ئەرێ ئەز دێ چەوا شێم رێبەریا کەنیسەیا خۆ کەم کو بەرەڤ ئه ندامييه كا ب رامان ببەم؟
ڕاگەهاندنا مزگینیێ. فێرکرنێ دەربارەی پیرۆزیا خودێ و گونەهکاریا مرۆڤی و کەفارەتا پێگهورا مەسیحی و ڕابوونێ بکە، هەروەسا پێدڤیاتیا مە بۆ تەوبەکرنا مە ژ گونەهێن مە و باوەریێ پێ بینین. هەروەسا رۆهن و ئاشکرا بکە کو ئەوێن ملکەچی ئێکودوو نەبن د حەزژێکرنێ دا چ ئەگەر نینن هزر بکەن کو ئەو ملکەچی خودێنە د حەزژێکرنێ دا (١ یوحەننا ٤: ٢٠-٢١).
داخویانیەکا باوەریێ و پەیمانا کەنیسەیێ بکار بینە. داخوازێ ژ ئەندامان بکە کو داخویانیەکا باوەریێ ( کەنیسەیێ چ باوەری هەیە) و پەیمانا کەنیسەیێ (کا چەوا ئەندام دێ ل گەل ئێك ژین) پشتراست بکەن.
داخوازا وانەکا ئەندامبوونێ بکە. هاریکاریا ئەندامێن مومکن بکە بزانن کا دێ چ ژ وان هێتە پێشبینیکرن و کا ئەو دشێن پێشبینیا چ ژ کەنیسێ بکەن. ئەڤێ دەرفەتی بکار بینە کو ب رێکا داخویانیا باوەریێ و پەیمانا کەنیسەیێ و گرنگیا ئەندامبوونێ و بنگەهێ پراکتیکیێ کا چەوا کەنیسە کار دکەت فێرکرنێ بکە.
داخوازا دیدارەکێ ل گەل شیڤانەکی بکە. د دیدارێ دا پرسیارا تاکی بکە کو مزگینیێ بەلاڤ بکەت و ڤەگێرانەکا دانوستاندنا خۆ و شاگردیا وان ژ وی هینگێ وەرە بدەنە بەردەست. هەروەسا ئەڤ چەندە دەرفەتا وێ چەندێ درەخسینیت کو باشتر خەلکێ نوی بنیاسی و پرسیاران د ژینگەهەکا ئارام دا بکەی.
تافیرکرنا زارۆکان براوەستینە. زارۆکەکێ بچویك ب پشتراستی دشێت ببیتە مەسیحیەك. بەلێ کەنیسەیەك نەشێت بگرنگی تەماشەی وێ چەندێ بکەن کا دبیت زارۆکەك ببیتە مەسیحی یان ژیك نە. پێدڤیە دەرفەت ب زارۆکان بهێتە دان کو پێگەهشتی ببن و هەلکەفتەك هەبیت خۆ ل بەر دلکێشیا ئەڤێ جیهانێ بگرن. ئەڤجا چ شاشیا دروست نەکە ب رێکا تافیرکرنا ئەوان یێن کو کەنیسە نەشێت ب رێکەکا باوەرپێکری باوەریا وان تاقی بکەت.
بۆ ئەندامێن نوی داخوازا قەبویلکرنا ئەندامێن کەنیسێ بکە. وەرگرتن و دەرئێخستنا ژ ئەندامبوونا کەنیسەیێ ئەرکەکە ژ ئەرکێ جڤاتێ (ئەڤە ژی نیشانەکە ژ ٢ کورنتۆس ٢: ٦). ئەڤجا هوسا رێبەریا کەنیسەیا خۆ بکە ب ئاشکرایی پشتراست بکەی کو هەر ئەندامەکێ کەنیسەیێ دهێتە وەرگرتن و دلسۆزکرن.
پشتراست بکە کو کەنیسەیێ رێیەکا هەی کو بدروستاهی دشێت دیار بکەت کا ئەندام کیە. ئەڤ چەندە هاریکاریا ئەندامان دکەت کو بزانن کا ئەوان پەیمان ل گەل کێ گرێدایە وەکو برا و خۆیشک ب رێکا مەسیحی. هەروەسا هاریکاریا حەزژێکرنا ئەندامان بۆ ئێک و دوو دکەت کو کویرتر لێ بهێت ل وی دەمێ کو ئەو بدروستاهی دزانن کا ئەو بەرپرسن شاگردیا کێ بکەن و خەمێ ژ کێ بخۆن. ئەندامان هان بدە کو نڤێژان ب ناڤی بۆ ئێک و دوو بکەن.
چاڤدێریەکا ئۆلداری ل ئەندامان بکە. پێکولێ بکە پشتراست بکەی کو هەر ئەندامەك یێ د دانۆستاندنەکا ئاسایی دا ل گەل شیڤانەکی یان ژی مەسیحیەکێ پێگەهشتی د جڤاتێ دا. دەستپێشخەریێ وەربگرە کو بزانی چ د ژیانا ئەندامان دا رویددەت.
کەلتۆرەکێ شاگردبوونێ بچینە. مەسیحیێن گەنج هان بدە کو ببنە شاگردێن یێن مەزنان ئانکو مەسیحیێن پێگەهشتیتر. مەسیحیێن پێگەهشتیتر هان بدە کو مەسیحیێن ژ وان کێمتر پێگەهشتی بداننە بن چەنگێن خۆ. هەر ئەندامەکێ کەنیسەیێ هان بدە کو د پەیوەندیێن کومەکیێن ب گیانی ب مفا دا بن.
هندەك چالاکی و خزمەتێن تایبەت بۆ ئەندامان سنۆردار بکە. پێدڤیە کەنیسە هزر د شیانا رویدانا ڤەبرینا جڤینێن کاری و خزمەتا گشتی و گرۆپێن بچویكێن خۆ دا (ژبلی بۆ یێن مزگینیدەر) بۆ ئەندامان بتنێ بکەت.
راهێنانا شاگردیا راستکەر بڤەژینە. هەردەمێ تە کەلتۆرەکێ ئەندامبوونەکا ب ڕامانا دامەزراند، دەست ب رێبەریا جڤاتا خۆ بکە ب دەرئێخستنا وان یێن کو ل سەر گونەها رژدا نەتەوبەکری دبەردەوامن.
