کارکرن بۆ ئێکگرتنێ

پرسیار ژ هەر قەشەیەکی بکە دەربارەی وان تشتێن وی دڤێن د کەنیسەیا خۆ دا ببینیت، و ل جهەکی ل سەرێ لیستا وی دێ ئێکگرتن بیت. “ئەڤە چەند باش و چەند جوانە کو برا پێگڤە بژین!” (زەبوور ١٣٣: ١). ئەڤە یا باشە و کەنیسەیێن مە خۆشتر لێ دهێن دەمێ ب ئێکگرتن دهینە نیاسین. 

ئەڤجاپێدڤیە ئەندامێن گەلەك دلسۆزێن کەنیسێ ژی ل دویڤ ئێکگرتنێ بچن. پەرتۆکا پیرۆز داخواز ژ مە دکەت کو “هەمی بزاڤا بکەن کو هەین ئێکەتیا گیانی ب بەندەکێ ئاشتیێ بپارێزن” (ئەفەسوس ٤: ٣). 

بەلێ ب شێوەکێ هەڤدژ، د پەیرەوکرنامە یا ئێکگرتنا پەرتۆکا پیرۆز دا، دبیت ئەم زێدە هزر ل سەر خۆ بکەین. ئەم دشێین هزر د گازیا ئێکگرتنێ دا وەکو پەیوەندیێن مە یێن تاکەکەسی ب خۆ ل گەل مەسیحیێن دی بکەین. “ئەرێ من هیچ ناکوکیێن کەسی هەنە کو پێدڤیە بهێتە بەحسکرن؟” “ئەرێ ئەز یێ دلۆڤان و حه ز ژێکەر ل گەل وان یێن کو خودان هزرێن جیاوازن ل سەر ئاریشێن لاوەکی و یێن نەگەلەک گرنگ؟” “ئەرێ ئەز ب دلخۆشی خۆ ملکەچی سەرکێشیا کەنیسەیێ دکەم؟” ئەو پرسیارە گەلەك د گرنگن کو پێدڤینە ئەم ژ خۆ بکەین داکو ئەم بشێین چەند ل سەر مە پێدڤیە ل گەل هەمیان ب ئاشتی بژین. بەلێ گازیا نڤێساری بۆ ئێکگرتنێ کویرتر و فرەهتر دچیت. ئانکو پەرتۆکا پیرۆز قالبەکێ مەزنتر بۆ مە ددانیت ل شوینا کو ئەم د ناکوکیێ دا بین ل گەل یێن دی د جڤاتا مە دا. 

ژبەر هندێمن دڤێت چوار پێشنیارێن کرداری پێشکێش بکەم یێن کو دێ هاریکاریا تە کەن کار ل سەر ئێکگرتنێ بکەی د لەشێ خۆیێ ناڤخۆیی دا. بەلێ ئەز دێ بەری هینگێ هوشداریەکێ دەمە تە: ئەڤ چەندە ب ساناهی بدەستڤە ناهێن. هندەك ژ وان داخوازا کارەکێ مەزن دکەن، دبیت یێن دی ژی بەرەڤ هەڤپەیڤینێن ب زەحمەت ڤە بچن، و دێ ئەو هەمیە ژی گازیا دەرکەرفتنێ ژ ناڤچەیا تەیا ئارامیێ بکەن. بەلێ ژ بەر ئەڤێ چەندێ فەرمان ل مە یا هاتیە کرن کو “هەمی بزاڤان بکەین” بۆ ئێکگرتنێ. ئەگەر ب ساناهی بان و بشێوەکێ سرۆشتی هاتبانە بدەستڤەئینان، پێدڤی نەدکر فەرمان ل مە هاتبا کرن کو “هەمی بزاڤان بکەین”. پێدڤی ناکەت بۆ هەرکەسەکی بهێتە گۆتن کو “هەمی بزاڤان بکەت” دا پتر چپسان بخۆت. بتنێ بۆ خوارنا تشتێن مینا کەسکاتیانە کو پێدڤیە “هەمی بزاڤان بکەین.” 

١. یێ ئاشتیخواز بە.

ئاشتیخواز بوون نە بتنێ بۆ وێ چەندێ یە پشتراست بکەی کو پەیوەندیێن تە ب خۆ یێن هاتینە ئاشتکرن. بەلکو داخوازێ ژ تە دکەت کو ببیە ئەگەرێ ئاشتکرنێ و هاندانا وێ د ناڤ وان ئەندامێن جڤاتا تە دا یێن کو دنەرازینە.

ل دەمێ سەرەدەریکرنێ ل گەل ناکوکیەکا خرابکرنا ئێکگرتێ ل کەنیسەیا ل فلیپی، ل دەستپێکێ پەولۆسی ئێکسەر ئاماژە ب لایەنێن گونەهبار دا: “ئەز هیڤی ژ ئەیۆدیایێ و ژ سنتیخایێ دکەم، کو د ئێکبوونا ل گەل خودانی دا هەڤهزر ببن” (فلیپی ٤: ٢). بەلێ تێبینیێ بکە کو ئەو ل وێرێ نەراوەستیا. ئەو پاشی بەردەوام دبیت و هاریکاریێ ژ ئەندامێن دی دخوازیت: “بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.” (فلیپی ٤: ٣). 

هزر بکە کو تۆ دزانی دوو ئەندامێن کەنیسەیا تە ناکوکیەکا هەی. تۆ دشێی خۆ پاشڤە دەی و چ نەکەی، بێگۆمان ئەو رێکا ب ساناهیترە بهەلبژێری. بەلێ تۆ یێ هاتیە گازیکرن کو “هەمی بزاڤان بکەی” بۆ ئێکگرتنێ. کا ئەو چەندە یا چەوایە ل دویڤ وێ رەوشێ دمینیت. د هندەك سیناریۆیان دا، دبیت تو داخوازا کۆمبوونەکێ بکەی، و د هندەك سیناریۆیێن دی دا، دبیت بچیە دەڤ لایەنەك ژ وان و ئەوان ب پەرتۆکا پیرۆز هان بدەی کو بچن و ئاشت ببن. ئەڤە ژی پێدڤی ب ئاقلمەندیێیە. بەلێ د هەر حالەتەکی دا، کارکرن بۆ ئێکگرتنێ ئەوە کو بەروەخت یێ ئاشتیخواز بی. هەروەسا هەروەکو عیسای گۆتی، خوزیکێن ئاشتیخوازان. 

٢. ببە پەیوەندیکار

ئەم د سرۆشتێ خۆیێ گونەهکار دا، د تایبەتین. ئەگەر ئەم ب خۆ بین، ئەم ب شێوازەکێ سرۆشتی بەرەڤ کەسێن تایبە ت ڤە دهێینە کێشان ب هیڤیا پەیوەندیێن بەرفەرهتر. بەلێ دبیت ئەو حەزێن سرۆشتی د هاریکار نەبن بۆ دامەزراندنا ئێکگرتنێ. 

ئەڤجا لسەر بنیاتترین ئاست، پێدڤیە ئەم پشتراست بکەین کو ئەم نەبتنێ بەرەڤ گرۆپەکێ بتنێ یێ هەڤالان ڤە دهێینە کێشان. ب راستی کارکرن ژ بۆ ئێکگرتنێ پێدڤی ب کارکرنا زێدەترە، کو وەکو  پە یوە ندیکارە ک خه لكى بگەهیننە ئێك. 

ئەڤە هزرەك ل سەر هندێ کا دێ چەوا شێی ئەڤێ چەندێ ئەنجام دەی: جارا بهێت یا کو تو ل ماڵا خۆ فراڤینێ ب کۆم دخۆی، دوو کەسێن دی یێن د کەنیسەیا تە دا کو ب تەمامی سەر ب بازنەکەیا جودایا جڤاکیڤەنە داخواز بکە. بلا ماڵا تە ببیتە جهێ ئەو لێ ئێکودوو بنیاسن و دەست ب ئاڤاکرنا هەڤالینیەکێ بکەن یاکو ب چ شێوازێن دی چێنەدبوو. 

٣. دلخۆشکەر و گریکەر بە. 

پەولۆس ئاماژێ ب هەمان تشت بۆ لەشەکێ مرۆڤان د کەنیسەیێ دا دکەت، “لێ ب راستی ئەندام گەلەکن و لەش ئێکە” (١ کورنتۆس ١٢: ٢٠). دویماهیکەکا گرنگ یاکو ئەو ژ ئەڤێ هەڤوێنەیێ وێنە دکەت ئەوە کو “ئەگەر ئەندامەك بئێشیت، هەمی ئەندام ل گەل وی دئێشن. ئەگەر رێز ل ئەندامەكی بهێتە گرتن، هەمی ئەندام ل گەل وی دلخۆش دبن.” (١ کورنتۆس ١٢: ٢٦). 

ئەڤجاب شێوەیەکێ کرداری، ئەگەر تودێ بۆ ئێکگرتنێ کار کەی، پێدڤیە ئەم د دلخۆش بین ل گەل وان یێن دلخۆش و بگرین ل گەل وان یێن دگرین (رۆما ١٢: ١٥). ئانکو ل ئاهەنگێن زارۆکبوونێ ئامادە ببی و ل رێورەسمێن ڤەشارتنا مری ژی ئامادە ببی. ئانکو بریسکێن پیرۆزباهیێ و بریسکێن هەڤخەمیێ ژی بنڤێسی. ئەڤ چەندە هەمی داخوازێ ژ مە دکەت کو ئێکودوو وەسا باش بنیاسین کو مە ب راستی ئاگەهـ ژ خویشك و برایێن خۆ هەبیت دەمێ د دلخۆش و بگری. یاکو دووبارە پێدڤی ب بزاڤا خواستەکی.

کو د خۆشی و نەخۆشیان دا ل گەل ئەندامێن کەنیسەیا خۆ بەشدار ببی دێ بیتە ئەگەرێ ئاڤاکرنا ئێکگرتنەکا مەزنتر و خۆڕاگرتر.

٤. پشتبەستنێ ب مزگینیێ بکە.

یا گرنتر ژ هەمیان، ئەگەر تودێ د کەنیسەیا خۆ دا بۆ ئێکگرتنێ کار کەی، پێدڤیە تو پشتبەستنێ ب مزگینیێ بکەی.

ب رێکا مزگینیێ، هەر ئەندامەکێ کەنیسەیا تە ل گەل مەسیحی یێ هاتیە ئێکگرتن. لەوما هەر ئەندامەکێ کەنیسەیا تە ل گەل ئێك و دوو یێن هاتینە ئێکگرتن. تێبینی بکە کا چەوا پەولۆس ئاماژێ دکەت کو باوەردارێن ل فلیپی، ئەوێن کو پێدڤی بوون د لەشێ خۆ دا بۆ ئێکگرتنێ هەمی بزاڤان بکەن، ناڤێن وان هەمیان د پەرتۆکا ژیانێ دا هەنە (فلیپی ٤: ٣). دیارە کو ئەم هەمی دێ هەروهەریێ پێگڤە بوورینین و وەکو خەلکی بەهەشتێ پەرستنا قورتالکەرێ خۆیێ دیار کەین، ئێکگرتنا ل ڤێرێ و نوکە تشەکە ژ هەژیە جەنگ بۆ بکەی!

پێدڤیە مزگینی ل بیرا مە بیت. چنکو ب تنێ ب رێکا هێزا مزگینیێیە کو کەنیسەیەکا هەمەرەنگا وەکی یا تە (و یا من ژی!) دشێت بهێتە پێك ئینان ب حەزەکا گشتی و دیارکرنا حەزژێکرنا راستەقینە و ئێکگرتنێ. ب راستی، ئەو ئەڤ حەزژێکرنە و ئێکگرتنەیە یا کو پاشی خزمەتا مزگینیا کەنیسەیێ بهێز دکەت ” پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن” (فلیپی ١: ٢٧). 

ئەڤجا، خۆیشك و برایان هەرن و هەمی بزاڤان بۆ دویڤچوونا ئێکگرتنێ بکەن. ئەز دزانم یا بزەحمەتە. بەلێ بۆ هه وه یا باشە. هەروەکو پتر خوارنا کەسکاتیان.