-+=
Gelo Zivirîna Li Xwedê Çi Ye?
Zivirîna li Xwedê zivirîneke di jiyana mirov de ye. Ew xwedûrkirina mirov e bi temamî ji gunehan û berêxwedana wî ber bi Mesîh ve ye , jibo xilaskirinê. Ji perestina pûtan ber bi perestina Xwedê ve. Ji xwerastderxistinê ber bi rastderxistina Mesîh ve. Ji xweserweriyê ber bi serweriya Xwedê ve.
Zivirîna li Xwedê ew e ya ku çêdibe demê Xwedê wan ên ku bi ruh mirî ne, hişyar dike û dihêle ku ew tobe bikin ji gunehên xwe û dihêle ku wan bawerî hebe bi Mesîh.
- Demê Îsa Mesîh gazî me dike da ku em tobe bikin û baweriyê bi wî bînin, ew gazî me dike zivirîna li Xwedê. Ew guhertineke bingehiye di wan tiştên ku em baweriya xwe pê tînin û dikin jî. (Marqos 1:15)
- Demê Îsa Mesîh gazî me dike ku em xaçên xwe hilgirin û li pey wî herin, ew gazî me dike zivirîna li Xwedê. (Lûqa 9:23)
- Da ku em bikaribin tobe bikin, divê Xwedê bawerî û dil û jiyaneke nû bide me (Efesî 2:1, Romayî 6:17, Kolosî 2:13, Hiziqyal 36:26, Efesî 2:8, Tîmotêyos II, 2:25)
Zivirîna li Xwedê ne:
- Rûdaneke ku carekî tenê çêdibe bêyî ku bandorê li ser (awayê/çawaniya) jiyana me bike. Zivirîna li Xwedê di kêlîkekê de çêdibe û ew kêlîka guhertineke bingehiye. Lazim e jiyan piştî wê cuda be. Şerekî nû dest pê dike.
- Çûneke ber bi derekî ne xuyayî ve ye. Çêdibe berî zivirîna li Xwedê proseyek dirêj hebe ji hinekan re, lê hergav pê re, biryarek berdewam heye, ew jî biryara tobekirina ji gunehan û bawerîanîna bi Mesîh e, ya ku bi xwe encama (di cih de ye/resen e) ji wê jiyana nû a ku Xwedê dayî gunehkarekî bi ruh mirî.
- Vebijêriye. Karên Şandiyan 17:30 dibêje ku Xwedê emir dike ku hemû mirovên li her derê tobe bikin. Zivirîna li Xwedê qet çênabe bi tadayî , lê ew bi temamî lazim e da ku mirov xilas bibe.
- Danûstandineke. Tevî ku pêwîst e Mesîhî behsa Mizgîniyê bikin bi nefsbiçûkî, armanca me ne tenê Danûstandineke xweş a zaniyariyan e. Divê em gazî her kesî bikin ku tobe bike ji gunehên xwe û baweriya xwe bi Mesîh bîne jibo xilasiyê.
- Gontina duayekî taybet e. Bêguman zivirîna li Xwedê duakirin têde heye, lê divê em hişyar bin ku em hewl nedin berê xelkê bidin bawerîanîna bi gotina hinek peyvên taybet.
(Ev nivîsname bi şêweyekî serekî hatiye birin ji nivîsnama Brad Wîler ya ku bi navê “Yek Ji Peyvên Herî Pîs Îro: C——–n ”)
(Ev nivîsname hatiye birin ji https://www.9marks.org/answer/what-conversion/)
