نموونەیەکا پەیمانەکا کەنیسێ
پشتی کو کەرەما خودێ ئەم ئیناینە بەرەڤ لخۆزڤرین و باوەرئینان ب خودان عیسایێ مەسیح و ب گیانێ وی یێ پیرۆز ئەم خۆ بۆ وی پێشكێش بکەین، ئەم نوکە ب دلخۆشی ڤە پەیمانی دگەل ئێک و دوو گرێددەین.
ئەم دێ کار کەین و نڤێژێ کەین ژبۆ ئێکگرتنا گیانی ب رێکا گرێدانا ئاشتیێ. (ئەفەسوس ٤: ٣)
ئەم دێ پێکڤە ب رێڤە چین د حەزژێکرنا برایانە دا، ب ئەنجامدانا چاڤدێری و زێرەڤانیا خەمخۆر لسەر ئێک و دوو و بشێوەکێ دلسۆز هاندانا ئێک و دوو بکەین، و هۆشداریا ئێک و دوو بکەین، و دووبارە ئێک و دوو دروست بکەین و ئامۆژگاریا ئێک و دوو بکەین دەمێ یا پێدڤی بیت. (یەحەننا ١٣: ٣٤- ٣٥)
ئەم خرڤەبوونا رێکخستی پشتگوهڤە ناهاڤێژی. (عیبرانی ١٩: ٢٥)
ئەم نڤێژان بۆ خۆ و بۆ ئێک و دوو پشتگوهڤە ناهاڤێژی. (کولوسی ٤: ٢)
ئەم دێ ب رژدی کار کەین ژبۆ پەروەردەکرنا هەر کەسەکێ ل ژێر چاڤدێریا مە بیت د راهێنان و رێنمایێن خودانی، و ب رێکا حەزژێکرنەکا نموونەیی و ئاخفتن لسەر ئینجیلێ، دێ ل رزگاربوونا خێزان و هەڤال و جیرانێن خۆ گەرین. (تیتۆس ٢: ١-٧، دواگۆتار ٦: ٤- ٧ك ١ پەتروس ٣: ١٥)
ئەم دێ کەیفخۆش بین دگەل وان کەسێن ژ مە کو کەیفخۆش دبن و دێ گرین دگەل ئەوێن دگرن، و دێ هەوڵ دەین ب نەرمی و هەڤسۆزی کو بارگرانی و خەمێن ئێک و دوو هەلگرین. (گالاتیا ٦: ٢، یەعقۆب ٢: ١٤- ١٧)
ئەم دێ ل هاریکاریا خودێ گەرین داکو ب هشیاری د جیهانێ دا بژین، و ئینکارکرنا بێ رەوشتیێ و هەستوسۆزێن دونیایێ بکەین، و ل بیرا مە بیت کو ئەم ناڤێ مەسیحی هەلدگرین و نوکە مە پابەندییەکا تایبەتا هەی کو ژیانەکا نوی و پیرۆز سەردا ببەین (ئەفەسوس ٥: ١٥- ٢١, ١ پەتروس ٢: ١١- ١٢، ١ یوحەننا ٢: ١٥- ١٧)
ئەم دێ پێکڤە کار کەین ژبۆ پاراستنا خزمەتەکێ د ڤێ کەنیسێ دا کو یا دلسۆز بیت بۆ پەیڤا خودێ و ئینجیلێ و فێرکرنا پەیڤێ و ئەنجامدانا تافیرکرنێ و شیڤا خودانی و ئەنجامدانا تەئدیبکرناکەنیسێ. (٢ تیمۆتاوس ٤: ٢، کارێن هنارتیان ٢: ٣٨, ١ کورنتۆس ١١: ٢٦, مەتتا ١٨: ١٧, ١ کورنتۆس ٥: ١٣)
ئەم دێ رۆلێ خۆ گێرین ب کەیفخۆشی و ب رێکخستن د پاراستنا خزمەتێ دا، و تێچوونێن کەنیسێ ، و هاریکاریا هەژاران، و بەلاڤکرنا ئینجیلێ بۆ هەمی نەتەوان. (مەتتا ١٩: ٢٨، لۆقا ١٢: ٣٣، ٢ کورنتۆس ٩: ٧)
دەمێ ئەم ژ ڤێ کەنیسێ دچین، هەر دەمەکێ د شیان دا بیت، دێ ئێکگرتنێ کەین دگەل کەنیسەکا دی یا کو باوەری ب ئینجیلا عیسایێ مەسیح دئینیت. (عیبرانی ١٩: ٢٥)
كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن. ئامین. (٢ کورنتۆس ١٣: ١٤)
