس ٥: ٢١، ١ کورنتۆس ١٥: ٢٠-٢٢). 

٤. بەرسڤ

خودێ گازی هەمیان ل هەرجهەکی دکەت داکو تۆبە ژ گونەهێن خۆ بکەن و باوەریێ ب مەسیحی بینین داکو بهێنە قورتالکرن (مەرقۆس ١: ٥،  کارێن هنارتیان ٢٠: ٢١،  رۆما ١٠: ٩-١٠).

(هندەك ژ ئەڤی بابەتی ژ پەرتووکا ” The Gospel and Personal Evangelism by Mark Dever, p. 43″ هاتیە وەرگرتن.)

ئەڤ گۆتارە ژ ژێدەرەکی وەرگێرایە ل ڤیرێ