ئەرێ دێ چەوا ئەژدەهایێ پۆرنوگرافیایێ (فاحیشێ) سەر ژێ کەی؟

پۆرنوگرافیا گەلەك پرسیاران دئازرینیت، بەلێ دوو یێن هەرە سادە ژ هەمیان گرنگترن. 

ئەرێ بۆچی شەرێ دلچوونێ بکەین؟ هەروەسا چەوا؟ 

گەلەك بریارێن خۆدانە پاش ژ فاحیشێ ل گەل پرسیارا ئێكێ بسەر ناکەڤن. پرسیارا چەوا ئەوا ب ساناهیە، ئەم دشێین بلەز پێنگاڤان دیار بکەین وەکو فیلتەرێن ئینتەرنێتێ یان ژی هەڤالەك بخوازیت پرسیارێن دژوار ژ مە بکەت. ئەو بۆچیە ئەوە یاکو مە شاش دکەت. ئەم پێدڤی ئەگەرێن قایلکەرێن پەرتۆکا پیرۆزن داکو بهێز براوەستین دەمێ پرسیارێن بزەحمەت و راستداری دهێن. 

هەروەسا ئەو دێ هێن: 

• بۆچی گرنگیێ ددەیە ڤێ چەندێ؟ ئەو کەسێ نائێشینیت.
  
• ئەگەر هەڤژینا من ژ لایێ سێکسیڤە پتر بەردەست یان ژی ب سەربۆر با، ئەز پێدڤی ئەڤێ چەندێ نەدبووم. 
• ئەگەر من هەڤژینەک هەبا، ئەز پێدڤی ئەڤێ چەندێ نەدبووم.
  
• هەمی زەلام تەماشی پۆرنی دکەن. ئەم هوسا یێن هاتینە ئافراندن. ئەرێ چەوا خودێ حەزەکێ بدەتە من و پاشی پێشبینی بکەت ئەز ل گەل بجەنگم؟ 
• ئەڤ جارا بهێت دێ بیتە دویماهیك جار. 

دویڤچوونا پۆرنی ئەنجامێن خراب یێن هەین. ئەم پێدڤی ب چ پێزانینێن تایبەت نینین کو ببینین ئەو پەیوەندیان ژ ناڤ دبەت و چ جاران مرۆڤی رازی ناکەت. بەلێ ئەنجامێن خراب بتنێ بەس نینن کو مە براوەستینن. پێدڤیە ئەم د ئامادە بین کو ب ئەگەرێن قایلکەر جەنگەکی دەست پێ بکەین، و پاشی وان ئەگەران د ناڤا چیرۆکەکێ دا کۆمڤە بکەین کو هندەك ئەڤ کەرەستێن بهێت هەین. 

بدەستڤەئینانا چیرۆکێ بشێوەکێ ئێکسەر

مرۆڤ، وەکو هەمی ئافراندیان، هوسا یێن هاتینە ئافراندن کو د ناڤا سنۆران دا دژین. دەمێ ئافراندن ژ سنۆرێن خۆ یێن دەستنیشانکری دەرباز دبیت، هەروەکو د باهۆزان دا، ل وی دەمێ کو دەریا دەستدرێژیێ دکەتە سەر ئەردێ هشك، تشتێن خراب روی ددەن. بۆ مە ژی هەمان تشتە. ئەڤە ژی ئێك ژ خالێن چیرۆکا ئافراندنێ یە، دەمێ بۆ ئادەم و حەوایێ هاتیە گۆتن کو دارەك یا قەدەغە بوو. ئەرێ بۆچی ئەو یا قەدەغەکری بوو؟ ئەو نە پرسیارەکا گرنگە. یا گرنگ ئەڤەیە: زارۆکێن خودێ یێن پاشایی دهێنە تاقیکرن. ئەرێ دێ ئەم بۆ بابێ خۆ د دلسۆز بین دەمێ دبیتە دەمێ دلچوونان و ژ نیشکەکێڤە دلسۆزی هەست ب نەئارامیێ دهێتە کرن؟ 

دەمێ دلچوونێن مە گەلەك بهێز دبن، چ لۆژیك بۆ ئەوان سنۆران بەس نابیت. بۆ نموونە، خودێ ئەگەرێن خۆ یێن هەین بۆ سنۆردارکرنا دەربرینێن سێسکی بۆ ئێکبوونا پەیمانا دوو رەگەزێن جیاواز، بەلێ ئەو ئەگەرە چ هێزێ نادەنە مە شەرێ دلچوونان بکەین. هێز ژ زانینێ بتنێ ناهێت، بەلکو ئەو وەکو ئەم د زانینا خودێ دا مەزن دبین دهێت و بەرسڤا وی ب باوەریەکا گوهدار ددەین. ئەو دهێت بتنێ دەمێ ئەم وێ د ناڤ ئامادەبوونا خودێ دا دبینین، نە ژ یا کو جیهان یان ژی خۆشیا لەشی پێشکێش دکەت دهێت. ئەرێ ما ئەم خۆشیا تەمام و زەوقی  دبینین یاکو چ جاران قەبارێ خۆ یێ رازیکرنێ ژ دەست نادەت (زەبوور ١٦: ١١). 

هەروەکو دیار دکەت، کریارا گۆتنا نەخێر بۆ حەزێن تایبەت هوسا دیار دبیت کو تایبەتمەندیەکا جیاوازا مرۆڤانە. گیانەوەر نابێژن، بەلێ ئەم دبێژین. هزرا خۆ د پەرتۆکا پەندێن سلێمانی دا بکە. هەمی دەربارەی ئاقلمەندیێ یە، هەروەسا ئاقلمەندی ئەوە کو ئەم وەکو خودێ دڤێت یێن دژین. د هەر نەهـ بەشێن دەستپێکێ دا، کو بابەتێن سەرەکیێن پەرتۆکێ کورت دکەت، بابێ فێرکەر هەمی یا کو د شیان دایە ئەنجام ددەت داکو جوانیا خۆ کونترولکرنێ شرۆڤە بکەت و مەترسیا ژیانەکا بۆ حەزێن ئێکێ دی هاتیە دان ل سەر زارێ شانۆیێ شرۆڤە دکەت. 

ئەرێ ئاریشەیا دروست چیە؟ ئەم حەز ژ ترسا خودانی ناکەین (پەندێن سلێمانی ١: ٧). چنکو ترس دەربارەی وی تشتیە یێ مە کونترول دکەت، ئاقلمەندی دەست پێ دکەت دەمێ ئەم ژ لایێ خودێ یێ سیانیڤە دهێینە کونترولکرن ل شوینا ژ لایێ تشتێن دلچوونێن مەڤە. ئانکو، ژیان ژ دەرڤەی سنۆرێن خودێ بەلگەیە کو پێدڤیە ئەم وی گەلەك باش بنیاسین. پێدڤی نینە ئەم بزانین کو ئەو یێ باشە، هەروەسا هەر تشتێ ئەو فەرمانێ پێ ل مە دکەت کو ئەنجام بدەین بۆ باشیا مە ب خۆ یە. پێدڤیە ئەم هزر بکەین ئەو مربارە (یێ کو دمریت) یێ کو نابینیت کا تو چ دکەی. دڤێت ئەم هزر بکەین کو تاریاتی دشێت مە ژ ئامادەبوونا مە بڤەشێریت. خودایێ ژیانێ ب مە هاتیە دان، بەلێ ئەم بەردەوام بەر ب ئاراستەیێ سەربەخۆبوون و پەریشانیێ دچین. هەروەسا ب ئەنجامدانا ئەڤێ چەندێ، ئەم ب سەر ناکەڤین کو مرۆڤێن دروست بین. 

ئەڤەیە ئەو چیرۆکا عیسا دهێتە ناڤ. بەرێ عیسای بۆ بیابانێ هاتبوو دان داکو دلچوونێن لەشی و شەیتانی یێن دژوار بجەربینیت (مەتتا ٤: ١-١١). هەرچەندە کو دلچوونێن وی نە د سێکسی بوون، بەلێ ئەوان دلچوونان حەزێن لەشیێن دژوارێن کو هیڤیا رازیکرنێ دخواست بخۆڤە دگرتن. عیسا هاتە د ناڤا خەباتا مە دا، ئەوی گەوهەرێ مرۆڤایەتیا دروست د دژایەتیا وی دا ب دژی ئبلیسی ئاشکرا کر، هەروەسا ئەو بوو زەلامێ تاقیکری و تەمام یێ کو دێ بیتە نوینەرێ مە ل بەراهیا بابی. ئەڤە ئەو باوەرنامەنە یێن کو وی ل سەر خاچێ ب دەستڤە ئیناین. 

مزگینی ب رێکا باوەریێ د ژیانێن مە دا یا هاتیە چالاککرن، هەروەکو ئەم دبێژینە پاشایێ خۆ: “ئەز یێ ل گەل تە. تۆمارا من ب خۆ گێلەشۆکە، یا تە یا تەمامە”. هەروەسا ب رێکا ئەوێ بەرسڤێ ئەم پتر کەرەمێ ژ یا کو مە پێشبینی دکر بدەستڤە ئینا. ئەم ل گەل عیسای د سەرکەفتنا وی دا د بەشدارین، و گیانێ وی ب مە هاتیە دان داکو هێزێ بدەتە مە ل دویڤ وی بچین. 

هەروەسا پاشی بەرێ مە دووبارە بۆ دلچوونان یێ هاتیە دان، کو هوسا زارۆکێن پاشایانە دهێنە راهێناندان و پێگەهشتن. هەرچەندە ئەڤ جارە ئەم باشتر د ئامادەینە. 

نوکە ب رێکا پشتبەستنێ ل سەر عیسای، ئەم هەستێن خۆ ل گەل چارەسەری و ئارمانجێ تێکەل دکەین نە بۆ تشتەکێ کورت یێ سەرژێکرنا وان (گالاتا ٥: ٢٤، کولوسی ٣: ٥). چەکێ دژوارێ ئەم دئینین گەشەکرنا زانینا دلۆڤانی و کەرما خودێیە. ئەڤ کەرەمە بیرا مە دئینیت کو مە لێبوورینا هەی، داکو ئەم بشێین د شکەستنێن خۆ دا بۆ وی بڤەگەریێین (٢ پەترۆس ١: ٩). 

ئەم باوەر ژ درەوەکێ دکەین ئەگەر ئەم هزر بکەین ئەم گەلەك دویر یێن چووین. ژبەر کو کەرەمێ چ سنۆر نینن، ئەم ب “هاریکاریەکا” سادە دەست پێ دکەین. خودێ یێ کەیفخۆشە ب ڤەگەریانا وان کەسێن د بێزاریێ دا بەرێ خۆ ددەنە وی (لۆقا ١٥: ٦). 

ئەرێ ئەم چەوا شەرێ دلچوونێ دکەین؟ 

هەر دەمێ چیرۆکا کەرەمێ د دلێن مە دا خۆرت هاتە دانان، بجهئینانێن کرداری د سەر دا دچن. 

١. چیرۆكێ دووبارە بکە. 

دیارترین بجهئینان دووبارەکرنا چیرۆکێیە: د حەزژێکرنێ دا، مەسیح هات و لێبووری و رزگار کر و بهێز ئێخست. پاولۆسی دەست ب هەر نامەیەکێ کر ب رێکا کا چەوا ژ بەر عیسای هەر تشتەك یێ هاتیە گوهۆرین. 

تو دشێی ل دویڤ رێبەریا پاولۆسی بچی. چیرۆکا مزگینیێ بنڤیسە، بۆ هەڤالەکی بخۆینە، پرسیارا خەلکی بکە داکو نێرینا خۆ بێژن، گەلەك رێکێن پەیمانا نوی دەربرینێ پێ دکەت دووپات دکەت، هەروەسا ل گەل خەباتا خۆ یا تایبەت بدروی. تو یێ ل سەر رێکا دروست دەمێ چیرۆك یا باش بیت و پتر دەربارەی عیسای بیت ژ تە. 

٢. رێکێن خۆ تاقی بکە. 

هایداریەکا تایبەت بدە کا تو چەوا بەرەڤ پۆرنی دچی. وەکو جۆرەکێ “بەنیاتیا خۆبەخش” هزر د رەوشێن خۆ یێن دژوار دا بکە د وێ چەندێ دا کو تو ب رێکا کێشاندنا پۆرنی بوویە قوربان بەلێ ب نیەتە د دویڤچوونێ دا. هزر د هویراتیێن وێ رێکا تو وەردگری دا بکە (پەندێن سلێمانی ٧). ئەرێ ئەو چ درەون تو باوەر ژێ دکەی یێن کو تە کورە دکەن؟ “خودێ نە هوسایێ باشە”؟ “گونەهـ نە هند یا ب مەترسییە”؟ هزر دەربارەی کا دچ دی روی ددەت بکە. ئەرێ تو یێ تۆڕەی؟ تەرکەمخەمی؟ 

بهێنتەنگی، هەست پێ دکەی تو ژ هەژی بهێنڤەدانەکێی؟ ئەرێ تە دروست چ دڤێت؟ ئەرێ تو هزر دکەی کەنگی تە بریارا ل دویڤچوونا پۆرنی دایە؟ 

دەمێ بەر ب پۆرنیڤە دچین، ئەم د هزرکرنا  رێکێن خۆ دا بسەر ناکەڤین. دەمێ ئەم ژێ درەڤین، هەروەسا ئەم دزانین یا ل مە هاتیە بوورین، پێدڤیە ئەم ل خۆ بزڤرین و ب هشیاری هزر بکەین  ل کیری رێك گەلەك ب مەترسی کەفتیە. 

٣. ئاشکرا بکە. 

ئەڤ پێنگاڤە بزەحمەتترین پێنگاڤە، یان ژی ژ هەمیان پتر کێمکرنە. حەزا پۆرنوگرافیایێ د تاریاتیێ دا ئاڤا دبیت (کولوسی ١: ١٣). بێگۆمان ئەو تاریاتیە ژ خودانی ناهێتە ڤەشارتن، هەروەسا ئەگەر ئەم بەر ب رۆناهیێڤە نەبەین، ئەو دێ بەت (عیبرانی ٤: ١٣). ئەڤجا ئەم دانپێدانێ بۆ خودانی دکەین، هەروەسا ئەم دانپێدانێ بۆ خەلکی ژی دکەین (یەعقوب ٥: ١٦). 

ئەم دانپێدانێ بۆ خەلکی دکەین ژ بەر هەرچنە بیت دوو ئەگەران. ئەگەرێ ئێکێ، ئەم پێدڤی هاریکاریێینە، هەروەسا خودێ خەلک یێن داینە مە داکو دوعا بۆ بکەین و هاریکاریا مە بکەن. ئەگەرێ دووێ، مە گەلەك دڤێت ژ تاریاتیێ و درەوان و راستداریان هندی د شیان دایە دویر بکەڤین، هەروەسا زەلالکرن رێکەکە کو ئەوێ چەندێ ئەنجام بدەین. ئەم دشێین ب ساناهی گونەها ب نهێنیڤە گەنگەشە بکەین، ئەو ب دژی خودێیە، هەروەسا پێدڤیە ب نهێنیڤە سەرەدەری ل گەل بهێتە کرن. بەلێ ئەگەر ئەم ب ساناهی دانپێدانێ بۆ خودێ بکەین و رەت بکەین دانپیدانێ بۆ خەلکی بکەین، دروستیا دانپێدانا مە گۆمانکرنە. راستگۆیی رێکەکە کو ئەم پێ دشێین رێگریێ ل راستداریێن نوی بگرین کو بهێینە خاپاندن. 

د ناڤا سنۆرێن خودێ دا ئازادی و قایلکرن یێن هەین، ژ دەرڤەی وان بەنیاتی و پەریشانی و حەزەکا چاڤبرسی بۆ پترێ یێن هەین (ئەفەسوس ٤: ١٩). نە یا ب ساناهیە بمینیە د ناڤبەرا سنۆرێن خودێ یێن دەستنیشانکری دا، بەلێ ب پشتراستیڤە ئەو چەندە یا باشە. 

چ کەس پەشێمان نەبوویە ب گۆتنا نەخێر بۆ دلچوونان. 

ئەڤ گۆتارە ژ ژێدەرەکی وەرگێرایە ل ڤیرێ
تێبینیا سەرنڤیسەری: ئەڤە ژێگرتنەکا وەرگرتیە ژ ESV Men’s Devotional Bible  (Crossway, 2015).