خۆشویستنی پارە واتای چییە
لەلایەن جۆن پایپەرەوە
لەلایەن جۆن پایپەرەوە
خۆشەویستی پارە ڕەگ و ڕیشەی هەموو جۆرە خراپەیەکە. ( یەکەم تیمۆساوس ٦:١٠ )
مەبەستی پۆڵس چی بوو کاتێک ئەمەی نووسی؟ مەبەستی ئەوە نوبوو کە پارە هەمیشە لە مێشکتدایە کاتێک گوناه دەکەیت. تەنانەت گوناهێکی زۆریش ڕوودەدات کاتێک بیر لە پارە ناکەیتەوە.
پێشنیاری من ئەمەیە: مەبەستی ئەوە بوو کە هەموو خراپەکانی دونیا لە جۆرێکی دیاریکراوی دڵەوە سەرچاوە دەگرن، ئەویش ئەو جۆرە دڵەیە کە پارەی خۆشدەوێت.
کەواتە خۆشویستنی پارە مانای چییە؟ بە مانای سەرسامبوون بە کاغەزی کەسک، دینار یان ئاڵتون نییە. بۆ ئەوەی بزانیت خۆشویستنی پارە مانای چییە، دەبێت بپرسیت، پارە چییە؟ من بەم شێوەیە وەڵامی ئەو پرسیارە دەدەمەوە: پارە تەنیا هێمایەکە بۆ سەرچاوە مرۆییەکان. پارە واتەی ئەوەیە کە دەتوانیت لە مرۆڤەکانی تر شتێک بەدەست بهێنیت لەبری خودا.
خودا بە دراوی نیعمەت مامەڵە دەکات نەک پارە: خودا گۆتی:«هەرکەسێک تینوویەتی، وەرە بۆ ئاو؛ وە ئەوەی پارەی نییە، وەرە بکڕە و بیخۆ!” ( ئیشایا ٥٥:١ ). پارە دراوی سەرچاوە مرۆییەکانە. کەواتە، ئەو دڵەی پارەی خۆشدەوێت، دڵێکە کە هیواکانی پەویوەند دەدات بە پارە ، و بەدوای چێژەکانیدا دەگەڕێت و متمانەی خۆی دەخاتە سەر ئەوەی کە سەرچاوە مرۆییەکان دەتوانن پێشکەشی بکەن.
خۆشەویستی پارە بە شێوەیەکی بنەڕەتی هەمان باوەڕە بە پارە —مانای باوەڕ بە پارە ئەوەیە کە پارە دەتوانێ پێداویستییەکانت دابین بکات و دڵخۆشت بکات.
خۆشەویستی پارە جێگرەوەی باوەڕبوون بە نیعمەتی داهاتووی خودایە. ئەوە باوەڕە بە سەرچاوە مرۆییەکانی داهاتوو — ئەو جۆرە شتەی کە دەتوانیت بە پارە بەدەستی بهێنیت یان دەستەبەر بکەیت. بۆیە خۆشەویستی پارە یان متمانە بە پارە، لایەنگری بێباوەڕییە بە بەڵێنەکانی خودا. عیسا لە مەتا ٦:٢٤فەرموویەتی، “کەس ناتوانێت خزمەت بە دوو ئاغا بکات. . . . ناتوانی خزمەتی خودا و پارە بکەیت”.
ناتوانیت لە یەک کاتدا متمانە بە خودا و بە پارە بکەیت. باوەڕبوون بە یەکێک، بێباوەڕییە بە یەکێکی تر. دڵێک کە پارەی خۆشدەوێت و پشت دەبەستێ بە پارە بۆ بەختەوەری ناتوانێ باوەڕ بە بەڵێنی خودا بکات بۆ تێربوونی رۆحمان.
