ئەرێ سەرەکیترین ئاریشە چییە کو مزگینی سەرەدەریێ دگەل دکەت؟
ئەرێ مزگینی ب شێوەکێ سەرەکی پێدڤیێن مە بجهـ دئینیت؟ ئەرێ حەزا مە بۆ رامانێ بجهـ دئینیت؟ جڤاکی دگوهۆریت؟ ئەرێ مە فێر دکەت ئەم باشتر بژین و هاریکاریا هەژاری بکەین؟ ئەرێ مە دەولەمەند و ساخلەم دکەت؟
ئەڤ هەمی هزرێن دەربارەی مزگینیێ ئاریشەیەکا دیار هەلدبژێرن و دبێژن، “ئەڤەیە هەمی بابەتێ سەرەکی یێ مزگینیێ! “بەلێ ما ئێک ژ وان تشتان دەربارەی مزگینیيه؟ ئەرێ ئێك ژ وان تشتان ئاریشەیەکا سەرەکیە یا کو مزگینی سەرەدەیێ دگەل دکەت؟
پەرتۆکا پیرۆز دبێژیت “نەخێر، خۆ ئێك ژ وان نینە.” پەرتۆکا پیرۆز ب شێوەکێ رۆن و ئاشکرا دبێژیت کو ئاریشەیا سەرەکیا مرۆڤایەتیێ گونەها مەیە و توڕەبوونا خودێ دژی مە ژ بەر گونەها مە.
- “ئەرێ ئەو کیە خۆ ل بەر توڕەییا وی ڕاگریت؟ ئەرێ ئەو کیە خۆ ل بەر گەرمیا توڕەییا وی خۆ ڕاگریت؟ توڕەییا وی وەکو ئاگری درژیت و کەڤر ژی ل بەر وی پارچە پارچە دبن” (ناحوم ١: ٦)
- “ژ ئەسمانی تۆڕەییا خودێ دهێتە ئاشكرا كرن، دژی هەمی خودێنەنیاسی و خرابیا وان مرۆڤێن ب خرابیێن خۆ بۆ راستیێ دبنە ئاستەنگ” (روما ١: ١٨).
- “نەهێلن چ كەس هەوە ب ئاخفتنێن ڤاڵا بخاپینیت، چنكو ژ بەر ڤان تشتان تۆڕەبوونا خودێ ب سەر مرۆڤێن نەگوهدار دا دهێت” (ئەفەسوس ٥: ٦)
- “هنگی پاشایێن ئەردی و مەزنێن وێ و فەرماندەیێن وێ و دەولەمەندێن وێ و هێزدارێن وێ و هەمی بەنی و ئازادان خۆ د شكەفتان ڤە و د ناڤ كەڤرێن چیایان دا ڤەشارت و دگۆتە چیا و كەڤران: «ب سەر مە دا بكەڤن و مە ژ رویێ وی یێ ل سەر تەختی روینشتی و ژ تۆڕەبوونا بەرخی ڤەشێرن، چنكو رۆژا مەزن یا تۆڕەبوونا وان هات و كی دشێت خۆ رابگریت؟” (ئاشکراکرن ٦: ١٥-١٧).
توڕەییا خودێ بەرامبەر گونە هێ مە ئاریشەیا سەرەکیە کو مزگینی سەرەدەریێ دگەل دکەت. عیسا ل سەر خاچێ مر وەکو کەفارەتەك و قوربانەك کو توڕەییا خودێ دویر دئێخیت (روما ٣: ٢٥؛ ١ یوحەننا ٢:٢، ٤: ١٠) داکو ئەم ب رێکا باوەریێ ب وی قورتال ببین.
