ئەرێ بۆچیە بەشداری کەنسیەکێ بی؟
ئێك ژ مەزنترین تشتێن دژە کەلتۆری تو ئەنجام بدەی ئەوە کو ببیە ئەندامەکێ چالاکێ کەنیسەیەکا دلسۆزا ناڤخۆیی.
د سەردەمێ مە یێ بێبەرپرسیارەتی و بێ ئەرکدار دا، نە کەسانێن نەمەسیحی و نەژی یێن مەسیحی یێن هاتینە ڤەچەماندن بۆ دیتنا جهەکی داکو رهێن خۆ لێ بچینن و ئەرکێن دۆمدرێژ و ب ئارمانج بۆ باشیا خەلکی ئەنجام بدەن. مە دڤێت هەلبژارتنێن مە د ڤەکری بن و د سەر ئەڤێ هەمیێ را ئازادیا خۆ یا هەلبژارتنێ بپارێزین، ل شوینا کو پەیمانەکێ بۆ کێشانەکا درێژ دروست بکەین و چوارچۆڤەیەکی بۆ ژیانا راستەقینە ب هەمی خۆشی و نەخۆشیێن وێڤە هەمبێز بکەین.
بەلێ چارەسەری چییە ئەگەر تە تشتەکێ جیاواز ئەنجام دا بیت و بوویە پارچەك ژ ئاریشەیا سەردەمانەیا بێئەرکداریێ؟ ئەرێ پا ئەگەر تو بەشداری پیلانگیریێ ببی و تە سویند بۆ دلسۆزیێ و بەشداریا کەنیسەیەکا ناڤخۆیا باوەریێ ب پەرتۆکا پیرۆز دئینیت و مزگینیێ بپارێژیت خوار بیت؟
ئەرێ ما پەرتۆکا پیرۆز خۆ بەحسێ ئەندامبوونێ دکەت؟
گەلەك ژ مە هندەك جاران یێن سەرسۆرمان بووین دەربارەی تێگەهێ ئەندامبوونا کەنیسەیێ. “ئەندامبوون”، ئەرێ ئەم وێ ل کیرێ د پەیمانا نوی دا دبینین؟ ئەرێ ما ب راستی یا گرنگە بەشداری کەنیسەیەکێ ببم؟ ئەرێ ما ئەز نەشێم هەر تشتەکی ئەز پێدڤی بمێ وەکو مەسیحیەك بدەستڤە بینم بتنێ وەکو ئامادەبوویەکێ بەردەوام؟
راستە کو پەیمانا نوی چ گەنگەشێن راستەوخۆ بۆ تێگەهێ مەیێ سەردەمانە یێ ئەندامبوونێ ناکەت. پێشڤەچوونا مزگینیا دەستپێکێ د جیهانا فرەخودایی و بەری مەسیحیەتێ دا رەوشەکا جیاواز بوو ژ وێ یاکو ئەم ئەڤرۆکە د جڤاکێ خۆیێ پشتی مەسیحیەتیێ دا دبینین. ئالۆزیێن ژیانێ پشتی دوو هزار ساڵان تێکەلداریا کەنیسەیێ بزەحمەت دئێخن و وەکو هەرجار گرنگ. نەبتنێ پێدڤیە ئەم ئەرکێن خۆ یێن بهێز پەیرەو بکەین، بەلکو باژێر و باژارۆکێن مە گەلەك د مەزنترن و هەلبژارتنێن کەنیسەیێ گەلەك د هەمەرەنگترن.
بەلێ خۆ ئەگەر تو بێژیێ “ئەندامبوون” یان ژی “هەڤپشکی” یان ژی تشتەکێ دی، پەیمانا نوی هندەك شێوازێن تێکەلداریا ئەرکدار و بەرپرسیار وەکو راستی بۆ هەر شاگردەکێ راستەقینەیێ عیسای پەسەند دکەت. هەر مەسیحیەکی جهەکێ دەستنیشانکریێ تێکەلداریا نافخۆ یێ هەی. دەمێ تو دهێیە تافیرکرن تو دبیە پارچەیەك ژ لەشەکێ نافخۆیێ تایبەت.
جۆن پایپەر دیار دکەت “د پەیمانا نوی دا ئەگەر تو ژ کەنیسەیەکا نافخۆیی بهێتە دەرئێخستن ئانکو تو ژ مەسیحی هاتیە دەرئێخستن.”
شەش ئەگەر کو رهان بچینن
ئەڤجا، ئەڤە ئەو شەش ئەگەرن د ناڤبەرا گەلەک ئەگەرێن دی دا کو بدژی تۆڤێ بێئەرکداریێ رابی و رهێن خۆ بچینی و بەشداری کەنیسەیەکا ناڤخۆییا تایبەت ببی و هندی بشێی گریدای ژیانا وێ کەنیسەیێ بی.
١. پشتراستیا تە ب خۆ
دەمێ مرۆڤ دهێتە وەرگرتن د ئەندامبوونا کەنیسەیەکا باوەری ب پەرتۆکا پیرۆز هەی و رێبەریەکا ب بەرپرسیاریەت ب راستی پشتراستبوونێ دبەخشیت و پێباوەربوونا خۆ بهێز دکەت کو باوەریا تە یا راستە، کو ئەو نە ئایینێ تەیێ تایبەتە یێ کو تە ب خۆ چێکری، بەلێ “هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان” (یەهودا ٣).
عیسا “دێ کلیلێن پاشایەتیا ئەسمانان دەتە مە” و ل گۆر مەتتا ١٦: ١٩، “هەر تشتەكێ تو ل ئەردی گرێ دەی، دێ ل ئەسمانان یێ گرێدای بیت و هەر تشتەكێ ل ئەردی ڤەكەی، دێ ل ئەسمانان یێ ڤەكری بیت”. نە تشتەکی بچویکە بۆ کەنیسەیەکا بهێزا نافخۆی کو دانپێدانا تەیا باوەریێ بهێتە وەرگرتن، هەروەسا شێوازێ ژیانا تە و رەفتارا تە ناهێنە وەرگرتن، و تە د ناڤا ئەندامبوونێ دا وەرگریت.
کەرەم پتر یا هەی کو د ئەڤێ چەندێ دا بهێتە تاقیکرن، بۆ پشتراستیا تە ب خۆ پتر ژ وێ چەندا کو گەلەك ژ مە دزانن.
٢. باشیا خەلکی
بەلکی ئەڤە پترین ئەگەر بیت کو هاتبیتە پشتگوهـ هاڤێتن ژ بۆ چوونا دناڤ رێزێن کەنیسەیەکێ دا. د حەزا مە دا بۆ خۆزانیێ، ئەم هزر د ئەوان ئەگەران دا دکەین یێن کو ب شێوازەکێ ئێکسەر ب مەڤە دگریدای، بەلێ کا چەوا ئەندامبوونا مە گرێدای خەلکییە پشتگوهـڤە دهاڤێژین.
تێکەلداریا مە ژی بنگەهەکی ژ وێ چەندا کو ئەم دشێین ب شێوازەکێ دلسۆزانە خەم ژ یێن دی بخۆین ددامەزرینیت. دوو لا بۆ ئەندامبوونا کەنیسەیێ هەنە، هەروەسا ئەم نەشێین خەلکی ژی بەرپرسیار بکەین بۆ باشیا وان بۆ پەیمانەکا مە ب خۆ وەرنەگرتی.
حەزژێکرنا راستەقینە نە بتنێ د ڤیانێ و کریارێ دا دهێتە دیارکرن، بەلکو د وەفاداریێ دا ژی. ئەم ب تەمامی حەز ژ خۆیشك و برایێن خۆ د مەسیحی دا ناکەین ئەگەر ئەم سویندا وەفاداریا خۆ بۆ وان ب رێکا گرێدانا پەیمانێ ل گەل وان د ژیانا کەنیسەیەکا نافخۆیی دا قەدەغە بکەین. حەزژێکرن نابێژیت “ئەز حەز ژ ئەڤی گەلی دکەم و پێدڤی نینە پەیمانێ ل گەل وان گرێدەم”. ل شوینێ دبێژیت “ئەز هند حەز ژ ئەڤی گەلی دکەم کو پەیمانێ ل گەل گرێدەم”.
ژینا ژیانا مەسیحیەتیێ د جڤاکی دا پترە ژ کۆمەلێن سست بتنێ، بەلکو ملکەچی ئێکودوو بوون و بۆ ئێکودوو ل دەمێ پێدڤی دەمێ ژیانا بزەحمەت و د نەخۆشی و خەمگینیێ دا ئامادەبوون بۆ هاریکاریێ.
٣. باشیا تە ب خۆ
ژلایەکێ دیڤە، ئەو ژ بۆ باشیا تە ب خۆ یە کو کەسانێن دی د مەسیحی دا ب دروستی ملکەچی وێ چەندێ ببن کو خەم ژ تە بخۆن. هەروەسا ئەو کەسێن کو دێ ب باشترین شێواز بۆ دەمەکێ درێژ خەم ژ تە خۆن ئەون یێن کو ب حەزا خۆ ملکەچی وێ چەندێ دبن.
بەشداربوونا د کەنیسەی دا ب شێوازەکێ فەرمی تە وەکو پارچەك ژ “کەرێ پەزی” ددەتە نیاسین یێ کو پێدڤیە قەشە و ریهسپیێن کەنیسێ “شڤانیێ” لێ بکەن (١ پەترۆس ٥: ٢) و یێ کو پێدڤیە ئەو “ب هشیاری چاڤدێریێ لێ بکەن” (کارێن هنارتیان ٢٠: ٢٨). ئەو بۆ باشیا تە ب خۆیە کو ب نیەت هزر د تە دا بهێتەکرن و خەم ژ تە بهێتە خوارن ژ لایێ سەروەریێڤە.
٤. باشێا رێبەرێن تە
ئەڤجا، پێگڤە گرێدان ئەو زەڵالیەیە یاکو بۆ رێبەریێ دیار دکەت کا کی د “گرۆپێ وان دایە” و کی “ژ وان بەرپرسە” (١ پەترۆس ٥: ٣)، یێن کو بتایبەتی ب وان دهێتە گۆت کو خزمەت و شڤانیێ بکەت.
ئانکو بەشداریکرنا تەیا ب فەرمی بۆ کەنیسەکێ هاریکاریا قەشە و ریهـسپیان دکەت کارێ خۆ ئەنجام بدەن. ئەرێ ما ئەو دێ چەوا شڤانیێ ل کەرەکێ پەزی کەن ئەگەر ئەو نەزانن کی د ناڤ ئەوی کەرێ پەزی دایە و کی نە؟
یا ب زەحمەتە، ئەگەر نەیا رێتێنەچوویی بیت، کو قەدر و قیمەتی بدەیە رێبەرێن خۆ (١ سالۆنیکی ٥: ١٢-١٣)، و رێزگرتنەکا دووجارکی بدەیە وان (١ تیمۆتاوس ٥: ١٧)، هەروەسا گوهداریا وان بکەی و ملکەچی وان ببی (عیبرانی ١٣: ١٧) بێی کو خۆ بۆ وان بدەیە نیاسین و ملکەچی شێوازێ ئەندامبوونێ ببی یێ کو رێ ب وان ددەت بزانن و باشترین چاڤدێریا وان بکەن یێن کو د بەرپرسیارەتیا وان دانە.
٥. باشیا نەباوەرداران
ئەگەرێ دی یێ باش ژ بۆ بەشداریکرنێ د کەنیسەیەکێ دا باشیا وانە یێن کو هێشتا بەشدار نەبووین، هەتا وان یێن کو هێشتا عیسای نەنیاسن ژی. چنکو ئەم باشتر مەسیحی وەکو پارچەیەك ژ جڤاکەکێ ئەرکدار و خۆجهـ دگەهینن و دیار دکەین. “ب ڤێ چەندێ هەمی دێ زانن كو هوین شاگردێن منن: ئەگەر هوین حەز ژ ئێكودوو بكەن” (یوحەننا ١٣: ٣٥).
مەسیحیەکێ بتنێ باشترین دیدەڤانی بۆ مەسیحی دروست ناکەت. بەلکو، کەسەکێ دەروونبچویك و خودان ماڵ و پارچەیەك ژ پشتەڤانیەکا جڤاکی پەیمانا بهێز ب باشترین شێواز یێ ئامادیە یێن دی بینیتە د ناڤا پاشایەتیێ دا.
ئەڤرۆکە جڤاك گەلەك یێ گرنگە د دیدەڤانیا مە دا. وەکو وان مەسیحیێن ب راستی دلسۆزێن دەنگێ مەسیحینە خۆ پتر و پتر ل گەل کێماتیا جڤاکی دبینین، ئەم پێدڤی باوەردارێن دی نە کو ئاماژێ پێ بدەین، کو ئەم نە د نێرینێن خۆیێن سەیر و دیار دا نە بتنێینە، د دیرۆکێ و ئەڤرۆکە ژی هەردووکان دا. هەروەسا جڤاك هەمی پێگڤە مەسیحی باشتر نیشان ددەت ژ تاکێن مەسیحی بتنێ.
ئەڤ چەندە ب باشترین شێواز د کۆمەلێن بێئەکدار دا روی نادەن، بەلکو د پەیوەندیێن کویر و خودان ئەرك و دۆمدرێژ و ب درێژاهیا ژیانێ ب ئەڤێ رێکخستنا تاقیکری یاکو دبێژنێ “کەنیسەیا نافخۆیی” دا روی ددەن، کو د ئاقلمەندی و هێزا عیسای ب خۆ دا یا هاتیە دامەزراندن و ڕاگرتن .
٦. خۆڕاگرتنا تە ب خۆ
ل دویماهیکێ پەیمان گرێدانا تە ل گەل خەلکی نوکە داکو لێگەریانێ ژ مزگینێ نەکەی، بێی کو گڤاشتنەکا بهێز کو تە بزڤرینیتەڤە، دبیت رۆژەکێ بهایێ خۆڕاگرتنا تە د باوەریێ دا بسەلمینیت، هەروەسا هەروهەریا تە ل گەل مەسیحی ژی. د سەر ئەڤێ چەندێ هەمیێ را وەکو عیسای گۆتی، ئەوێ کو هەتا دویماهیکێ خۆ ڕاگریت ئەو دێ قورتال بیت (مەتتا ٢٤: ١٣).
د پەیمانەکا باشا کەنیسێ دا ئەم خۆ بۆ بەرپرسیارەتیێ تەرخان دکەین ل وی دەمێ کو ئەم ل سەر هشێن خۆ، ژبەر کو ئەگەر هات و رۆژەکێ گونەهـێ شوینپێ خۆ د دلێ مە دا کر و ئەم ژ راستیێ کورە کرین. پەروەردەکرنا کەنیسێ یا ب زەحمەتە، بەلێ گەلەك یا باشە. مەبەست هەمی دەمان نویژەنکرنە، و خودێ ژی گەلەك جاران ب دلخۆشی ئەڤان رێکێن ب زەحمەت بکار دئینیت داکو کەرەما خۆ بسەر مە دا ببارینیت.
گەلی خویشك و برایێن من، ئەگەر ئێك ژ هەوە ژ راستیێ ڤاڕێ بوو و ئێكی ئەو ڤەگەڕاند، بلا بزانیت كو ئەوێ گونەهكارەكی ژ رێكا وی یا ڤاڕێ ڤەگەڕینیت، ئەو دێ كەسەكی ژ مرنێ قورتال كەت و گەلەك گونەهان نخێڤیت. (یەعقوب ٥: ١٩-٢٠)
ئەڤ گۆتارە ژ ژێدەرەکی وەرگێرایە ل ڤیرێ
