ئێدی ئەز نەمایمە ئەوا دەیکینیێ دکەت

وەکو دەیك بەهرا پتریا جاران رۆژێن مە ژ تشتێن نەچاڤەرێکری و قەرەبالغ د تژینە. 

ئەم گەلەك ئەرك و داخوازیان پێگڤە برێڤە دبەین، هەمی دەمان پێکۆلێ دکەین پێشبینی و رێگریا کارەساتا بهێت بکەین بەری روی بدەت، بۆ ئەوان یێن کو چاڤدێریا سەرەدانێن رۆژا تەنگاڤیان دکەن، هوین دزانن مەبەستا من چیە. عەمبارێن مە یێن تاکەکەسی یێن زانین و بهێنفرەهی و هێزێ گەلەك جاران پتر ژ قەبارێ خۆ دهێتە راکێشان. داخوازی ل سەر سەرنجا مە د بێ دویماهیکن. ل دویماهیکا رۆژێ ئەم گەلەك ماندی دبین و دفەلشین. هەروەسا ئەم هوسا دنڤین کو دزانین سوباهی ژی دێ گەلەك وەکی ئەڤرۆکە بیت. 

د ناڤەراستا رۆژانێن مژویل دا، یا بساناهیە بۆ مە داخوازا هاریکاریێ و بەری هەمی تشتان هیڤی ژ تشتێن ئافراندی بکەین، ل شوینا کو ژ خودێ بکەین. یا بساناهیە بەرێ خۆ بدەیە پێگوهۆران داکو د قەرەبالغێ دا ئاشتی و ئارامیێ دابین بکەی. دبیت ئەم خۆ ب تشتێن ئارامکەرێن دەمکورتڤە  مژویل بکەین ب رێکا تەماشەکرنا تۆرێن جڤاکی و ئاهەنگ گێران ب خوارنەکا خۆش و لێگەریانا ئونلاین بۆ چارەسەریا ئاریشەیێن خۆ یان ژی ب سادەی دەمژمێران بۆ ب دویماهیك هاتنا رۆژێ بهەژمێرین. 

ئەی دەیکا خەباتکەرا خۆشتڤی، عەمبارەکا دەولەمەندا هاریکاریێ و هیڤیان بۆ مە یا هەی، هەروەسا ئەو نەرەهێن ئارامی و دلخۆشکەرێن دەمکورتن. ئەو د مژویلاهیان دا ناهێتە دیتن. هێز و خۆڕاگرتن و دلخۆشیا مە دشێن بۆ رۆژانە بن و ب شێوازەکێ خۆرت رەهدارن ب رێکا وی یێ کو مەسیی بۆ مە یە و ئەم د وی دا کینە. 

ئەم وەکو شاهژنان دەیکینیێ دکەین

بیردۆزا ئێکبوونا ل گەل مەسیحی ئێك ژ راستیێن بنیاتینە یا کو ئەم گەلەك جاران پشتگو‌هـ دهاڤێژین، یان ژی ئەگەر ئەم دانپێدانێ بکەین، ئەم  زانینا گرنگیا وێ نزانین. ئەم دزانین ئەو راستیە و مە پێدڤیا پێ هەی، و ئەگەر ئەم د راستگۆ بین هێشتا گەلەك ژ مە ئاستەنگان دبینن کو ب دروستی بجەربینن یان ژی ئێکبوونا مە ل گەل مەسیحی بسەپینن. 

دەمێ مەسیح عیسا هاتیە ئەڤی ئەردی، ئەو بوو خوین گوشت و د جیهانا مە یا کەفتی دا ژیا. دلێ وی دمینیتە ب ئازار و لاوازیا مە ڤە. ئەوی ژیانەکا تەمام برە سەری، ئەو ژیانا ئەم نەشیان بژین و ئەو ب وێ مرنا ئەم ژ هەژی مر. ب رێکا خەلاتێ باوەریێ ب کا مەسیح کیە و چ ئەنجام دایە، ئەم نوکە ل گەل وی د ئێکگرتینە. هەروەکو هنارتی پاولۆس دنڤێسیت، “ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری”. (گالاتیا ٢: ٢٠). خودێ تەماشەی مە دکەت و مە ئێکگرتی ل گەل مەسیحی و راستداریا وی دبینیت. هەمی یا کو مەسیحی هەی، و هەمیا کو ئەوە، نوکە یا مەیە، هەروەکو ئەم یێن وی. 

د کارێ لوسەری دەربارەی ئازادیا مەسیحیان (Concerning Christian Liberty)، ئەو ئەڤێ ئێکبوونێ ب رێکا نموونەیا هەلبژارتنا پاشایەکی کو هەڤژینیێ ل گەل لەشفرۆشەکێ پێك بینیت، وەسف دکەت. ب رێکا ئێکبوونا هەڤژینیا وان، لەشفرۆش دبیتە شاهژن، هەروەسا هەمی یا کو یا پاشایە دبیتە یا وێ. ئەو ب ئێکجاری شاهانەیە، کنجرێن وێ یێن قرێژی ب عەبایێن شاهانە هاتینە گوهۆرین. نە ئەو بتنێ، بەلکو پاشای هوسا دیت و هەمی گونەهـ و قەرێن وێ وەکو یێن خۆ هەژمارتن. وەکو لوسەر دنڤێسیت: 

مەسیح، کو ئەو هەڤژینێ دەولەمەند و دیندار، لەشفرۆشەکا هەژار و نەدیندار وەکو هەڤژین بۆ خۆ دبەت، وێ ژ هەمی خرابیێن وێ قورتال دکەت و هەر تشتەکێ خۆ یێ باش ب وێ ددەت. د شیان دا نینە نوکە گونەهێن وێ پێدڤی بن وێ ژ ناڤ ببەن، چنکو ئەو ل سەر مەسیحی هاتینە دانان و ب رێکا وی هاتینە داعویران، هەروەسا چنکو ئەوێ ب رێکا هەڤژینێ خۆ مەسیح راستداریەکا هەی یا کو ئەو دشێت وەکو یا وێ ب خۆ رابگەهینیت، ئەو دشێت ژی ب پشتراستی ل بەر سینگێ هەمی گونەهێن خۆ، ل بەر سینگێ مرن و دۆزەخێ براوەستیت و بێژیت: “ئەگەر من گونەهـ کر بیت، مەسیحێ من یێ کو من باوەری پێ هەی گونەهـ نەکربیت، هەمی یا من هەی یا وی یە، و هەمی یا وی هەی یا منە”. 

ئێکبوونا مە ل گەل مەسیحی نەبتنێ هەستەکە یان ژی فێرکرنەکە قەبویل بکەین، بەلکو ئەو راستیەکە. ئەم ب راستی و کویراتی ل گەل قورتالکەرێ خۆ یێن هاتینە ئێکگرتن. ئەم یێن وینە، و ئەو یێ مەیە. 

دەیکینی د سەرکەفتنا کەسەکێ دی دا

رانکن ویلبورن ئێکبوونا ل گەل مەسیحی هوسا شرۆڤە دکەت: “دەمێ ئەم د مەسیحی دا، هەر پارچەیەك ژ ژیانا مەسیحی، نەبتنێ مرنا وی، بۆ مە گرنگیا خۆ یا هەی. ئەم پشکداریێ د ژیان و گوهداری، مرن و رابوونا وی، هەتا بلندکرنا وی ژی دا دکەین! ئەم بەشداریێ د سەرکەفتنا کەسەکێ دا دکەین” (ئێکبوونا ل گەل مەسیحی، ٤٥/ Union with Christ, 45). 

ب درێژاهیا ئەڤێ نامەیێ دا، پاولۆس فرێزا “د مەسیحی دا” بۆ وەسفکرنا ئێکبوونا مە بکار دئینیت. “د مەسیحی دا” ئەم یێن هاتینە راستدارکرن و بخۆدانکرن و پیرۆزکرن و مەزنکرن (١ کورنتۆس ١: ٣٠، ٢ کورنتۆس ٥: ١٧). ئەم ئەڤێ راستیا ئەڤێ ئێکبوونێ ب رێکا گیانێ مەسیحی یێ کو د مە دا دژیت، دجەربینین. ل وێ شەڤا بەری بێبەختی ل عیسای بهێتە کرن، ئەوی سۆز دا شاگردێن خۆ کو گیانی وی دێ هێت و دێ د ناخێ وان دا ژیت. ب راستی، ئەوی گۆت کو ئەو تشتەکێ باشە بۆ وان ئەو نوکە بچیت، داکو گیانێ وی بشێت بهێت (یوحەننا ١٦: ٧). 

گیانێ پیرۆز دەستبەع و سۆز و موهرە کو ئەم گرێدای مەسیحینە (ئەفەسوس ١: ١٣-١٤). ئەم هەڤپشکیا ل گەل خودێ ب رێکا گیانی دجەربینین. ئەو ئارامکەر و پارێزەرێ مەیە. ئەو مە پال ددەت و تومەتبار دکەت و فێر دکەت و مەهدەریێ ژی بۆ مە دکەت. ئەم نوکە دژین، دەیکینیێ دکەین، ب گیانی و نە ب خوین و گۆشتان (رۆما ٨: ٩). 

ئێکبوون د ژیانا دەیکینیێ دا

ئەرێ پەیوەندیا ئێکبوونا ل گەل مەسیحی ب ژیانێ ڤە وەکو دەیك چیە؟ ئەرێ چەوا ل گەل ژیانا مە یا رۆژانە دهێتە پارچەکرن و وەکو ئەم خەباتێ بۆ حەزژێکرنا زارۆکێن خۆ دکەین هیڤی و ئومێدان ددەتە مە؟ 

دەمێ تو حەفازا خۆ یا بیستێ د رۆژێ دا دگوهۆری، و هەست پێ دکەی کو تە هیچ تشتەکێ دی ئەنجام نەدایە، تو دشێی بیرا خۆ بینی کو تو یێ ل گەل مەسیحی هاتیە ئێکگرتن. ئەگەر تو ژ دل دەیکینێ بکەی، وەکو بۆ خودانی، و بزانی دێ خەلاتێ خۆ ژ دەف وی وەرگری، دەیك و بابینیا تە مەزناهیێ ددەتە وی (کولوسی ٣: ٢٣-٢٤). دەمێ تو خزمەتێ بۆ مەزناهی و پەسنا مەسیحی بکەی، نەیا گرنگە کا کارێ تە چەند یێ دەروونبچویك یان ژی دووبارەکریە، چ جاران د بەر ئاڤێ دا ناچیت. ب رێکا کارێ مەسیحی یێ تەمام ژ پێش تە ڤە، خزمەتا تە د دیتنا خودێ دا هاتیە پیرۆزکرن. ئەو حەزژێکرنا تە یا پر ژ گیانی و چاڤدێریا تە بۆ زارۆکێن تە دبینیت، و ب رێکا وێ دهێتە مەزنکرن (١ کورنتۆس ١٠: ٣١، ١٦: ١٤). 

دەمێ تو وەکو دەیکەك هەست ب شكەستنەکێ دکەی ژبەر کو زارۆکێ تە شیماتیەك ل ئەردێ دوکانەکا فرۆتنا کەلوپەلان کر، و هەر کەسەك زڤری و تەماشەی تە کر، بلا ل بیرا تە بیت کو کریارا زارۆکێ تە رامان و مەبەستا ژیانا تە پێشچاڤ ناکەت. بهایێ تە و قەدرێ تە ل سەر هندێ نینە کا تو چەند باش دەیکینیێ دکەی یان کا زارۆکێن تە چەند باش رەفتارێ دکەن. ب رێکا باوەریێ هاتیە دیتن، کو مەسیحی بۆ تە یە و د تە دا یە (گالاتیا ٢: ٢٠، ئەفەسوس ١: ٤-٥). 

دەمێ تو وەکو دەیکەك گونەهێ دکەی، دەمێ تو ب دلتەنگی یان ژی تۆڕەیی بەرسڤا زارۆکێن خۆ ددەی، بلا ب بیرا تە بیت کو ب رێکا ئیکبوونا تە ل گەل مەسیحی، خودێ مرنا وی بەرامبەر گونەها تە قەبویل دکەت. “ئەگەر ئەم دانپێدانێ ب گونەهێن خۆ بكەین، ئەو یێ دلسۆز و راستدارە، لەوما دێ ل گونەهێن مە بوریت و مە ژ هەمی خرابیان پاقژ كەت (١ یوحەننا ١: ٩). هەروەسا ب رێکا ئێکبوونا تە، تە گیانێ وی یێ هەی کو د ناخێ تە دا دژیت و کار دکەت، تە ژ گونەهان دپارزنیت و تە بۆ وێنەیێ مەسیحی دگوهۆڕیت. ئەو دێ یا کو وی دەست پێکری ب دویماهیك ئینیت و تە بۆ رۆژا عیسایێ مەسیح ئامادە کەت (فلیپی ١: ٦). 

دەمێ تو هەست ب لاوازی و پەریشانی یان ژی ب کێماتیێ دکەی، بلا ئێکبوونا تە ل گەل مەسیحی ل بیرا تە بیت، یێ کو لەشەکێ ئاقلمەندە (کۆلۆسی ٢: ٣). ئەو هێزا تەیە. مەسیح بۆ تەیە یێ کو تو نەشێی بۆ خۆ بی. ئەو سەرچاڤە و ژێدەرێ هەمیا تو پێدڤیی (٢ پەترۆس ١: ٣). بۆ هاریکار و هیڤیێ بۆ وی بکە قێری. ل ئاقلمەندیا وی بگەریە. ئەو تێرا هەیە. 

دەمێ زارۆکێن تە پێگەهشتی دبن و کێمتر پشتبەستنێ ب تە بکەن، و هەست دکەی تۆ یێ بێمفای، بلا ل بیرا تە بیت کو د مەسیحی دا بەری دەستپێکرنا دەمی تو بۆ کارێن چاك هاتبوویە ئافراندن (ئەفەسوس ٢: ١٠). خودێ د ئەڤی وەرزێ نوی دا ئەرکێن گرنگ و پێدڤی بۆ تە یێن هەین. 

دبیت ئەو کارێن چاك بۆ دەمەکی پتر رۆناهی ل سەر زارۆکێن تە هەبوو، ب تایبەتی دەمێ ئەو هێشتا بچویك بوون، بەلێ ئەو دێ تە ل جهەکێ دی بکار ئینیت. ب رێکا ئێکبوونا تە ل گەل مەسیحی، ئەو دێ فێقیێ باش بۆ مەبەستا خۆ یا چاك ژ تە بەرهەم ئینیت (یوحەننا ١٥: ٥). 

گەلی دەیکان، گەلەك جاران رۆژێن مە دپری پێشبرکیانە یێن کو مە رادکێشن و تاقی دکەن، بەلێ ئەم نەبتنێ نینین. ئەم ب رێکا باوەریێ ل گەل مەسیحی د ئێکگرتینە. بلا ئەو ئێکبوونە ل بیرا تە بیت. ب وی ڤە بمینە، هێزێ ژ وی وەربگرە، و دلخۆشیێ پێ ببە.

ئەڤ گۆتارە ژ ژێدەرەکی وەرگێرایە ل ڤیرێ