ئەرێ کەسەك دشێت ب راستی خودێ نیاس بكه‌ت و هه‌ر د گونەهێ دا بژیت؟

ب راستی بێژم، نەخێر نەشێت. 

• یوحەننا گەلەك یێ زەڵالە د ئەڤێ گۆتنا خۆ دا: بتنێ ئەوێن کو د رۆناهیێ دا ب رێڤە دچن و گوهداریا فەرمانێن خودێ دکەن و حەز ژ مەسیحیێن دی دکەن ب راستی هاتینە گوهارتن ئانکو باوەری ئیناینه‌ (یوحەننا ١: ٦-٧، ٢: ٤-٦، ٣: ٧-٨)
• پاولۆس هەمان خال دبێژیت دەمێ دنڤێسیت: “ما هوین نزانن كو كەسێن خرابكار نابنە میراتگرێن پاشایەتیا خودێ؟” (١ کورنتۆس ٦: ٩). ل جهەکێ دی ب ئاشکەرایی دبێژیت: “چنكو ئەگەر هوین ل دویڤ لەشی بژین، دێ مرن، لێ ئەگەر هوین ب گیانێ پیرۆز كریارێن لەشی بمرینن، هوین دێ ژین.” (رۆما ٨: ١٣). ئەوێن کو بەردەوام جەنگی ب دژی گونەهێ دکەن و ل دویڤ راستداریێ دچن، مەسیحیێن راستەقینەنە.
• عیسا ب خۆ دبێژیت: “دارەكا باش نەشێت بەرهەمەكێ خراب بدەت و دارەكا خراب ژی نەشێت بەرهەمەكێ باش بدەت. هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن.” (مەتتا ٧: ١٨-١٩). هەرکەسەکێ کو دووبارە ژدایکبوویەڤە بەرهەمێ گیانەکێ باش هەیە، کو وی یان وێ ژ جیهانێ جودا دکەت (هەروەسا بنێرە مەتتا ٥: ١٣-١٦، مەتتا ٧: ٢١-٢٢). 

ژبەرکو چ مەسیحی د ئەڤێ ژیانێ دا یێ تەمام نینە، پەیمانا نوی جەخت لسەر هندێ دکەت کو بتنێ ئەو کەسێن ژیانا خو پێشکێش بەرهەمێ گیانێ راستەقینە دکەن دووبارە ژدایك بووینەڤە.

ئەڤ گۆتارە ژ ژێدەرەکی وەرگێرایە ل ڤیرێ