کاتێک باوەڕدارێکی دیکە هەڵەت لەبەرامبەر دەکات، دەبێت چی بکەیت؟
“ئەوەی خودی خۆی لە لەشیدا لەسەر دار گوناهەکانمانی هەڵگرت، تاکو سەبارەت بە گوناە بمرین و بۆ ڕاستودروستی بژین. بە برینەکانی ئەو چاکبوونەوە” (یەکەم پەترۆس ٢: ٢٤).
ئایا بنەمای ڕق و کین ھەڵنەگرتنمان چییە لە خوشک و برایانی مەسیحی کە تۆبە دەکەن؟
ئەو ئازارەی کە هەستی پێ دەکەین بەهۆی تاوانێکی خراپەوە کە بەرامبەرمان کراوە ون نابێت تەنیا لەبەر ئەوەی تاوانبارەکە مەسیحییە. لە ڕاستیدا، لەوانەیە هەست بە خیانەتی زیاتر بکەین. کاتێک کەسێک وشەی “داوای لێبوردن دەکەم” بەکاردێنێ دوای ئەوەی کە خراپەیەکی گەورەی ئەنجام داوە، ئەم وەڵامە بچوکە وەکو ھیچ وایە بەبەراورد لەگەڵ ئەو خراپە گەورە و پڕ ئازارەی کە ئەنجامی داوە.
بەڵام لەم حاڵەتەدا ئێمە مامەڵە لەگەڵ هاوباوەڕان دەکەین، بەڵێنی تووڕەیی خوداش لە بەرامبەر خراپەکارەکان جێبەجێ ناکرێت، چونکە “تاوانبارکردن بۆ ئەوانە نییە کە لەگەڵ عیسای مەسیحدا یەکن” (رۆما ٨: ١). واتا ئەوانەی کە لەگەڵ عیسای مەسیحدا بوونەتە “یەک”، تووڕەیی خودا لەسەریان نەماوە. چونکە خودا ئێمەی بۆ تووڕەیی دەستنیشان نەکردووە، بەڵکو بۆ بەدەستهێنانی ڕزگاری لە ڕێگەی عیسای مەسیحی خاوەن شکۆمانەوە (یەکەم سالۆنیکی ٥: ٩). وا دیارە کە تاوانبارەکان سزا نادرێن.
لە کوێ دەبێت خۆمان دڵنیا بکەینەوە کە دادپەروەری
ئەنجام دەدرێت، و مەسیحیەتیش گەورەیی گوناه نزم ناکاتەوە؟
وەڵامەکە ئەوەیە کە ئێمە سەیری خاچی مەسیح دەکەین. ئەو هەڵانەی کە لە دژی ئێمە کراون لەلایەن باوەڕدارانی ڕاستەقینەوە عیسای مەسیح بە مردنەکەی باجەکەی بۆ داون. ئەوە دەزانین کە هەموو گوناهەکانی گەلی خودا لەسەر شانی عیسا دانرا. “بەڵام یەزدان هەموو تاوانەکانی ئێمەی خستە سەر ئەو” (ئیشایا ٥٣: ٦، یەکەم پەترۆس ٢:٢٤).
ئازارەکانی مەسیح سزا و کەفارەتی تەواوی خودا بوو لەسەر هەموو ئازارێک کە تا ئێستا لە لەسەر دەستی کەسێکی مەسیحی دۆستەوە پێتگەیشتووە. بۆیە مەسیحییەت گەورەیی گوناھ نزم ناکاتەوە. مەسیحییەت ڕووناکی نییە بەرەو گوناه. عیسای مەسیح بە چاوی کەم تەماشای برینەکانمان ناکات.
بە پێچەوانەوە، لە مەسیحییەتدا، گوناه زۆر گەورەیە. هەر بۆیە سڕینەوەی گوناه پێویستبوو، بۆیە خودا کوڕەکەی خۆی خستە ئازارێکی زیاتر لەوەی کە ئێمە بتوانین کەسێک بخەینە ئازارێکی لەم شێوەیە لەبەرامبەر ئەو کردەوە خراپانەی کە لە دژی ئێمە کراوە. ئەگەر بە ڕق و کینە بۆ هاوباوەڕدارێک بڕۆین، دەڵێین لە ڕاستیدا قوربانی مەسیح بەس نەبوو بۆ سڕینەوەی گوناھەکانی گەلی خودا. بۆیە ئەگەر لە مەسیحیێک خۆش نەبیت کە گوناهی لە دژی تۆ ئەنجام داوە، ئەمە سووکایەتیکردنە بە عیسا و قوربانییەکەی لەسەر خاچ. لە کاتێکدا ئێمە نامانەوێت سووکایەتی بە مەسیح بکەین.
